Horoscope Today: ఆ రాశి వారికి శుభవార్తలు అందుతాయి.. 12 రాశుల వారికి శనివారం రాశిఫలాలు

దిన ఫలాలు (జూన్ 29, 2024): మేష రాశి వారికి వ్యక్తిగత సమస్యలు బాగా తగ్గుతాయి. ఆరోగ్యం మెరుగ్గా ఉంటుంది. వృషభ రాశి వారు మరింత మంచి ఉద్యోగంలోకి మారడానికి అవకాశం ఉంది. మిథున రాశి వారికి ముఖ్యమైన వ్యక్తిగత సమస్యలు, ఆర్థిక సమస్యల నుంచి విముక్తి లభిస్తుంది. మేష రాశి మొదలు మీన రాశి వరకు 12 రాశుల వారికి శనివారంనాటి రాశిఫలాలు ఎలా ఉన్నాయో ఇప్పుడు చూద్దాం..

మేషం (అశ్విని, భరణి, కృత్తిక 1)

రాశ్యధిపతి కుజుడు ఇదే రాశిలో సంచారం చేస్తున్నందువల్ల వృత్తి, ఉద్యోగాల్లో ప్రాభవం బాగా పెరుగుతుంది. వ్యక్తిగత సమస్యలు బాగా తగ్గుతాయి. ఆరోగ్యం మెరుగ్గా ఉంటుంది. వ్యాపార వాతావరణం లాభదాయకంగా ఉంటుంది. ఉద్యోగం మారాలనుకునేవారు శుభవార్త వింటారు. నిరు ద్యోగులకు ఆఫర్లు అందుతాయి. ఆదాయానికి మించి ఖర్చులుంటాయి. ముఖ్యమైన పనులు సకాలంలో పూర్తవుతాయి. కుటుంబ సభ్యులతో కలిసి విహార యాత్ర చేస్తారు. ఆరోగ్యం బాగానే ఉంటుంది.

వృషభం (కృత్తిక 2,3,4, రోహిణి, మృగశిర 1,2)

రాశ్యధిపతి శుక్రుడు ధన స్థానంలో ధనాధిపతి బుధుడితో సంచారం చేస్తున్నందువల్ల ఆర్థిక పరి స్థితి బాగా మెరుగ్గా ఉంటుంది. రావలసిన డబ్బు చేతికి అందుతుంది. బాకీలు, బకాయిలు వసూ లవుతాయి. ముఖ్యమైన అవసరాలు తీరిపోతాయి. కుటుంబంలో సుఖసంతోషాలకు లోటుండదు. మాటకు విలువ పెరుగుతుంది. మరింత మంచి ఉద్యోగంలోకి మారడానికి అవకాశం ఉంది. వృత్తి, వ్యాపారాల్లో రాబడి పెరుగుతుంది. ఆరోగ్యం అనుకూలంగా ఉంటుంది. పిల్లలు వృద్ధిలోకి వస్తారు.

మిథునం (మృగశిర 3,4, ఆర్ద్ర, పునర్వసు 1,2,3)

రాశ్యధిపతి బుధుడు, శుక్రుడితో కలిసి ఇదే రాశిలో ఉన్నందువల్ల అనుకున్న పనులు అనుకున్నట్టు పూర్తవుతాయి. ముఖ్యమైన వ్యక్తిగత సమస్యలు, ఆర్థిక సమస్యల నుంచి విముక్తి లభిస్తుంది. ఆరోగ్యం మెరుగుపడుతుంది. వృత్తి, ఉద్యోగాలు హ్యాపీ సాగిపోతాయి. కుటుంబ జీవితంలో కొద్దిగా అపార్థాలు చోటు చేసుకునే అవకాశం ఉంది. ఆదాయం నిలకడగా ఉంటుంది. ఆహార, విహారాల్లో జాగ్రత్తలు పాటించాల్సి ఉంటుంది. మిత్రుల వల్ల ఆర్థికంగా నష్టపోవడం జరుగుతుంది.

