Anil Ambani: ఒకప్పుడు ప్రపంచంలోనే 6వ అత్యంత సంపన్నుడు.. కానీ డబ్బులు లేక భార్య నగలే అమ్మేశాడు!

రిలయన్స్‌కు చెందిన ముఖేష్ అంబానీ ఆసియాలోనే అత్యంత సంపన్నుడిగా పేరుగాంచారు. ముఖేష్ లాగే అతని సోదరుడు అనిల్ అంబానీ కూడా ఒకప్పుడు రిలయన్స్‌కు చెందిన వ్యాపారవేత్తే. అన్నయ్యతో విభేదాలు వచ్చి విడిపోయిన తర్వాత అనిల్ అంబానీ ఒకప్పుడు ప్రపంచంలోని అత్యంత సంపన్నుల జాబితాలో ఆరవ స్థానంలో ఉన్నాడు.ఆయన నికర విలువ 42 బిలియన్ డాలర్లు. విభజన తర్వాత ముఖేశ్ అంబానీ అవిశ్రాంత ప్రయత్నాలతో తన వ్యాపారాన్ని పెంచుకున్నాడు. అలాగే నేడు అతను ప్రపంచంలోని అత్యంత ధనవంతులలో ఒకడు. అయితే మరోవైపు కొంత వ్యవధిలోనే తమ్ముడు అనిల్ అంబానీ వ్యాపారాల్లో కూడా రికార్డు సృష్టించాడు.

అయితే తర్వాత ఆర్థికంగా తీవ్ర ఇబ్బందులకు గురయ్యారు. ఒకప్పుడు అనిల్ దగ్గర లాయర్ ఫీజు కట్టడానికి కూడా డబ్బులు లేని పరిస్థితి నెలకొందంట. ఆ సమయంలో భార్య నగలు అమ్మి ఫీజు చెల్లించాల్సి పరిస్థితి వచ్చిందట. సరైన ఆర్థిక ప్రణాళిక లేకపోవడం, ముందుచూపు లేకపోవడం వల్ల గొప్ప సామ్రాజ్యం ఎలా కూలిపోతుందో చెప్పడానికి అనిల్ అంబానీ వైఫల్యమే ఉదాహరణ.

అనిల్ అంబానీ ఎత్తుల నుంచి దిగి రావడానికి తానే కారణమన్నారు. అతని ఎంపికలు అతని పతనానికి దారితీశాయి. సరైన ప్రణాళిక లేక దార్శనికత లేకుండా ఏకకాలంలో ఎన్నో కంపెనీలను ప్రారంభించారు. టెలికాం, ఎనర్జీ, ఇన్‌ఫ్రాస్ట్రక్చర్, ఎంటర్‌టైన్‌మెంట్ రంగాల్లో ప్రధాన వ్యక్తి కావాలని అనిల్ కలలు కన్నాడు. కానీ, అతని ప్రణాళికలన్నీ సరిగ్గా అమలు కాలేదు. ఊహించిన దానికంటే ఎక్కువ ఖర్చులు, ప్రణాళికాబద్ధమైన ప్రణాళిక, తక్కువ రాబడి కారణంగా అనిల్ అంబానీ అప్పుల పాలయ్యారు.

అనిల్ అంబానీ దివాలా తీశారు

అనిల్ అంబానీ కంపెనీకి అప్పులు పెరిగిపోయాయి. అలా తమ కంపెనీలను ఒకదాని తర్వాత ఒకటి అమ్మడం మొదలుపెట్టారు. తప్పుడు నిర్ణయాలు అతని టెలికాం కంపెనీ పతనానికి దారితీశాయి. ఆ కంపెనీ అప్పు 25 వేల కోట్లకు చేరింది. అనిల్ అంబానీ వ్యక్తిగత పూచీకత్తుపై చైనా బ్యాంకుల నుంచి రుణాలు తీసుకున్నారు. కానీ, ఆ రుణం తీర్చుకోలేకపోయారు. ఆ తర్వాత లండన్‌లోని కోర్టుకు హాజరు కావాల్సి వచ్చింది. మూడు బ్యాంకులకు సుమారు రూ.5446 కోట్లను తిరిగి ఇవ్వాలని కోర్టు వారిని ఆదేశించింది. తన వద్ద డబ్బులు లేవని అనిల్ అంబానీ కోర్టులో దివాలా తీసినట్లు ప్రకటించారు. దాదాపు రూ.40,000 కోట్ల అప్పులున్నాయి.

లాయర్ల ఫీజు కట్టేందుకు డబ్బులు లేవు

అనిల్ అంబానీ నికర విలువ సున్నాకి తగ్గింది. పైన చెప్పినట్లుగా, ఆయన వద్ద న్యాయవాదుల ఫీజు చెల్లించడానికి కూడా డబ్బు లేదు. చివరకు తన భార్య నగలు అమ్మి లాయర్ ఫీజు కట్టాడు. తనకు కారు తప్ప మరేమీ మిగల్లేదని అనిల్ చెప్పాడు. సాదాసీదా జీవితాన్ని గడుపుతున్నారు. ఫిబ్రవరి 2023 నాటికి, అతని నికర విలువ దాదాపు రూ. 250 కోట్లు. అనిల్ అంబానీకి ముంబైలో 17 అంతస్తుల ఇల్లు ఉంది.

మరిన్ని బిజినెస్ వార్తల కోసం ఇక్కడ క్లిక్ చేయండి