Balakrishna: హిందూపురం ‘ఇదేం ఖర్మ రాష్ట్రానికి’ కార్యక్రమానకి ఎమ్మెల్యే బాలకృష్ణ.. పోలీసుల నుంచి ఇంకా రాని అనుమతి

శ్రీసత్యసాయి జిల్లా హిందూపురంలో గురువారం పర్యటించనున్నారు హిందూపురం ఎమ్మెల్యే నందమూరి బాలకృష్ణ. ముందుగా అంబికా లక్ష్మీనారాయణ కుమార్తె వివాహానానికి హాజరు కానున్నారు బాలకృష్ణ. తర్వాత పలు అభివృద్ధి కార్యక్రమాల్లో పాల్గొననున్నారు. ఇదిలా ఉంటే బాలకృష్ణ వస్తున్న సందర్భంగా.. “ఇదేం కర్మ” రాష్ట్రానికి కార్యక్రమం నిర్వహించనుంది స్థానిక టీడీపీ. ఇందుకోసం అనుమతులు అడిగితే పోలీసుల నుంచి స్పందన లేదంటున్నారు టీడీపీ నాయకులు. పోలీసులకు దరఖాస్తు చేసుకున్నా.. ఇంత వరకూ రియాక్ట్ కావడంలేదంటున్నారు.

కార్యక్రమాన్ని శాంతియుతంగా నిర్వహిస్తామని చెబుతున్నప్పటికీ పోలీసులు అనుమతి ఇచ్చేందుకు తటపటాయిస్తున్నారు టీడీపీ నాయకులు. ముందుస్తుగా అనుమతి కోరినా ఇంకా స్పందించకపోవడం దారుణమని ఆగ్రహం వ్యక్తం చేస్తున్నారు.

ఇక పోలీస్ వర్షన్ ఎలా ఉందోనని చూస్తే.. రాకపోకలకు ఇబ్బంది కలక్కుండా.. నిరసన కార్యక్రమాలు నిర్వహించుకోవచ్చని అంటున్నారు. దీంతో రేపటి బాలకృష్ణ ప్రొగ్రాంపై సర్వత్రా ఉత్కంఠ నెలకొని ఉంది.

ఇదిలావుంటే, స్థానిక సీఐ వెంకటేశ్వరరావు ఇదే విషయమై పలు విషయాలను వెల్లడించారు. రహదారిపై సభలు, సమావేశాలకు అనుమతి  లేదన్నారు. రాకపోకలకు ఇబ్బంది లేకుండా నిరసన కార్యక్రమాలు మాత్రం నిర్వహించుకోవచ్చని తెలిపారు.

మరిన్ని ఆంధ్రప్రదేశ్ వార్తల కోసం