Car Mileage: మీరు కారు మైలేజీ పెరగాలా? అద్భుతమైన ట్రిక్స్ మీ కోసం!
Car Mileage: చాలా మంది కార్లు మైలేజీ ఇవ్వవు. కొన్ని చిన్నపాటి పొరపాట్ల కారణంగా క్రమంగా మైలేజీ తగ్గిపోతుంటుంది. ఈ పొరపాట్లను గమనించి సరి చేసుకుంటే మైలేజీ పెరుగుతుంది. కొన్ని ట్రిక్స్ పాటిస్తే అద్భుతమైన మైలేజీని పొందవచ్చంటున్నారు టెక్ నిపుణులు. మరి..
Updated on: Jul 07, 2025 | 1:57 PM
గతంలో కంటే మీ కారు మైలేజ్ తగ్గిందని మీరు చాలాసార్లు గమనించి ఉంటారు. మైలేజ్ తగ్గడం అనేక కారణాల వల్ల ఆధారపడి ఉంటుందని టెక్ నిపుణులు చెబుతున్నారు. కానీ కొన్ని జాగ్రత్తల ద్వారా దీనిని పెంచవచ్చు. పెరుగుతున్న పెట్రోల్ ధరలు, నెలాఖరులో ఖాళీ వాలెట్ మిమ్మల్ని ఇబ్బంది పెట్టవచ్చు. మీ కారు మైలేజ్ బాగా ఉండాలని మీరు కోరుకుంటే కొన్ని విషయాలను గుర్తుంచుకోవడం ముఖ్యం. కొన్ని కీలకమై టిప్స్ గురించి తెలుసుకుందాం.
మీ డ్రైవింగ్ అలవాట్లను మెరుగుపరచుకోండి:
మీ వాహనం మైలేజ్ బాగా ఉండాలంటే ముందుగా మీ డ్రైవింగ్ అలవాట్లను మార్చుకోండి. వేగంగా డ్రైవింగ్ చేయడం మానుకోండి. ఎల్లప్పుడూ గంటకు 60-80 కి.మీ వేగంతో డ్రైవ్ చేయండి. ఇది ఇంధన సామర్థ్యాన్ని మెరుగుపరుస్తుంది. అకస్మాత్తుగా వేగవంతం చేయడం లేదా బ్రేకింగ్ చేయడం మానుకోండి. మృదువైన డ్రైవింగ్ను అలవాటు చేసుకోండి. ట్రాఫిక్లో ఓపికగా ఉండండి. అలాగే, సిగ్నల్ ఎక్కువసేపు ఉంటే ఇంజిన్ను ఆఫ్ చేయండి.
మీ కారును క్రమం తప్పకుండా సర్వీస్ చేయించుకోండి:
మంచి మైలేజీని నిర్వహించడానికి వాహనాన్ని క్రమం తప్పకుండా సర్వీస్ చేయించుకోండి. మురికి ఫిల్టర్లు మైలేజీని తగ్గిస్తాయి. అందుకే ఇంజిన్ ఆయిల్, ఎయిర్ ఫిల్టర్ను క్రమం తప్పకుండా మార్చండి. తక్కువ పీడనం ఇంధన వినియోగాన్ని పెంచుతుంది. అందుకే టైర్ ప్రెజర్ను క్రమం తప్పకుండా తనిఖీ చేయండి. అలాగే స్పార్క్ ప్లగ్, ఫ్యూయల్ ఇంజెక్టర్ను శుభ్రం చేసుకోండి.
వాహనంలో అనవసరమైన వస్తువులు పెట్టకండి:
మీ కారు మైలేజ్ బాగా ఉండాలని అనవసరమైన వస్తువులను దానిలో ఉంచవద్దు. అధిక బరువు ఇంజిన్పై ఒత్తిడిని కలిగిస్తుంది. ఇది మైలేజీని తగ్గిస్తుంది.
ఏసీని సరిగ్గా వాడండి:
మైలేజ్ తగ్గకుండా ఉండాలంటే సరైన పద్దతిలో ACని ఉపయోగించండి. నగరంలో డ్రైవింగ్ చేస్తున్నప్పుడు కిటికీలు తెరిచి ఉంచి డ్రైవ్ చేయడం మంచిది. దీనివల్ల AC అవసరం తగ్గుతుంది. అయితే హైవేపై AC నడపడం సముచితం. ఎందుకంటే తెరిచి ఉన్న కిటికీలు గాలి నిరోధకతను పెంచుతాయి. ఇది ఇంధన వినియోగాన్ని పెంచుతుంది. మీరు ఈ చిట్కాలను కూడా పాటిస్తే, మీ కారు మైలేజ్ మెరుగుపడటమే కాకుండా మీ జేబుపై తక్కువ భారం కూడా పడుతుంది.
మరిన్ని బిజినెస్ వార్తల కోసం ఇక్కడ క్లిక్ చేయండి
