Gold Jewellery: బంగారు ఆభరణాలలో దాగివున్న ఖర్చులు.. ఒక అభరణం తయారీకి ఎంత ఖర్చు అవుతుంది?

Gold Jewellery Hidden Costs: మీరు బంగారం షాపులకు వెళ్లి తులం గోల్డ్‌తో అభరణం తయారు చేసుకుంటే ఎంత ఖర్చు అవుతుంది. అలాగే 5 గ్రాములలో ఒక ఉంగరం తయారు చేస్తే ఎంత ఖర్చు అవుతుంది. జీఎస్టీ ఎంత? తయారీ ఖర్చు ఎంత? పూర్తి వివరాలు తెలసుకుందాం..

Gold Jewellery

Subhash Goud |
Updated on: Apr 17, 2026 | 4:11 PM

Gold Jewellery Hidden Costs: మీరు 10 గ్రాముల (ఒక తులం) అభరణం చేయించుకోవాలని ఆలోచిస్తుంటే, కేవలం బంగారం మార్కెట్ ధరను బట్టి దుకాణానికి వెళ్లకండి. నగల వ్యాపారి వసూలు చేసే ‘తయారీ రుసుము’ (చేతిపని రుసుము), దానిపై విధించే 3% జీఎస్టీ మీ మొత్తం బిల్లుకు గణనీయమైన మొత్తాన్ని జోడించవచ్చు. అందుకే మీరు అదనంగా చెల్లించకుండా ఉండేందుకు కొనుగోలు చేసే ముందు ఈ పూర్తి లెక్కను అర్థం చేసుకోవడం చాలా ముఖ్యం.

ప్రస్తుతం బంగారం ధరలు నిరంతరం కొత్త రికార్డులను సృష్టిస్తున్నాయి. ఢిల్లీ బులియన్ మార్కెట్‌లో 24 క్యారెట్ల బంగారం ధర 10 గ్రాములకు రూ.1,55,510 దాటింది. కానీ 24 క్యారెట్ల బంగారం చాలా మృదువుగా ఉండటం వల్ల దానిని ఆభరణాల తయారీలో ఉపయోగించరు. సాధారణంగా 22 లేదా 18 క్యారెట్ల బంగారాన్ని ఉపయోగిస్తారు.

ఇది కూడా చదవండి: Indian Railways: ఇక రైలు ప్రయాణంలో కుదుపులకు చెక్! ప్రయాణం సాఫీగా.. ఆ శబ్దం ఉండదు!

ఇవి కూడా చదవండి

ఏప్రిల్ 16 నాటి డేటా ప్రకారం.. ఢిల్లీలో 10 గ్రాముల 22 క్యారెట్ల బంగారం ధర రూ.1,42,560గా ఉంది. మీరు 10 గ్రాముల బంగారంతో ఒక సాధారణ నెక్లెస్ తయారు చేస్తే, దాని అసలు ధర రూ.1,42,560 ఉంటుంది. కానీ ఇది ఆరంభం మాత్రమే.

తయారీ ఛార్జీలు, జీఎస్టీ బిల్లులను ఎలా పెంచుతాయి?

ఆభరణాల తయారీకి మేకింగ్ ఛార్జీలు జోడిస్తారు. ఇవి సాధారణంగా 8% నుండి 15% వరకు ఉంటాయి. మనం సగటున 10% మేకింగ్ ఛార్జీలు తీసుకుంటే, అప్పుడు రూ.1,42,560 నుండి రూ.14,256 పెరుగుతుంది. అందుకే మొత్తం ఖర్చు రూ.1,56,816 అవుతుంది. ఇప్పుడు ఈ మొత్తంపై 3% జీఎస్టీ వర్తిస్తుంది. అందుకే రూ.1,56,816పై రూ.4,704 జీఎస్టీ జోడిస్తారు. దీని ప్రకారం, 10 గ్రాముల నెక్లెస్ తుది ధర సుమారుగా రూ.1,61,520 అవుతుంది.

ఇది కూడా చదవండి: Dangerous Foods: జర భద్రం! ప్రపంచంలోనే అత్యంత ప్రమాదకరమైన 7 ఆహార పదార్థాలు ఇవే.. తింటే అనారోగ్యం ఖాయం!