ప్రభాస్‌ను సర్‌ప్రైజ్ చేసిన అజిత్

తమిళ స్టార్ హీరో అజిత్, ప్రభాస్‌ను సర్‌ప్రైజ్ చేశాడు. ప్రభాస్ నటిస్తున్న ‘సాహో’ మూవీ సెట్‌కు వెళ్లిన అజిత్, కొన్ని గంటల పాటు అతడితో ముచ్చటించాడు.

ప్రస్తుతం అజిత్ ‘పింక్’ మూవీ రీమేక్‌లో నటిస్తుండగా.. ఈ చిత్ర షూటింగ్‌ హైదరాబాద్‌లోని ఫిలింసిటీలో జరుగుతోంది. అక్కడే ప్రభాస్ సాహో మూవీ చిత్రీకరణలో పాల్గొనగా.. ఆ విషయం తెలుసుకున్న అజిత్ అక్కడకు వెళ్లాడు. అజిత్ రాకపై సంతోషం వ్యక్తం చేసిన సాహో టీం ఆయనతో కాసేపు ముచ్చటించారు. కాగా బాహుబలి తరువాత ప్రభాస్‌ సాహోలో నటిస్తున్నాడు. సుజిత్ దర్శకత్వం వహిస్తోన్న ఈ చిత్రాన్ని యువీ మూవీ క్రియేషన్స్ నిర్మిస్తోంది.