కర్కాటకం (పునర్వసు 4, పుష్యమి, ఆశ్లేష)

దశమంలో కుజుడు, లాభ స్థానంలో గురు సంచారం వల్ల ఆదాయం దిన దినాభివృద్ధి చెందు తుంది. ఉద్యోగంలో జీతభత్యాల పెరుగుదలకు సంబంధించిన శుభవార్తలు వింటారు. వృత్తి, వ్యాపా రాల్లో లాభాలు అంచనాలను మించుతాయి. ఆకస్మిక ధన లాభానికి కూడా అవకాశం ఉంది. ఏ ప్రయత్నం తలపెట్టినా అది తప్పకుండా విజయవంతం అవుతుంది. సొంత పనులు మీద శ్రద్ధ పెట్టడం మంచిది. కుటుంబపరంగా ఒకటి రెండు శుభవార్తలు వింటారు. ఆరోగ్యం నిలకడగా ఉంటుంది.

సింహం (మఖ, పుబ్బ, ఉత్తర 1)

రాశ్యధిపతి రవి లాభ స్థానంలో బుధ, శుక్రులతో కలిసి ఉన్నందువల్ల ఏ ప్రయత్నం తలపెట్టినా విజయవంతం అవుతుంది. అనేక విధాలుగా ధన లాభం ఉంటుంది. ముఖ్యమైన పనులు సునా యాసంగా పూర్తవుతాయి. కుటుంబంలో శుభ పరిణామం ఒకటి చోటు చేసుకుంటుంది. ఆస్తి వివాదం పరిష్కారం అవుతుంది. ఆదాయానికి లోటుండదు. కొద్ది శ్రమతో అధిక లాభం పొందు తారు. విలాసాల మీద ఖర్చు పెరుగుతుంది. వృత్తి, ఉద్యోగ వ్యాపారాలు అనుకూలంగా సాగిపోతాయి.

కన్య (ఉత్తర 2,3,4, హస్త, చిత్త 1,2)

రాశ్యధిపతి బుధుడు దశమ స్థానంలో శుక్రుడితో కలిసి ఉండడం వల్ల ఉద్యోగపరమైన అనుకూల తలు పెరుగుతాయి. నిరుద్యోగులకు ఉద్యోగ యోగం పడుతుంది. ఉద్యోగంలో స్థిరత్వం లభిస్తుంది. ఉద్యోగం మారడానికి చేస్తున్న ప్రయత్నాలు ఫలిస్తాయి. వృత్తి, వ్యాపారాలు లాభాల బాటపడ తాయి. ఇష్టపడిన వ్యక్తితో పెళ్లి సంబంధం కుదరవచ్చు. ఆదాయం క్రమంగా వృద్ధి చెందుతుంది. కుటుంబంలో సమస్యలు తలెత్తకుండా జాగ్రత పడాల్సి ఉంటుంది. ఆరోగ్యం నిలకడగా ఉంటుంది.

తుల (చిత్త 3,4, స్వాతి, విశాఖ 1,2,3)

రాశ్యధిపతి శుక్రుడు భాగ్య స్థానంలో భాగ్యాధిపతి బుధుడితో కలిసి ఉన్నందువల్ల అనేక మార్గాల్లో ఆదాయం పెరిగే అవకాశం ఉంది. ఆకస్మిక ధన లాభానికి కూడా అవకాశం ఉంది. ఉద్యోగంలో హోదాతో పాటు జీతభత్యాలు పెరిగే సూచనలున్నాయి. వృత్తి, వ్యాపారాలు లాభాలపరంగా దూసు కుపోతాయి. గౌరవ మర్యాదలు పెరుగుతాయి. ఆద్యాత్మిక చింతన పెరుగుతుంది. ఆరోగ్యం అను కూలంగా ఉంటుంది. ఇతరులకు సహాయం చేస్తారు. విదేశాల నుంచి ఆశించిన శుభవార్త అందు తుంది.

వృశ్చికం (విశాఖ 4, అనురాధ, జ్యేష్ఠ)

రాశ్యధిపతి కుజుడు షష్ట స్థానంలో ఉండడం, సప్తమంలో గురువు ఉండడం వల్ల ఉద్యోగంలో ప్రాధాన్యం పెరగడం, సామాజికంగా గౌరవ మర్యాదలు వృద్ధి చెందడం, మంచి పరిచయాలు ఏర్ప డడం వంటివి జరుగుతాయి. ఆర్థిక పరిస్థితి బాగా మెరుగ్గా ఉంటుంది. ఆర్థిక సమస్యలు, ఒత్తిళ్లు బాగా తగ్గిపోవడం జరుగుతుంది. అదనపు ఆదాయ మార్గాలు బాగా కలిసి వస్తాయి. ఆరోగ్యం బాగా అనుకూలంగా ఉంటుంది. అనుకోకుండా ఒకటి రెండు శుభవార్తలు వినే అవకాశం ఉంది.

