Train Accident: విశాఖపట్నం – కిరండూల్ పాసింజర్ రైలుకు తృటిలో తప్పిన ప్రమాదం.. అసలేంజరిగిందంటే..

Visakhapatnam – Kirandul Special passenger train: విశాఖపట్నం – కిరండూల్ పాసింజర్ రైలుకు సోమవారం (సెప్టెంబర్‌ 12) కొద్దిలో ప్రమాదం తప్పింది. ఒరిస్సాలోని జైపూర్ – చిత్రికూట్ వద్ద కేకే లైన్లో ఛత్రిపుట్ రైల్వే స్టేషన్ సమీపంలో ఈ పాసింజర్ రైలుకు చెందిన 4 బోగాలు పట్టాల మీద నుంచి కిందికి దిగాయి. ట్రైన్ నెంబర్‌ 08551తో ఉన్న విశాఖపణం-కిరండూల్ ప్యాసింజర్ స్పెషల్‌ రైలు కోరాపుట్ నుంచి కిరండూల్‌కు వెళ్తున్న సమయంలో ఈ ప్రమాదం సంభవించింది. జైపూర్‌ స్టేషన్‌ దాటిన తర్వాత ఒక స్లీపర్‌, మూడు జనరల్ కోచ్‌లు పట్టాలు తప్పాయి. వెంటనే స్పందించిన సిబ్బంది రైలును ఆపుచేసి, సహాయక చర్యలు చేపట్టారు. ఈ ఘటనలో ఎటువంటి ప్రాణనష్టం సంభవించలేదని, ప్రయాణికులందరూ సురక్షితంగా ఉన్నట్లు డివిజన్‌ రైల్వే మేనేజర్‌ అనుప్‌ సత్పతి తెలిపారు. ప్రయాణికుల కోసం ప్రత్యామ్నాయ రవాణా ఏర్పాట్లు చేస్తున్నట్లు ఆయన వెల్లడించారు. పూర్తి వివరాలు తెలియాల్సి ఉంది.