ఇంజినీరింగ్ చేసి, ఉద్యోగం చేయాలనుకున్నా..

ఉన్మాది భరత్ దాడిలో తీవ్రంగా గాయపడ్డ మధులిక కోలుకుంది. 15 రోజులపాటు మలక్ పేట్లోని యశోదా ఆస్పత్రిలో చికిత్స పొందిన ఆమె.. గుండెల నిండా ఆత్మవిశ్వాసం నింపుకొని సంపూర్ణ ఆరోగ్యంతో ఇంటికి చేరుకుంది. మధులిక రాకతో వాళ్ల ఇంట్లో ఆనందం వెల్లివిరిసింది. మళ్లీ కాలేజీకి వెళ్లాలని ఉందని టీవీ9తో చాలా విషయాలు షేర్ చేసుకుంది మధులిక. ఉస్మానియా యూనివర్సిటీలో ఇంజినీరింగ్ చేసి, మంచి ఉద్యోగం చేయాలనుకున్న తన కలను సాకారం చేసుకోవడమే లక్ష్యమంటోంది. తన ఒంటిపై గాయాలున్నా.. తన లక్ష్యాలను ఎవరూ అడ్డుకోలేరని ఆత్మవిశ్వాసంతో చెబుతోంది మధులిక. ప్రేమంటే త్యాగమని తెలియని మూర్ఖులను.. ప్రేమపేరిట దాడులకు పాల్పడే భరత్ లాంటి ఉన్మాదులను ఉరితీయడమే సరి అని అంటోంది. నవ్వడం.. నవ్వించడమే తన బలం అంటుంది మధులిక.