ధనుస్సు (మూల, పూర్వాషాఢ, ఉత్తరాషాఢ 1)

రాశ్యధిపతి గురువు షష్ట స్థానంలో, శని తృతీయ స్థానంలో ఉన్నందువల్ల ఆదాయం దిన దినాభి వృద్ది చెందుతూ, ఆర్థిక సమస్యలు తగ్గుముఖం పట్టడం జరుగుతుంది. ఎటువంటి ప్రయత్నమైనా సఫలం అవుతుంది. ఉద్యోగ ప్రయత్నాలకు సానుకూల స్పందన లభిస్తుంది. ఉద్యోగం మారడానికి సమయం అనుకూలంగా ఉంది. వృత్తి, ఉద్యోగాల్లో చిన్నపాటి సమస్యలున్నా తేలికగా అధిగమిస్తారు. కుటుంబపరంగా శుభవార్తలు వినే అవకాశం ఉంది. పిల్లలు ఆశించినంతగా వృద్ధిలోకి వస్తారు.

మకరం (ఉత్తరాషాఢ 2,3,4, శ్రవణం, ధనిష్ఠ 1,2)

రాశ్యధిపతి శని ధన స్థానంలో, పంచమ స్థానంలో గురువు ఉండడం వల్ల ఏ ప్రయత్నం తల పెట్టినా కలిసి వస్తుంది. ఆశించిన స్థాయిలో ఆదాయ వృద్ధి ఉంటుంది. ఒకటి రెండు ముఖ్యమైన శుభవార్తలు వింటారు. పిల్లలు విజయాలు సాధిస్తారు. ఆర్థిక పరిస్థితి మెరుగ్గా ఉంటుంది. ఉద్యోగ జీవితం సానుకూలంగా, సామరస్యంగా సాగిపోతుంది. కుటుంబ జీవితం హ్యాపీగా కొనసాగుతుంది. ఇతరులకు సహాయం చేసే స్థితికి చేరుకుంటారు. వృత్తి జీవితంలో తీరిక ఉండని పరిస్థితి ఏర్పడుతుంది.

కుంభం (ధనిష్ఠ 3,4, శతభిషం, పూర్వాభాద్ర 1,2,3)

నాలుగవ స్థానంలో గురువు, పంచమ స్థానంలో శుక్ర, బుధుల సంచారం వల్ల రోజంతా హ్యాపీగా, సాఫీగా సాగిపోతుంది. వృత్తి, ఉద్యోగాలలో సానుకూల మార్పులు చోటు చేసుకుంటాయి. వ్యాపా రాలు లాభసాటిగా సాగిపోతాయి. కుటుంబ పరిస్థితులు మెరుగ్గా ఉంటాయి. ఆదాయానికి తగ్గట్టు ఖర్చులు పెరుగుతాయి. ఆరోగ్యం పరవాలేదనిపిస్తుంది. చిన్ననాటి మిత్రులతో బాగా ఎంజాయ్ చేస్తారు. కుటుంబ సభ్యులతో ఆలయాలు సందర్శిస్తారు. ప్రయాణాల్లో వీలైనంత జాగ్రత్తగా ఉండాలి.

మీనం (పూర్వాభాద్ర 4, ఉత్తరాభాద్ర, రేవతి)

ధన స్థానంలో ధన స్థానాధిపతి కుజ సంచారం ఆదాయం క్రమంగా వృద్ధి చెందుతుంది. అనేక మార్గాల్లో ఆదాయం పెరుగుతుంది. ఉద్యోగంలో జీతభత్యాలకు సంబంధించి అనుకోని శుభవార్తలు వింటారు. వృత్తి, వ్యాపారాలు లాభాల బాట పడతాయి. ఎటువంటి ప్రయత్నం చేపట్టినా సఫలం అవుతుంది. కుటుంబంలో ఒక శుభ పరిణామం చోటు చేసుకుంటుంది. ఆరోగ్యం నిలకడగా ఉంటుంది. నిరుద్యోగులకు సమయం అనుకూలంగా ఉంది. కుటుంబంలో అన్యోన్యత పెరుగుతుంది.