Breaking News: ఏపీ ఇంటర్ పరీక్షల షెడ్యూల్ విడుదల.. మే 5 నుంచి 23 వరకు ఎగ్జామ్స్..

AP Inter Exams: ఏపీ ఇంటర్ విద్యార్థులకు ముఖ్య గమనిక. ఇంటర్ పరీక్షల షెడ్యూల్‌ను రాష్ట్ర విద్యాశాఖ అధికారులు ఖరారు చేశారు. మే 5వ తేదీ..

Ravi Kiran |
Updated on: Feb 01, 2021 | 8:35 PM

AP Inter Exams: ఏపీ ఇంటర్ విద్యార్థులకు ముఖ్య గమనిక. ఇంటర్ పరీక్షల షెడ్యూల్‌ను రాష్ట్ర విద్యాశాఖ అధికారులు ఖరారు చేశారు. మే 5వ తేదీ నుంచి మే 23 వరకు ఇంటర్మీడియట్ పబ్లిక్ పరీక్షలు నిర్వహించనున్నట్లు వెల్లడించారు. మే 5 నుంచి 22 వరకు ఫస్టియర్ పరీక్షలు.. అలాగే మే 6 నుంచి 23 వరకు సెకండియర్ పరీక్షలు నిర్వహించనున్నారు. పరీక్షలన్నీ కూడా ఉదయం 9 గంటల నుంచి మధ్యాహ్నం 12 గంటల వరకు జరగనున్నాయి. వొకేషనల్ విద్యార్థులకు కూడా ఇదే షెడ్యూల్‌ను అమలు చేయనున్నారు. అటు మర్చి 31వ తేదీ నుంచి ఏప్రిల్ 24 వరకు ప్రాక్టికల్స్ నిర్వహించనున్నట్లు విద్యాశాఖ అధికారులు స్పష్టం చేసారు. జంబ్లింగ్ విధానం రెండు సెషన్స్ కింద ప్రాక్టికల్స్ జరగనున్నాయి. ఉదయం 9 నుంచి 12 గంటల వరకు మొదటి.. మధ్యాహ్నం 2 నుంచి సాయంత్రం 5 గంటల వరకు రెండో సెషన్ జరగనుంది. ఇక తెలంగాణలో మే 1 నుంచి 20 వరకు ఇంటర్ పరీక్షలు జరగనున్న సంగతి తెలిసిందే.

ఇంటర్ ప్రాక్టికల్స్‌లో 30 శాతం సిలబస్ తగ్గింపు…

కరోనా మహమ్మారి కారణంగా కళాశాలల పనిదినాలను కుదించడం వల్ల ఈ ఏడాది ఇంటర్ ప్రాక్టికల్స్‌కు సంబంధించిన సిలబస్‌లో 30 శాతం తగ్గిస్తున్నట్లు రాష్ట్ర ఇంటర్మీడియట్ విద్యా మండలి ప్రకటించింది. పూర్తి సమాచారాన్ని అఫీషియల్ వెబ్‌సైట్ bie.ap.gov.inలో ఉంచినట్లు పేర్కొంది.