BH Series: వాహనానికి BH సిరీస్ నంబర్ ప్లేట్ ఉంటే బెనిఫిట్ ఏంటి? ఎవరు అర్హులు!
వాహనం కొనుగోలు చేసిన తర్వాత రిజస్ట్రేషన్ చాలా ముఖ్యం. ఇందుకు వాహనానికి ఓ నంబర్ కేటాయిస్తారు. అయితే నంబర్ ప్లేట్లలో కూడా వివిధ రకాలు ఉంటాయన్న విషయం మీకు తెలుసా? ఒక్కో నంబర్ప్లేటుకు నియమ నిబంధులు ఉంటాయి. అందుకు కొన్ని ఉపయోగాలు కూడా ఉంటాయి..
Updated on: Oct 17, 2024 | 7:40 PM
భారత రోడ్డు రవాణా, రహదారుల మంత్రిత్వ శాఖ 2021లో భారత్ సిరీస్ నంబర్ ప్లేట్ను ప్రారంభించింది. ఇది ప్రారంభించి మూడు సంవత్సరాలు అయ్యింది. అయితే చాలా మందికి ఈ నంబర్ గురించి పెద్దగా తెలియదు. భారత్ సిరీస్ (BH) నంబర్ ప్లేట్కి సంబంధించి పూర్తి వివరాలు తెలుసుకుందాం.
BH సిరీస్ నంబర్ ప్లేట్ ప్రయోజనాలు ఏమిటో తెలుసుకుందాం? మీరు దీన్ని మీ వాహనంలో కూడా ఇన్స్టాల్ చేసుకోవచ్చా? దీని కోసం ఎంత రుసుము చెల్లించాలి? మీరు దీని కోసం ఎలా దరఖాస్తు చేసుకోవచ్చు?
BH నంబర్ ప్లేట్ ప్రయోజనాలు
బీహెచ్ నంబర్ ప్లేట్ అత్యంత ముఖ్యమైన ప్రయోజనాల్లో ఒకటి ఇది దేశం మొత్తం చెల్లుబాటు అవుతుంది. వాహన యజమానులు ఇకపై తమ వాహనాలు ఒక రాష్ట్రం నుండి మరొక రాష్ట్రానికి మారినప్పుడు వారి వాహనాలను తిరిగి నమోదు చేయడానికి ఎక్కువ సమయం పట్టకుండా, ఎలాంటి రాతపని లేకుండా సులభంగా చేసుకోవచ్చు. ప్రభుత్వ ఉద్యోగులు లేదా ఎక్కువ రాష్ట్రాల్లో ఉన్న కంపెనీల్లో ప్రైవేట్ రంగ కార్మికులు తరచుగా బదిలీలు అవుతుంటారు. అలాంటి ఇది ప్రయోజనకరంగా ఉంటుంది.
ఇది కూడా చదవండి: BSNL Offer: బీఎస్ఎన్ఎల్ నుంచి కళ్లు చెదిరే ప్లాన్.. 105 రోజుల వ్యాలిడిటీ!
ఇది అందించే సౌలభ్యంతో పాటు, బీహెచ్ నంబర్ ప్లేట్ మెరుగైన భద్రతను అందిస్తుంది. ప్రతి వాహనం ప్రత్యేక గుర్తింపు సంఖ్యను పొందుతుంది. ఇలాంటి నంబర్ ప్లేటు ఉన్న వాహనం దొంగతనానికి గురైనప్పుడు ట్రాక్ చేయడం సులభతరమవుతుంది. అంతేకాకుండా వివిధ రాష్ట్ర అధికారుల మధ్య తలెత్తే వాహనంలోని డేటా, రిజిస్ట్రేషన్ సమస్యలను కూడా తగ్గిస్తుంది.
ఈ నంబర్ ప్లేట్కు ఎవరు అర్హులు?
- ఈ BH నంబర్ ప్లేట్ అందరికీ అందుబాటులో ఉండదు. నిర్దిష్ట కేటగిరీల వ్యక్తులు మాత్రమే అర్హులు.
- కేంద్ర, రాష్ట్ర ప్రభుత్వ ఉద్యోగులు లేదా ‘పరిపాలన విభాగాల్లో’ పనిచేస్తున్నవారు.
- నాలుగు లేదా అంతకంటే ఎక్కువ ‘రాష్ట్రాలు లేదా కేంద్రపాలిత ప్రాంతాలలో’ కార్యాలయాలు కలిగిన ‘బ్యాంకులు, ప్రైవేట్ కంపెనీల’ ఉద్యోగులు.
- తరచూగా వివిధ రాష్ట్రాలకు బదిలీ అయ్యే ఉద్యోగులకు.
BH నంబర్ ప్లేట్ కోసం ఎలా దరఖాస్తు చేయాలి?
BH నంబర్ ప్లేట్ కోసం దరఖాస్తు చేయడం అనేది సులభమైనన ప్రక్రియ. కానీ దరఖాస్తుదారులు తప్పనిసరిగా నిర్దిష్ట అవసరాలను దృష్టిలో ఉంచుకుని దరఖాస్తు చేసుకోవాల్సి ఉంటుంది. అన్నింటిలో మొదటిది వాహనం తప్పనిసరిగా సరైన పొల్యూషన్ అండర్ కంట్రోల్ (PUC) సర్టిఫికేట్ కలిగి ఉండాలి. అదనంగా భారత్ సిరీస్ కింద రిజిస్ట్రేషన్ కోసం అర్హత పొందాలంటే రోడ్డు పన్ను పూర్తిగా చెల్లించాలి.
దరఖాస్తుదారులు అధికారిక వాహన రిజిస్ట్రేషన్ పోర్టల్ల ద్వారా దరఖాస్తు చేసుకోవచ్చు. వారు అవసరమైన అన్ని పత్రాలను సమర్పించారని, అర్హత ప్రమాణాలకు అనుగుణంగా ఉన్నారని నిర్ధారించుకోండి.
BH నంబర్ ప్లేట్ కోసం రుసుము:
వాహనం ధర ఆధారంగా బీహెచ్ (భారత్) నంబర్ ప్లేట్ను పొందేందుకు ఫీజులు మారుతూ ఉంటాయి. రేట్లు కింది విధంగా ఉన్నాయి:
- రూ. 10 లక్షల కంటే తక్కువ ధర ఉన్న వాహనాలకు వాహనం ధరలో 8% రుసుము.
- రూ. 10 లక్షల నుండి రూ. 20 లక్షల మధ్య ధర ఉన్న వాహనాలకు, వాహనం ధరలో 10% రుసుము.
- రూ. 20 లక్షల కంటే ఎక్కువ ధర ఉన్న వాహనాలకు వాహనం ధరలో 12% రుసుము. ఈ రుసుములు వాహనం ధరను బట్టి మారుతూ ఉంటాయని గుర్తించుకోండి.
ఇది కూడా చదవండి: Tata Sumo: టాటా కారుకు ‘సుమో’ అనే పేరు ఎలా వచ్చిందో తెలుసా? అతనికి గౌరవం ఇచ్చిన రతన్ టాటా!
మరిన్ని బిజినెస్ వార్తల కోసం ఇక్కడ క్లిక్ చేయండి
