Jyeshtha Purnima: జేష్ఠ పౌర్ణమి రోజున చేసే దానాలు అన్ని సమస్యలకు విముక్తి.. ఏ రాశి వారు ఏ దానం చేయాలంటే

హిందూ క్యాలెండర్ ప్రకారం జ్యేష్ఠ మాసంలోని పౌర్ణమిని జ్యేష్ఠ పౌర్ణమి అంటారు.. ఏడాది పొడవునా వచ్చే ప్రతి పౌర్ణమికి దాని సొంత ప్రాముఖ్యత ఉన్నప్పటికీ.. జ్యేష్ఠ పౌర్ణమను ప్రత్యేకంగా భావిస్తారు. ఈ రోజున విష్ణువు, లక్ష్మీ దేవిని పూజిస్తారు ఉపవాసం ఉంటారు. అంతేకాదు ఈ రోజున చంద్రుడిని పూజించడం కూడా ఫలవంతమైనదిగా పరిగణించబడుతుంది. ఈ సంవత్సరం జ్యేష్ఠ పౌర్ణమి తిధి జూన్ 10, 2025 మంగళవారం ఉదయం 11:35 గంటలకు ప్రారంభమై జూన్ 11 బుధవారం మధ్యాహ్నం 1:13 గంటలకు ముగుస్తుంది. ఉదయ తిథి ప్రకారం ఉదయతిథి ప్రకారం, జ్యేష్ఠ పూర్ణిమ బుధవారం, 11, 2025న జరుపుకుంటారు.

జ్యేష్ఠ పౌర్ణమి ప్రాముఖ్యత పౌర్ణమి రోజున విష్ణువు , లక్ష్మీ దేవిని పూజించి ఉపవాసం ఉండటం వల్ల పాపాల నుంచి విముక్తి లభిస్తుందని పుణ్యం కలుగుతుందని నమ్మకం. మనస్సు శుద్ధి అవుతుంది. కుటుంబానికి ఆనందం, శ్రేయస్సు కలుగుతుంది. జ్యేష్ఠ పౌర్ణమి రోజున దానధర్మాలకు కూడా ప్రత్యేక ప్రాముఖ్యత ఉంది. ఈ రోజున అవసరమైన వారికి ఆహారం, బట్టలు దానం చేస్తారు. ఆపన్నులకు సేవ చేస్తారు. ఈ రోజున ఉపవాసం ఉండటం వల్ల అన్ని కోరికలు నెరవేరుతాయి. అయితే ఈ జ్యేష్ఠ పౌర్ణమి రోజున రాశి ప్రకారం దానం చేయడం వల్ల లక్ష్మీదేవి ఆశీర్వాదాలు లభిస్తాయని, జాతకంలో ఉన్న చంద్ర దోషం నుంచి ఉపశమనం లభిస్తుందని నమ్ముతారు. ఈ రోజున 12 రాశుల వారు ఏ దానం చేయడం శుభప్రదంగా ఉంటుందో తెలుసుకుందాం..

1. మేష రాశి : ఈ రాశి వారు లక్ష్మీదేవి ఆశీస్సులు పొందడానికి ఖీర్ ని ప్రసాదంగా అందరికీ పంచిపెట్టాలి. ఇది జీవితంలో శ్రేయస్సును తెస్తుంది.
2. వృషభ రాశి: ఈ రోజున వృషభ రాశి వారు పేదవారికి పెరుగు లేదా నెయ్యి దానం చేయాలి. ఇది ప్రత్యేక ఫలితాలను ఇస్తుంది.
ఇవి కూడా చదవండి



కేదార్‌నాథ్‌కు వెళ్తున్నహెలికాప్టర్ రోడ్డుపై అత్యవసర ల్యాండింగ్..



జీవితంలో ఏ మార్గం లేదనే నిరాశా.. భీష్ముడు చెప్పిన ఈ విషయాలు..



దేశంలోని మహిమాన్విత హనుమాన్ ఆలయాలు ఎక్కడ ఉన్నాయంటే..



దేశంలో ప్రముఖ కృష్ణ ఆలయాలు ఇవే.. జీవితంలో ఒక్కసారైనా చూడాలనిపించే

3. మిథునం: వ్యాపారంలో నష్టాలు ఎదుర్కొంటున్న వ్యక్తులు జ్యేష్ఠ పౌర్ణమి రోజున పాలు లేదా బియ్యం దానం చేయాలి, ఇది వీరికి ప్రయోజనం చేకూరుస్తుంది.
4. కర్కాటక రాశి: జ్యేష్ఠ పౌర్ణమి రోజున కర్కాటక రాశి వారు చక్కెర కలిపిన పాలను, మిఠాయిని దానం చేయాలి. ఇలా చేయడం పనిలో విజయాన్ని తెస్తుంది.
5. సింహ రాశి: ఈ రోజు ఈ రాశి వారు బెల్లం దానం చేయడం శుభప్రదం. ఇది మీ గ్రహ దోషాలను తొలగిస్తుంది.
6. కన్య రాశి: ఈ రాశి వారు ఈ రోజున ఖీర్ దానం చేయాలి. ఇలా చేస్తే లక్ష్మీ దేవి ప్రసన్నం అవుతుంది. తన ఆశీస్సులను కురిపిస్తుంది.
7. తులారాశి: పౌర్ణమి రోజున పాలు, బియ్యం, నెయ్యి దానం చేయండి. దీనివల్ల లక్ష్మీనారాయణుల అనుగ్రహం లభిస్తుంది.
8. వృశ్చిక రాశి: ఈ వారు ఎరుపు రంగు దుస్తులు లేదా ఎరుపు రంగులో ఉన్న ఏదైనా వస్తువును దానం చేయాలి. ఇది గ్రహ దోషాలను తొలగిస్తుంది.
9. ధనుస్సు రాశి: జ్యేష్ఠ పూర్ణిమ నాడు పప్పు ధాన్యాలు దానం చేయడం వల్ల కుటుంబంలో ఆనందం, శాంతి లభిస్తాయి.
10. మకర రాశి: జ్యేష్ఠ పూర్ణిమ రోజున ఈ రాశివారు బియ్యాన్ని ప్రవహిస్తున్న నదిలో విడిచి పెట్టండి. ఇలా చేయడం వలన దోషాల నుంచి విముక్తిని ఇస్తుంది. ఆర్థిక ప్రయోజనాలను ఇస్తుంది.
11. కుంభ రాశి: కుంభ రాశిలో జన్మించిన వ్యక్తులు ఈ రోజున పేదవారికి అన్నం పెట్టాలి. ఇది డబ్బు సంబంధిత సమస్యలను పరిష్కరిస్తుంది.
12. మీన రాశి: ఈ రోజు ఈ రాశివారు లక్ష్మీదేవిని పూజించాలి . బ్రాహ్మణులకు అన్న వితరణ చేయాలి. ఇలా చేయడం వలన లక్ష్మీదేవి ప్రత్యేక ఆశీర్వాదాలు లభిస్తాయి

మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..

నోట్ : ఈ వార్తలలో ఇవ్వబడిన సమాచారం మత విశ్వాసాలపై ఆధారపడి ఉంది. పాఠకుల ఆసక్తి మేరకు.. పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు