Rain Alert: అల్పపీడనం ఎఫెక్ట్.. ఈ ప్రాంతాల్లో నాన్ స్టాప్ వర్షాలే.. వర్షాలు.. 3 రోజుల వెదర్ రిపోర్ట్ ఇదిగో..

ఆగ్నేయ బంగాళాఖాతంలోనే అల్పపీడనం స్థిరంగా కేంద్రీకృతమైఉంది. ఇది రేపటికి తీవ్ర అల్పపీడనంగా బలపడుతుందని వాతావరణ శాఖ అంచనా వేసింది.. ఈ అల్పపీడనం బుధవారం నాటికి తమిళనాడు, శ్రీలంక తీరాలకు చేరువవుతుందని వాతావరణ శాఖ పేర్కొంది.. దీని ప్రభావంతో బుధవారం, గురువారాల్లో భారీ వర్షాలకు అవకాశముందని వాతావరణ శాఖ పేర్కొంది.. అల్పపీడనం ప్రభావంతో డిసెంబర్ 15 వరకు కొన్నిచోట్ల తేలికపాటి నుంచి మోస్తరు, భారీ వర్షాలు కురుస్తాయని అంచనా వేస్తోంది. ఈ క్రమంలో ఆంధ్రప్రదేశ్ విపత్తుల నిర్వహణ సంస్థ సోమవారం కీలక ప్రకటన విడుదల చేసింది.

బంగాళాఖాతంలో ఏర్పడిన అల్పపీడన ప్రభావంతో బుధవారం నుంచి శుక్రవారం వరకు కోస్తా, రాయలసీమలో (ముఖ్యంగా చిత్తూరు, తిరుపతి, అన్నమయ్య) అక్కడక్కడ భారీ వర్షాలు కురిసే అవకాశం ఉంది. రైతులు వ్యవసాయ పనుల్లో జాగ్రత్తలు తీసుకోవాలి. పండించిన ధాన్యాన్ని సురక్షిత ప్రదేశాలలో ఉంచాలి. ప్రజలు అప్రమత్తంగా ఉండాలని పేర్కొంది..

మూడు రోజుల వాతావరణ అంచనా ఇదే..

డిసెంబర్ 10, మంగళవారం : అల్లూరి సీతారామరాజు, కాకినాడ, కోనసీమ, పశ్చిమగోదావరి, కృష్ణా, నెల్లూరు, కర్నూలు, నంద్యాల, అనంతపురం, శ్రీ సత్యసాయి, వైఎస్ఆర్ జిల్లాల్లో కొన్నిచోట్ల తేలికపాటి వర్షాలు పడే అవకాశం ఉంది.

డిసెంబర్ 11, బుధవారం : ప్రకాశం, నెల్లూరు, తిరుపతి, అన్నమయ్య, చిత్తూరు జిల్లాల్లో కొన్నిచోట్ల మోస్తరు నుంచి భారీ వర్షాలు పడే అవకాశం ఉంది. కృష్ణా, గుంటూరు, బాపట్ల, ప్రకాశం, వైఎస్ఆర్ జిల్లాల్లో కొన్నిచోట్ల తేలికపాటి వర్షాలు పడే అవకాశం ఉంది.

డిసెంబర్ 12, గురువారం: తిరుపతి, అన్నమయ్య, చిత్తూరు జిల్లాల్లో కొన్నిచోట్ల భారీ వర్షాలు పడే అవకాశం ఉంది. నెల్లూరు, వైఎస్ఆర్, శ్రీసత్యసాయి జిల్లాల్లో కొన్నిచోట్ల మోస్తరు నుంచి భారీ వర్షాలు పడే అవకాశం ఉంది. కాకినాడ, కృష్ణా, బాపట్ల, ప్రకాశం, అనంతపురం జిల్లాల్లో కొన్నిచోట్ల తేలికపాటి వర్షాలు పడే అవకాశం ఉంది.

మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి..