ఆందోళనలో నటుడు, డిఎండికె అధ్యక్షుడు విజయ్ కాంత్ అభిమానులు

కోలీవుడ్ సీనియర్ నటుడు.. డిఎండికె పార్టీ అధ్యక్షుడు విజయ్ కాంత్ కరోనా బారిన పడ్డారు. ఆయనకు నిర్వహించిన కరోనా పరీక్షల్లో పాజిటివ్ నిర్ధారణ అయింది. గత కొంతకాలంగా తీవ్ర అనారోగ్యం బాధపడుతున్న విజయ్ కాంత్ కు, ఇప్పుడు కోవిడ్ సోకడంతో ఆయన అభిమానులు తీవ్ర ఆందోళన చెందుతున్నారు. చెన్నై మనపాక్కంలోని ఓ ప్రైవేట్ ఆసుపత్రిలో విజయ్ కాంత్ చికిత్స తీసుకుంటున్నారు. గత వారం డీఎండీకే పార్టీ ఆవిర్భావ దినోత్సవంలో విజయకాంత్ పాల్గొన్నారు. కొన్నిరోజుల క్రితం తీవ్ర అనారోగ్యం పాలైన ఆయన, ఇప్పుడిప్పుడే కోలుకుంటున్నారు. అయితే, ఇప్పుడు కరోనా మహమ్మారి సోకడంతో పార్టీ నేతలు, కార్యకర్తలు ఆందోళన చెందుతున్నారు.