Nirmala Sitharaman: పెట్రోల్, డీజిల్ సుంకాల తగ్గింపుపై మంత్రి నిర్మలమ్మ రియాక్షన్ ఇదే..!
Nirmala Sitharaman: కేంద్ర ప్రభుత్వం ఎక్సైజ్ సుంకాన్ని లీటరుకు రూ.10 తగ్గించడంతో పెట్రోల్పై సుంకాన్ని రూ.3కి, డీజిల్పై సున్నాకు తీసుకువచ్చింది. ప్రపంచ ఇంధన మార్కెట్లోని హెచ్చుతగ్గుల నుండి దేశ ప్రజలను కాపాడాలనే ప్రభుత్వ నిబద్ధతను ఈ చర్య ప్రతిబింబిస్తుందని సీతారామన్ ఒక ఎక్స్-పోస్ట్లో తెలిపారు..
Updated on: Mar 27, 2026 | 11:47 AM
Nirmala Sitharaman: అంతర్జాతీయ ఇంధన మార్కెట్లో నెలకొన్న అనిశ్చితి, పెరుగుతున్న ధరల నుండి దేశ పౌరులను రక్షించేందుకు కేంద్ర ప్రభుత్వం కీలక నిర్ణయం తీసుకుంది. పెట్రోల్, డీజిల్పై ఎక్సైజ్ సుంకాన్ని (Duty) భారీగా తగ్గిస్తూ తీసుకున్న నిర్ణయాన్ని కేంద్ర ఆర్థిక మంత్రి నిర్మలా సీతారామన్ స్వాగతించారు. కేంద్ర ప్రభుత్వం పెట్రోల్, డీజిల్పై లీటరుకు రూ. 10 చొప్పున సుంకాన్ని తగ్గించింది. ఈ తగ్గింపుతో పెట్రోల్పై లెవీ (సుంకం) రూ. 3 కి చేరింది. డీజిల్పై లెవీ సున్నా (0) కి పడిపోయింది. ప్రధాని నరేంద్ర మోదీ నేతృత్వంలోని ప్రభుత్వం వినియోగదారులను ధరల పెరుగుదల నుండి రక్షించేందుకు ఎల్లప్పుడూ కట్టుబడి ఉంటుందని, ఈ చర్య గ్లోబల్ మార్కెట్ ఒడిదుడుకుల నుండి సామాన్యులకు రక్షణ కవచంలా పనిచేస్తుందని ఆమె తన ‘X’ (ట్విట్టర్) పోస్ట్లో పేర్కొన్నారు.
దేశీయ నిల్వల కోసం ఎగుమతులపై ఆంక్షలు:
దేశీయంగా ఇంధన లభ్యత తగ్గకుండా చూసేందుకు ప్రభుత్వం మరో వ్యూహాత్మక అడుగు వేసింది. డీజిల్, విమాన ఇంధనం (ATF) ఎగుమతులపై ప్రభుత్వం సుంకాన్ని విధించింది. డీజిల్ ఎగుమతి సుంకం లీటరుకు రూ. 21.5. విమాన ఇంధనం (ATF) ఎగుమతి సుంకం లీటరుకు రూ. 29.5. ఈ చర్య ద్వారా ఇంధన కంపెనీలు లాభాల కోసం విదేశాలకు తరలించకుండా, దేశీయ మార్కెట్ అవసరాలకు ప్రాధాన్యత ఇచ్చేలా ప్రభుత్వం ఒత్తిడి తెచ్చింది.
ఇది కూడా చదవండి: Free Gas: గృహ వినియోగదారులకు కేంద్రం భారీ గుడ్న్యూస్.. రూ.500 వరకు ఉచిత గ్యాస్.. సెక్యూరిటీ ఫీజు జీరో…!
హోర్ముజ్ జలసంధి సంక్షోభం
పశ్చిమ ఆసియాలో పెరుగుతున్న ఉద్రిక్తతల నేపథ్యంలో ఇరాన్ (టెహ్రాన్) కీలకమైన హోర్ముజ్ జలసంధిపై దిగ్బంధం విధించింది. ప్రపంచంలోని మొత్తం ముడి చమురు, గ్యాస్ సరఫరాలో ఐదో వంతు (సుమారు రోజుకు 20-25 మిలియన్ బారెల్స్) ఈ మార్గం గుండానే వెళుతుంది. ఈ అంతర్జాతీయ సంక్షోభం వల్ల ఏర్పడే ఇంధన కొరతను ఎదుర్కోవడానికి భారత్ ముందస్తుగా ఈ రక్షణ చర్యలు చేపట్టింది. అంతర్జాతీయంగా చమురు సంక్షోభం తలెత్తినప్పటికీ, దేశీయంగా ధరలను అదుపులో ఉంచేందుకు ప్రభుత్వం పన్నులు తగ్గించడంతో పాటు ఎగుమతులపై నియంత్రణ సాధించింది.
In view of the West Asia crisis, the central excise duty on petrol and diesel for domestic consumption has been reduced by ₹10 per litre each. This will provide protection to consumers from rise in prices. Hon. PM @narendramodi has always ensured that citizens are protected from…
— Nirmala Sitharaman (@nsitharaman) March 27, 2026
మరిన్ని బిజినెస్ వార్తల కోసం ఇక్కడ క్లిక్ చేయండి
