Buying Car: ఇవి తెలుసుకోకుండా కారు కొనకండి.. చాలా నష్టపోతారు..!

Buying Car: కారు కొనాలనేది ప్రతి ఒక్కరి కల. అయితే కేవలం షోరూమ్‌ని చూసి కారు కొనకూడదు. ఇందుకోసం అనేక జాగ్రత్తలు తీసుకోవాల్సి ఉంటుంది.

Used Cars

Updated on: Mar 19, 2022 | 7:15 AM

Buying Car: కారు కొనాలనేది ప్రతి ఒక్కరి కల. అయితే కేవలం షోరూమ్‌ని చూసి కారు కొనకూడదు. ఇందుకోసం అనేక జాగ్రత్తలు తీసుకోవాల్సి ఉంటుంది. ఈ పరిస్థితిలో కారు కొనుగోలు చేసేటప్పుడు కొన్ని విషయాలను కచ్చితంగా గుర్తుంచుకోవడం అవసరం. ఇంధన ధరలు లీటర్‌కి రూ.100 దాటాయి. ఈ పరిస్థితిలో కారు కొనుగోలు చేసేటప్పుడు దాని మైలేజీని కచ్చితంగా పరిశీలించాలి. కారు మైలేజీ ఎక్కువగా ఇస్తే ఇంధనం తక్కువ పడుతుంది. సహజంగానే ఇది జేబుపై భారం తగ్గుతుంది. అలాగే కారు కొనడానికి ముందు కొనుగోలు చేయాలనుకుంటున్న కారుని ఇతర కార్లతో పోల్చడం అవసరం. మంచి ఫీచర్లు, మైలేజ్, ఇంటీరియర్ తదితర అంశాలు గమనించాలి. ఇలాంటి సమయంలో మీరు కొనాలనుకునే కారు ఎంపిక మారే అవకాశాలు ఉంటాయి. ఈ ద్రవ్యోల్బణం యుగంలో కారు కొనడానికి ముందు బడ్జెట్‌పై శ్రద్ధ వహించడం ముఖ్యం. కారు కొనే క్రమంలో ఇంటి బడ్జెట్ చెడిపోవడం, ఇంటిని పోషించుకోవడానికి అప్పు చేయాల్సి రావడం లాంటివి జరగకూడదు. ఈ పరిస్థితిలో ఖరీదైన కారును కొనుగోలు చేయవలసిన అవసరం లేదు. తక్కువ బడ్జెట్‌లో మంచి కారును పొందవచ్చు.

కారు కొన్న తర్వాత వచ్చే అతిపెద్ద సమస్య కారు నిర్వహణ ఖర్చు. కారు కొనడానికి ముందు దాని నిర్వహణ ఖర్చు గురించి తెలుసుకోవాలి. తద్వారా మీరు ఎలాంటి సమస్యలను ఎదుర్కోవాల్సిన అవసరం ఉండదు. కారు కొనుగోలు చేసేటప్పుడు కుటుంబంలోని సభ్యుల సంఖ్యను గుర్తుంచుకోండి. ఎక్కువ మంది ఉన్నట్లయితే మీరు ఎక్కువ సీటింగ్ కెపాసిటీ ఉన్న కారును కొనుగోలు చేయవచ్చు. తద్వారా అందరూ సౌకర్యవంతంగా ప్రయాణించవచ్చు. మీరు ఒకే కుటుంబం లేదా మీ కోసం కారును కొనుగోలు చేస్తుంటే 5 సీట్ల కారు సరిపోతుంది.