AP: బంపర్‌ ఆఫర్‌..స్పెషల్‌ డిస్కౌంట్‌.. పోటీ పడి మరీ ధర తగ్గిస్తున్న అక్కడి పెట్రోల్ బంక్‌లు

పెట్రోల్‌ ప్రైస్‌ తగ్గడంతో ఊపిరి పీల్చుకుంటున్నారు వినియోగదారులు. ఐతే కేంద్రం తీసుకున్న పెట్రో రేట్ల తగ్గింపు నిర్ణయం దేశమంతా ఒకలా ఉంటే..కడప జిల్లా(Kadapa District)లో మాత్రం మరోలా ఉంది. అక్కడ రేట్‌ ఇంకాస్త తగ్గుతోంది. ఏంటి ఈ బంపర్‌ ఆఫర్‌ అనుకుంటున్నారా..?..రెండు బంకుల మధ్య పోటీ..వాహనదారులకు కలిసి వస్తుంది. తమ బిజినెస్‌ పెంచుకునేందుకు ఆఫర్ల మీద ఆఫర్లు ప్రకటించేస్తున్నాయి పెట్రోల్‌ బంకులు. వాహనదారులను ఆకట్టుకునేందుకు పెట్రోల్ పై డిస్కౌంట్లు ఇస్తున్నాయి. రండి బాబూ రండి..మా దగ్గర పెట్రోల్‌ డెడ్‌ చీప్‌ అంటున్నాయి. ఆ బంక్‌ 2 రూపాయలు తగ్గిస్తే..మేం రెండున్నర తగ్గిస్తామన్నటుంన్నారు రెండో బంక్ వాళ్లు. కడప-రాజంపేట(Rajampet) మార్గంలో ఉన్న రెండు పెట్రోల్‌ బంకులు..వాహనదారులకు బంపర్‌ ఆఫర్‌ ప్రకటించాయి. పోటీపడి మరీ ధరలను తగ్గించేస్తున్నాయి. పక్కనున్న బంక్‌ 2 రూపాయాలు తగ్గిస్తున్నట్టు బోర్డ్‌ పెట్టింది. అంతే ఆ బంక్‌ 2 రూపాయలు తగ్గిస్తే మేం ఏకంగా 2 రూపాయల 40 పైసలు తగ్గిస్తామంటూ స్పెషల్ డిస్కౌంట్‌ అనౌన్స్‌ చేసింది మరో బంక్‌. ఎక్కడా లేనంతగా తక్కువ ధరకే పెట్రోల్‌ అందుబాటులో ఉందంటూ మోత మోగిస్తున్నాయి. ఇంకేముంది..రెండు రూపాయలు తగ్గినా తగ్గినట్టే కదా అనుకుంటున్న వాహనదారులు..ఆ బంకులకు క్యూ కడుతున్నారు. ఈ ఇష్యూ ఇప్పుడు స్థానికంగా హాట్‌ టాపిక్‌గా మారింది. మరి ఈ ఆఫర్‌ను ఆ రెండు బంకులు ఎన్నాళ్లు కంటిన్యూ చేస్తాయన్నదే ఇంట్రస్టింగ్‌ పాయింట్‌.