Geyser Blast: ఇంట్లో బాంబుల్లా మారుతున్న గీజర్లు..! ఈ చిన్న పొరపాట్లే పెను ముప్పు.. తస్మాత్ జాగ్రత్త!

ఇంట్లో హాట్‌ వాటర్ కోసం వినియోగించే గీజర్ సిలిండర్ పేలి 8 మంది గాయపడిన ఘటన ఆంధ్రప్రదేశ్ రాష్ట్రం తాడిపత్రిలో వెలుగు చూసింది. ఇంట్లో ఉన్న గీజర్ ఉన్నట్టుంది ఒక్కసారిగా పేలిపోయింది. దీంతో భారీగా మంటలు చెలరేగి.. అవికాస్త ఇల్లు మొత్తం వ్యాపించాయి. ఆ సమయంలో ఇంట్లో ఉన్న ఇద్దరు చిన్నారుల సహా మరో ఆరుగురు కుటుంబ సభ్యులు తీవ్రంగా గాయపడ్డారు. ప్రమాదాన్ని గమనించిన స్థానికులు వెంటనే ఫైర్ సిబ్బందికి సమాచారం ఇచ్చారు.

సమాచారంతో హుటాహుటిన ఘటనా స్థలానికి చేరుకున్న ఫైర్ సిబ్బంది మంటలను అదుపులోకి తీసుకొచ్చారు. ఇంట్లో చిక్కుకున్న కుటుంబ సభ్యులను బయటకు తీసుకొచ్చి అంబులెన్స్ సహాయంతో స్థానిక హాస్పిటల్‌కు తరలించారు. అయితే గాయపడిన వారిలో ఇద్దరి పరిస్థితి విషమంగా ఉన్నట్టు తెలుస్తోంది. ప్రస్తుతం క్షతగాత్రులంతా హాస్పిటల్‌లో చికిత్స పొందుతున్నారు.

మరోవైపు విషయం తెలుసుకున్న పోలీసులు ఘటనా స్థలానికి చేరుకొని.. ప్రమాద స్థలాన్ని పరిశీలించారు. ప్రమాదంలో ఇంట్లోని ఫర్నిచల్ మొత్తం కాలిపోయినట్టు గుర్తించారు. ఘటనపై కేసు నమోదు చేసి ప్రమాదానికి గల పూర్తి కారణాలపై దర్యాప్తు చేస్తున్నట్టు తెలిపారు.

గీజర్ వాడేప్పుడు తీసుకోవాల్సి జాగ్రత్తలు 

మనం గీజర్ వాడేప్పుడు కొన్ని జాగ్రత్తు తీసుకుంటే.. అవి పేలే ప్రమాదాలను తగ్గించవచ్చు. చాలా మంది స్నానం చేసిన వెంటనే గీజన్ స్విచ్ ఆఫ్ చేయడం మర్చిపోతారు. ఇలా చేయడం వల్ల గీజర్ ఎక్కువ సమయం ఆన్‌లో ఉండి.. దానిలో ఒత్తిడి పెరిగి పేలిపోయే ప్రమాదం ఉంటుంది. కాబట్టి స్నానం చేసిన వెంటనే గీజర్ బటన్ ఆఫ్ చేయండి.

చాలా మంది విద్యుత్‌ బిల్‌ తగ్గించుకునేందుకు గ్యాస్ గీజర్స్ వాడుతారు. కొన్ని సార్లు వీటి గ్యాస్ లీక్ అయ్యే ప్రమాదం ఉంటుంది. అందుకోసం మీరు గీజర్ పెట్టే గదిలో ఎగ్జాస్ట్‌ ఫ్యాన్ అమర్చండి. ఇది గ్యాస్ లీకైతే దాన్ని బయటకు పంపేందుకు సహాయపడుంది.

మరికొందరు తక్కడు డబ్బులతో నాణ్యతలేని గీజర్లను కొంటుంటారు. ఇది చాలా ప్రమాదం. కాబట్టి డబ్బులు పోయినా మంచి నాణ్యమైన, సురక్షితమైన గీజర్లను మాత్రమే కొనండి.

మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి.