Horoscope Today: ఆ రాశి వారు ఆరోగ్యం విషయంలో జాగ్రత్త.. 12 రాశుల వారికి రాశిఫలాలు
Today Horoscope (January 4, 2026): మేష రాశి వారికి వ్యాపారాల్లో రాబడికి లోటుండదు. ఆదాయం బాగా వృద్ధి చెందుతుంది. వృషభ రాశి వారికి ఆకస్మిక ధన ప్రాప్తికి అవకాశం ఉంది. చిన్ననాటి మిత్రులతో సరదాగా గడుపుతారు. మిథున రాశి వారికి ఆర్థిక పరిస్థితి చాలావరకు అనుకూలంగా ఉంటుంది. ఆరోగ్యం విషయంలో జాగ్రత్త అవసరం. మేష రాశి మొదలు మీన రాశి వరకు 12 రాశుల వారికి ఆదివారంనాటి రాశిఫలాలు ఎలా ఉన్నాయంటే..?
Updated on: Jan 04, 2026 | 5:35 AM
దిన ఫలాలు (జనవరి 4, 2026): మేష రాశి వారికి ఆదాయం బాగా వృద్ధి చెందే అవకాశముంది. వృషభ రాశి వారికి ఆకస్మిక ధన ప్రాప్తికి అవకాశం ఉంది. మిథున రాశి వారికి ఆర్థిక పరిస్థితి చాలావరకు అనుకూలంగా ఉండే అవకాశముంది. మేష రాశి మొదలు మీన రాశి వరకు 12 రాశుల వారికి ఆదివారంనాటి రాశిఫలాలు ఎలా ఉన్నాయంటే..?
మేషం (అశ్విని, భరణి, కృత్తిక 1)
వృత్తి, ఉద్యోగాలలో ప్రాధాన్యం, ప్రాభవం బాగా పెరుగుతాయి. వ్యాపారాల్లో రాబడికి లోటుండదు. ఆదాయం బాగా వృద్ధి చెందుతుంది. కుటుంబ సభ్యులతో ఆనందంగా గడుపుతారు. చేపట్టిన పను లన్నీ సకాలంలో, సంతృప్తికరంగా పూర్తి చేస్తారు. చిన్ననాటి మిత్రులతో విందు కార్యక్రమంలో పాల్గొంటారు. జీవిత భాగస్వామితో కలిసి వస్త్రాభరణాలు కొనుగోలు చేస్తారు. ఆర్థిక పరిస్థితి మరింతగా మెరుగుపడుతుంది. ఆశించిన శుభవార్తలు అందుతాయి. ప్రేమ వ్యవహారాలు సాఫీగా సాగి పోతాయి.
వృషభం (కృత్తిక 2,3,4, రోహిణి, మృగశిర 1,2)
ఉద్యోగ వాతావరణం ప్రోత్సాహకరంగా ఉంటుంది. వ్యాపారంలో ఒకటి రెండు ఆర్థిక సమస్యలనుంచి బయటపడతారు. ఆకస్మిక ధన ప్రాప్తికి అవకాశం ఉంది. చిన్ననాటి మిత్రులతో సరదాగా గడుపుతారు. కొద్ది శ్రమతో ముఖ్యమైన వ్యవహారాలను పూర్తి చేస్తారు. కుటుంబ పరిస్థితి బాగా మెరుగ్గా ఉంటుంది. మంచి పరిచయాలు ఏర్పడతాయి. అనారోగ్య సమస్య నుంచి ఉపశమనం లభిస్తుంది. ప్రేమ వ్యవహారాల్లో ముందడుగు వేస్తారు. దగ్గర బంధువుల నుంచి శుభవార్తలు అందుతాయి.
మిథునం (మృగశిర 3,4, ఆర్ద్ర, పునర్వసు 1,2,3)
వృత్తి, ఉద్యోగాల్లో బాధ్యతలు పెరుగుతాయి. వ్యాపారాలు కొత్త పుంతలు తొక్కుతాయి. ఆర్థిక పరిస్థితి చాలావరకు అనుకూలంగా ఉంటుంది. కొద్దిపాటి వ్యయ ప్రయాసలతో ముఖ్యమైన వ్యవహారాలను పూర్తి చేస్తారు. ఆరోగ్యం విషయంలో జాగ్రత్త అవసరం. ఆస్తి వివాదం అనుకోకుండా పరిష్కారం అవుతుంది. ఆదాయం ఇబ్బడిముబ్బడిగా పెరుగుతుంది. ఖర్చులు తగ్గిస్తారు. వ్యక్తిగత సమస్యలపై దృష్టి పెడతారు. ప్రయాణాల్లో జాగ్తత్తగా ఉండాలి. ప్రేమ వ్యవహారాల్లో దూసుకుపోతారు.
కర్కాటకం (పునర్వసు 4, పుష్యమి, ఆశ్లేష)
వృత్తి, ఉద్యోగాల్లో పని ఒత్తిడి ఎక్కువగా ఉంటుంది. ఇంటా బయటా గౌరవ మర్యాదలు బాగా పెరుగుతాయి. ముఖ్యమైన వ్యవహారాలు కొద్ది శ్రమతో పూర్తవుతాయి. ఆరోగ్యం మీద కొద్దిగా శ్రద్ధ పెంచడం మంచిది. కొందరు స్నేహితులతో మాట పట్టింపులు ఏర్పడతాయి. కుటుంబంతో కలిసి శుభ కార్యంలో పాల్గొంటారు. బంధుమిత్రుల రాకపోకలుంటాయి. వ్యాపారాలు నిదానంగా కొనసాగుతాయి. కొత్త పరిచయాలు ఏర్పడతాయి. ప్రేమ వ్యవహారాలలో ఒత్తిడి పెరిగే అవకాశం ఉంది.
సింహం (మఖ, పుబ్బ, ఉత్తర 1)
రోజంతా ప్రశాంతంగా గడిచిపోతుంది. ఆర్థిక పరిస్థితి బాగా మెరుగ్గా ఉంటుంది. ఉద్యోగంలో బరువు బాధ్యతలు పెరుగుతాయి. అధికారులు కాస్తంత ఎక్కువగా ఆధారపడతారు. అనుకోకుండా ఇష్ట మైన బంధువుల్ని కలుసుకుంటారు. వృత్తి, వ్యాపారాలు లాభదాయకంగా ముందుకు వెడతాయి. విందులు, వినోదాల్లో పాల్గొంటారు. కీలకమైన వ్యవహారాలను సంతృప్తికరంగా పూర్తిచేస్తారు. ప్రయాణాల్లో జాగ్రత్తగా ఉండాలి. ప్రేమ వ్యవహారాల్లో కొద్దిగా అపార్థాలు చోటు చేసుకునే అవకాశం ఉంది.
కన్య (ఉత్తర 2,3,4, హస్త, చిత్త 1,2)
వృత్తి, ఉద్యోగాల్లో పని ఒత్తిడి బాగా పెరుగుతుంది. ఉద్యోగపరంగా ఆదాయానికి లోటుండదు. వ్యాపారాలు నిలకడగా కొనసాగుతాయి. వ్యాపారానికి సంబంధించి కొత్త నిర్ణయాలు తీసుకుంటారు. చేపట్టిన పనుల్లో, వ్యవహారాలు చాలావరకు పూర్తవుతాయి. శుభ కార్యంలో బంధువులను కలుసుకుంటారు. ఆకస్మిక ప్రయాణ సూచనలున్నాయి. కుటుంబంతో కలిసి దైవ దర్శనం చేసుకుంటారు. స్వల్ప అనారోగ్య సమస్యలు బాధిస్తాయి. ప్రేమ వ్యవహారాలు అనుకూలంగా సాగుతాయి.
తుల (చిత్త 3,4, స్వాతి, విశాఖ 1,2,3)
ఉద్యోగ జీవితం సాఫీగా సాగిపోతుంది. వృత్తి, వ్యాపారాల్లో లాభదాయక వాతావరణం ఉంటుంది. ఆర్థిక పరిస్థితి మెరుగుపడుతుంది. ఆర్థిక లావాదేవీల వల్ల ప్రయోజనం ఉంటుంది. రాదనుకున్న డబ్బు చేతికి అందుతుంది. ముఖ్యంగా మొండి బాకీలు వసూలవుతాయి. ఆస్తి, ఆర్థిక వ్యవహారాలను పట్టుదలగా పూర్తి చేస్తారు. ఉద్యోగ, పెళ్లి ప్రయత్నాలు చాలావరకు సఫలం అవుతాయి. ప్రేమ వ్యవహారాలు హ్యాపీగా, సాఫీగా సాగిపోతాయి. ఇంటా బయటా గౌరవ మర్యాదలు పెరుగుతాయి.
వృశ్చికం (విశాఖ 4, అనూరాధ, జ్యేష్ట)
వృత్తి, ఉద్యోగాల్లో మీ సమర్థతకు గుర్తింపు లభిస్తుంది. వ్యాపారాల్లో లాభాలు వృద్ది చెందుతాయి. తోబుట్టువులతో ఆస్తి వివాదం ఒకటి పరిష్కార దిశగా సాగుతుంది. రాజకీయ ప్రముఖులతో పరిచయాలు ఏర్పడతాయి. వస్త్రాభరణాలు గానీ, విలువైన వస్తువులు గానీ కొనే అవకాశం ఉంది. ప్రస్తుతానికి ఎవరితోనూ ఆర్థిక సంబంధమైన లావాదేవీలు పెట్టుకోవద్దు. వాగ్దానాలు చేయడం, హామీలు ఉండడం కూడా మంచిది కాదు. ప్రేమ వ్యవహారాల్లో ఇబ్బందులు చోటు చేసుకోవచ్చు.
ధనుస్సు (మూల, పూర్వాషాడ, ఉత్తరాషాఢ 1)
ఉద్యోగ, ఆర్థిక పరిస్థితులు బాగా అనుకూలంగా సాగిపోతాయి. నిరుద్యోగులకు మంచి ఆఫర్లు అందుతాయి. వృత్తి, వ్యాపారాలు బిజీగా సాగుతాయి. మంచి పరిచయాలు ఏర్పడతాయి. చాలా కాలంగా పెండింగులో ఉన్న ముఖ్యమైన వ్యవహారాలు, పనులను పట్టుదలతో పూర్తి చేయడం జరుగుతుంది. జీవిత భాగస్వామి తరఫు బంధువులు ఇంటికి వచ్చే అవకాశం ఉంది. ప్రయాణాల్లో జాగ్రత్తగా ఉండడం మంచిది. ప్రేమ వ్యవహారాలు సానుకూలంగా ముందుకు సాగుతాయి.
మకరం (ఉత్తరాషాఢ 2,3,4, శ్రవణం, ధనిష్ట 1,2)
వృత్తి, ఉద్యోగాల్లో సానుకూల మార్పులు చోటు చేసుకుంటాయి. వ్యాపారాలు నిలకడగా పురోగమిస్తాయి. ఆదాయం నిలకడగా ఉంటుంది. అయితే, ఖర్చులు పెరిగే అవకాశముంది. ముఖ్యమైన పనులు కొద్ది శ్రమతో పూర్తవుతాయి. ఆరోగ్యం విషయంలో జాగ్రత్తగా ఉండడం మంచిది. ఉద్యోగులు మంచి సంస్థలోకి మారడానికి అవకాశాలున్నాయి. కుటుంబ పరిస్థితులు బాగా అనుకూలంగా సాగిపోతాయి. ప్రేమ వ్యవహారాలు ఉత్సాహంగా సాగిపోతాయి. ఆశించిన శుభవార్తలు వింటారు.
కుంభం (ధనిష్ట 3,4, శతభిషం, పూర్వాభాద్ర 1,2,3)
ఉద్యోగంలో అధికారులు ప్రత్యేక బాధ్యతలను అప్పగించడం జరుగుతుంది. వ్యాపారాలు ఆశించిన స్థాయిలో లాభాలు గడిస్తాయి. లాయర్లు, డాక్టర్లు వంటి వృత్తుల వారు బాగా బిజీ అవుతారు. రాబడి బాగా పెరుగుతుంది. ఎవరితోనూ ఆర్థిక లావాదేవీలు పెట్టుకోకపోవడం మంచిది. అనుకున్న పనులు అనుకున్నట్టు పూర్తవుతాయి. ఖర్చుల విషయంలో జాగ్రత్త అవసరం. కుటుంబ సభ్యుల నుంచి శుభవార్త వింటారు. ప్రేమ వ్యవహారాలు నిదానంగా, నిలకడగా సాగిపోతాయి.
మీనం (పూర్వాభాద్ర 4, ఉత్తరాభాద్ర, రేవతి)
వృత్తి, ఉద్యోగాలలో శుభ పరిణామాలు చోటు చేసుకుంటాయి. పదోన్నతికి అవకాశముంది. స్వయం ఉపాధి, వ్యాపారాలు నష్టాల నుంచి చాలావరకు బయటపడతాయి. అనుకున్న పనులు అనుకున్నట్టు పూర్తవుతాయి. బంధుమిత్రుల నుంచి ఆశించిన శుభవార్త వింటారు. అనారోగ్యం నుంచి ఆశించినంతగా ఉపశమనం లభిస్తుంది. ఉద్యోగ ప్రయత్నాలకు సానుకూల స్పందన లభిస్తుంది. ప్రేమ వ్యవహారాలు హ్యాపీగా కొనసాగుతాయి. ఆర్థిక పరిస్థితి ఆశాజనకంగా సాగుతుంది.
