“రాష్ట్రీయ స్వయంసేవక్ సంఘ్” సంచలన నిర్ణయం..!

రాష్ట్రీయ స్వయం సేవక్‌ సంఘ్ (ఆర్‌ఎస్‌ఎస్‌) సంచలన నిర్ణయం తీసుకుంది. 1925లో సంస్థ ప్రారంభమయ్యాక.. 1929 నుంచి ప్రతి ఏటా “సంఘ శిక్షా వర్గ” పేరుతో ట్రైనింగ్‌ క్యాంపులు జరుగుతుండేవి. అయితే గతంలో ఈ సంస్థపై నిషేధం ఉన్న సమయంలో మాత్రమే ఈ శిక్షణా శిభిరం జరగలేదు. అయితే తొలిసారిగా ఈ ఏడాది జరగాల్సిన సంఘ్ శిక్షా వర్గలు రద్దు చేస్తున్నారు. ఈ విషయాన్ని ఆర్ఎస్ఎస్ జాతీయ సంయుక్త ప్రధాన కార్యదర్శి మన్మోహన్ వైద్య తెలిపారు.

ప్రతి ఏడాది ఏప్రిల్ మాసం నుంచి మే,జూన్ మాసల మధ్యలో ఈ శిక్షణా తరగతులు జరుగుతుండేవని.. సంస్థపై నిషేధం ఎత్తివేసిన అనంతరం.. ఈ శిక్షణా శిబిరాలను రద్దు చేయడం ఇదే తొలిసారి అని వైద్య తెలిపారు. షెడ్యూల్ ప్రకారం.. ఏప్రిల్ నుంచి జూన్‌ వరకు సంఘ్ శిక్షా వర్గలు జరాగాల్సి ఉంది. ప్రస్తుతం దేశ వ్యాప్తంగా ఉన్న లాక్‌డౌన్ దశలవారీగా ఎత్తేసే అవకాశాలు కనిపిస్తున్నాయి. ఈ క్రమంలో మే,జూన్ నెలల్లో ఈ ట్రైనింగ్ క్యాంపులు నిర్వహించుకునే అవకాశం ఉన్నా..ఆర్‌ఎస్‌ఎస్‌ మాత్రం.. ఈ సారి జరగాల్సిన క్యాంపులను రద్దు చేస్తూ నిర్ణయం తీసుకుంది.

2017-18 సంవత్సరంలో సంఘ్ నిర్వహించిన ట్రైనింగ్ క్యాంపులో 27,800 మంది పాల్గొన్నట్లు వైద్య తెలిపారు. ఇక 2018-19లో 29,500 మంది క్యాంప్‌లకు హాజరైనట్లు తెలిపారు.

ఇదిలా ఉంటే.. లాక్‌డౌన్ నేపథ్యంలో ప్రజలకు ఇబ్బందులు తలెత్తకుండా..ఆర్ఎస్ఎస్ అనుబంధ సంస్థలు పలు సహాయక చర్యలు చేపడుతున్నాయి. దేశవ్యాప్తంగా ఇప్పటివరకు 26వేల ప్రాంతాల్లో 25 లక్షల కుటుంబాలకు సేవలందించినట్లు మన్మోహన్ వైద్య తెలిపారు.