నాకు అసలు టైటిల్ గెలిచే అర్హతే లేదు: మహేష్ విట్టా

ఆది నుంచి వివాదాలతో మొదలైన బిగ్‌బాస్3 హౌస్‌లో.. ఇప్పటికీ వివాదాలు జరుగుతూనే ఉన్నాయి. తాజాగా.. శనివారం జరిగిన ఎపిసోడ్‌లో బిగ్‌బాస్ 3 హోస్ట్ నాగార్జున సాక్షిగా.. వివాదం రాజుకుంది. నాగార్జున ఎదురుగానే.. శ్రీముఖి-మహేష్‌ల మధ్య వివాదం తారా స్థాయికి వెళ్లింది.

బిగ్‌బాస్ 3 ప్రైజ్ మనీ రూ.50 లక్షలు వస్తే ఏం చేస్తారు..? ఎవరు మనీకి అర్హులు.. కాదో చెప్పాలని.. నాగార్జున 8 మంది ఇంటి సభ్యులకు చెప్పారు. దీంతో.. ఒక్కొక్కరు ఒక్కో రీజన్ చెప్పుకొచ్చారు. ప్రైజ్‌ మనీతో కొందరు ఇల్లు కట్టుకుంటామని చెబితే.. మరికొందరు బిజినెస్ చేస్తామని చెప్పుకొచ్చారు. ఇప్పటివరకూ బాగానే వున్నా.. ఆ తరువాత ప్రశ్నకు అసలు రచ్చ మొదలైంది.

ప్రైజ్ మని గెలుచుకునే అర్హత బాబా మాస్టర్‌కు లేదని వితికా-వరుణ్‌లు చెప్పగా.. వరుణ్ రిచ్ కాబట్టి వారికి ప్రైజ్ మనీ అవసరం లేదని.. రాహుల్, బాబా మాస్టర్ చెప్పారు. అటు అలీ, శివజ్యోతి, శ్రీముఖిలు మహేష్‌కి ప్రైజ్‌ మనీ తీసుకునే అర్హత లేదని చెప్పారు. దీంతో.. సీరియస్‌ అయిన మహేష్.. శ్రీముఖి ప్రతీదీ గేమ్‌లానే ఆడుతుందని, ఆమె ఆట తనకు నచ్చదని చెప్పేశాడు. దీంతో.. పాత విషయాలన్నీ తీసుకురావడంతో.. ఇద్దరి మధ్యా గొడవ చోటుచేసుకుంది. ఈ సందర్భంలో.. మహేష్.. నాకు అసలు టైటిల్ గెలిచే అర్హతే లేదని అన్నాడు. నాగార్జున ముందే.. ఇద్దరూ గొడవపడ్డారు.

అయితే.. నన్ను కావాలనే ఇంటి నుంచి పంపాలని మహేష్ అనుకుంటున్నాడని.. స్టోరీని రాయడంలో అతని తరువాతనే ఎవరైనా అని శ్రీముఖీ పైర్ అయ్యింది. నన్ను గేమ్ ఆడటానికి పంపించారని.. నేను గేమ్ మాత్రమే ఆడుతున్నానని.. నా ఆటను ఫేక్‌ అనడానికి అతనెవరని శ్రీముఖి గుస్సా అయ్యింది. కాగా.. ఈ వారం ఎలామినేషన్‌లో వరుణ్, రాహుల్, మహేష్‌లు ఉన్నారు. మరి ఈ వారం ఎవరు ఎలిమినేషన్ కాబోతున్నారో తెలియాలి.