Lemons: నిమ్మకాయలు నెల రోజుల పాటు తాజాగా ఉండాలా? ఈ చిట్కాలు పాటించండి!

Lemons Store Tips: నిమ్మకాయలు దాదాపు ప్రతి ఇంట్లోనూ నిత్యం అవసరమయ్యేవి. అయితే వీటిని తెచ్చిన కొన్ని రోజులకే ఎండిపోవడం లేదా కుళ్లిపోవడం వంటివి జరుగుతుంటాయి. ముఖ్యంగా వేసవిలో వీటి ధరలు కూడా ఆకాశాన్ని తాకుతుంటాయి. అందుకే నిమ్మకాయలను నెల రోజుల పాటు ఫ్రెష్‌గా ఉంచుకోవడానికి ఈ కింది పద్ధతులను ప్రయత్నించండి:

1. నీటిలో నిల్వ చేయడం (Water Storage): ఇది చాలా సులభమైన పద్ధతి. ఒక గాజు సీసా లేదా ప్లాస్టిక్ డబ్బాలో నీటిని నింపి, అందులో నిమ్మకాయలను వేయండి. ఈ డబ్బాను ఫ్రిజ్‌లో ఉంచితే నిమ్మకాయలు నెల రోజుల వరకు అప్పుడే చెట్టు నుంచి కోసినట్లు తాజాగా ఉంటాయి. ఇక్కడ గమనించాల్సిన విషయం ఏంటంటే రెండు మూడు రోజులకు ఒకసారి ఆ నీటిని మారుస్తూ ఉండాలి.
2. ఐస్ ట్రే పద్ధతి (Lemon Juice Cubes): నిమ్మకాయలు పాడైపోతాయని అనిపిస్తే, వెంటనే వాటి రసాన్ని పిండి ఒక గిన్నెలోకి తీసుకోండి. ఆ రసాన్ని ఐస్ ట్రేలో పోసి ఫ్రీజర్‌లో పెట్టండి. రసం గడ్డకట్టిన తర్వాత ఆ క్యూబ్స్‌ను ఒక జిప్‌లాక్ కవర్‌లో వేసి దాచుకోవచ్చు. మీకు అవసరమైనప్పుడు ఒక క్యూబ్ తీసి వాడుకుంటే సరిపోతుంది.
3. జిప్‌లాక్ బ్యాగులు లేదా ఎయిర్ టైట్ డబ్బాలు: నిమ్మకాయలను విడిగా ఫ్రిజ్‌లో పెట్టడం కంటే, ఒక జిప్‌లాక్ కవర్ లేదా గాలి చొరబడని ప్లాస్టిక్ డబ్బాలో పెట్టి భద్రపరచడం మేలు. దీనివల్ల నిమ్మకాయల్లోని తేమ ఆవిరి కాకుండా ఉండి, అవి త్వరగా ఎండిపోవు.
4. పేపర్ లో చుట్టి ఉంచడం: ఒక్కో నిమ్మకాయను విడివిడిగా న్యూస్ పేపర్‌లో లేదా టిష్యూ పేపర్‌లో చుట్టి, ఆపై ఒక కవర్‌లో పెట్టి ఫ్రిజ్‌లో ఉంచితే కూడా అవి ఎక్కువ రోజులు పాడవకుండా ఉంటాయి.
ఇవి కూడా చదవండి



ఈ స్కూటర్‌ ఖరీదు మరీ చీప్‌.. సింగిల్‌ ఛార్జ్‌తో 120 కి.మీ..!



మళ్లీ మొదలైందిరా బాబోయ్‌.. బంగారం, వెండి ధరలు పరుగులే.. పరుగులు!



పెట్రోల్ బంకుల్లో మోసాలకు చెక్.. వైరల్ వీడియోలో అసలు నిజాలు!



లోన్ కట్టకుంటే బ్యాంకు మీ బంగారాన్ని ఎప్పుడు వేలం వేస్తుంది?

నిమ్మకాయలు కొనేటప్పుడు ఈ జాగ్రత్తలు తీసుకోండి:

• తొక్క పల్చగా ఉండాలి: పల్చని తొక్క ఉన్న నిమ్మకాయల్లో రసం ఎక్కువగా ఉంటుంది.
• రంగు: మీరు వెంటనే వాడాలనుకుంటే పసుపు రంగువి తీసుకోండి. కొంచెం ఆలస్యంగా వాడాలనుకుంటే లేత పచ్చ రంగులో ఉన్నవి ఎంచుకోండి, అవి నిదానంగా పండుతాయి.
• బరువు: చేత్తో పట్టుకున్నప్పుడు బరువుగా అనిపించే కాయల్లో రసం ఎక్కువగా ఉంటుంది. ఈ చిట్కాలతో మీరు తక్కువ ధరకు దొరికినప్పుడు ఎక్కువ నిమ్మకాయలను కొని నిల్వ చేసుకోవచ్చు.

మరిన్ని లైఫ్ స్టైల్ వార్తల కోసం ఇక్కడ క్లిక్ చేయండి