ప్రపంచంలోని సంపన్న వ్యక్తులలో ఒకరైన బిల్ గేట్స్ ఇప్పుడు ఎలా ఉన్నాడు..? బిల్ గేట్స్ ఎక్కడ ఉంటున్నాడు..? భార్యతో విడిపోయిన తర్వాత బిల్ గేట్స్ ఎవరితో ఉంటున్నాడు..? బిల్ గేట్స్ ఫుడ్ మెనూ ఎలావుంటుంది..? అని నెట్టింట్లో జనం సెర్చ్ చేస్తున్నారు. ఇటీవల భార్య మెలిండా గేట్స్‌తో తన 27 ఏళ్ల సంబంధం నుంచి విడిపోతున్నట్లు ప్రకటించారు. దీని తరువాత ఇప్పుడు వారు ఒంటరిగా తమ జీవితాన్ని గడుపుతారు. ఈ రోజుల్లో వాషింగ్టన్‌లోని మదీనాలో నివాసం ఉంటున్నాడు. 66 వేల చదరపు అడుగుల విలాసవంతమైన బంగ్లాలో ఇప్పుడు తన కూతురుతో ఉంటున్నాడు. తాను ఎక్కువ సమయం పుస్తకాలు చదవడానికి గడుపుతాడు. ఇది కాకుండా, అతను కొన్ని ప్రత్యేక విషయాలపై కూడా ఫోకస్ పెడుతున్నట్లుగా తెలుస్తోంది. కాబట్టి, ఆయన దినచర్య ఎలా ఉందో ఓ తెలుసుకుందాం.
బిల్ గేట్స్ ఉదయం దినచర్య తేలికపాటి అల్పాహారంతో ప్రారంభమవుతుంది. అతను సాధారణంగా అల్పాహారం కోసం కోకో పఫ్స్ తినడానికి ఇష్టపడతాడు. అదే సమయంలో వారు మధ్యాహ్నం భోజనంలో జున్ను బర్గర్ తినడానికి ఇష్టపడతారు. వారు విందు సమయంలో తేలికపాటి ఆహారాన్ని తీసుకుంటారు. రోజంతా చురుకుగా ఉండేందుకు అతని ఆహారాన్ని సమతుల్యం చేసుకోవడానికి ప్రయత్నిస్తారు. రోజంతా చురుకుగా ఉండేందుకు సహకరించే ఫుడ్ మాత్రమే తీసుకుంటున్నారు.
బిల్ గేట్స్ తన వయస్సుకు తగిని చిన్న పాటి వ్యాయామం చేసేందుకే ఇష్టపడుతుంటారు. ప్రతి రోజు అల్పాహారం తర్వాత ట్రెడ్‌మిల్‌పై కాసేపు నడుస్తారు. తమను తాము అప్‌డేట్ చేసుకునేందుకు అవసరమైనవాటిని వింటూ ఉంటారు. కొన్నిసార్లు అతను టెన్నిస్ ఆడటం కూడా ఇష్టపడతారు.
బిల్ గేట్స్ నివసించే విలాసవంతమైన బంగ్లా 66,000 చదరపు అడుగులలో నిర్మించబడింది. ఇది పసిఫిక్ లాడ్జ్ తరహాలో నిర్మించబడింది. వాటర్ ఫ్రంట్ ముందు ఉండటం వల్ల చూడటానికి చాలా అందంగా ఉంటుంది. ఈ ఇల్లు నిర్మించడానికి ఏడు సంవత్సరాలు పట్టింది. దీనిని సుమారు 300 మంది కార్మికులు పనిచేశారు. 100 మందికి పైగా ఎలక్ట్రీషియన్లు ఉందులో ఉన్నారు. 52 మైళ్ల ఆప్టిక్ కేబుల్‌ను ఇక్కడ ఏర్పాటు చేసినట్లు తెలుస్తోంది.
