స్కూల్ బస్సు బీభత్సం.. డ్రైవర్‌కు ఫిట్స్ రావడంతో..

విజయవాడ, ఏలూరు రోడ్డు మధ్యలో ఓ స్కూల్ బస్సు బీభత్సం సృష్టించింది. అదుపుతప్పిన స్కూల్ బస్సు కారును ఢీ కొట్టి, ఫుట్ పాత్ మీదకు దూసుకెళ్లింది. ఈ ఘటనలో అక్కడనే ఉన్న పలు వాహనాలు ధ్వంసమయ్యాయి. కాగా.. ఉదయం స్కూల్‌కు వెళ్లే సయంలో ఈ ఘటన చోటుచేసుకోవడంతో భారీగా ట్రాఫిక్ జామ్ నెలకొంది. అలాగే.. స్కూల్ బస్సులో 20 మంది పిల్లలు ఉండటంతో, వారికి స్వల్ప గాయాలయ్యాయి. స్థానికులు వెంటనే పిల్లల్ని హాస్పిటల్‌కు తరలించారు. డ్రైవర్‌కి ఫిట్స్ రావడంతో ఈ ప్రమాదానికి దారి తీసిందని ఘటనను చూసిన స్థానికులు చెబుతున్నారు. ఈ ప్రమాదంలో డైవర్‌కి కూడా గాయాలు కాగా.. చికిత్సకై ఆస్పత్రికి తరలించారు.