195 ఏళ్లుగా గ్రీన్ కార్డు కోసం ఎదురుచూస్తున్న భారతీయుడు

గ్రీన్ కార్డ్ పొందేందుకు ఓ ఇండియన్ 195 ఏండ్ల వెయిట్ లిస్ట్ లో ఉన్నాడట. ఈ విషయాన్ని రిపబ్లికన్ పార్టీ సెనెటర్ సెనెట్ దృష్టికి తీసుకొచ్చారు. అతడి సమస్యను తీర్చేందుకు ఓ సవరణ తీసుకురావాలని ఆయన సెనెట్ ను కోరారు.

అమెరికాలో స్థిరపడాలనుకునే ఇమ్మిగ్రెంట్లకు గ్రీన్ కార్డు జారీ చేస్తుంది ఆదేశ విదేశాంగ శాఖ. దీనినే అఫీషియల్ గా పర్మినెంట్ రెసిడెంట్ కార్డ్ గా పిలుస్తారు. బుధవారం సెనెటర్ మైక్ లీ గ్రీన్ కార్డుల అంశాన్ని సెనెట్లో లేవనెత్తారు. ప్రస్తుత అమెరికాలో గ్రీన్ కార్డ్ పాలసీ ఓ వ్యక్తికి ఎలాంటి భరోసానూ ఇవ్వలేకపోతోందని, ఇమ్మిగ్రెంట్ పేరెంట్స్ చనిపోవడంతో వారి పిల్లాడికి గ్రీన్ కార్డ్ వచ్చే అవకాశాలు లేకుండా పోతున్నాయని మైక్ లీ పేర్కొన్నారు. అతని తల్లిదండ్రులకు ఎలాంటి జాబ్ లేకపోవడంతో వారి గ్రీన్ కార్డ్ అప్లికేషన్ ను పదే పదే తిరస్కరణకు గురైనట్లు సెనేటర్ లీ చెప్పారు. దాని ప్రభావం ఆ పిల్లాడిపై పడిందని అన్నారు. ఇంతవరకు అతడికి గ్రీన్ కార్డు దక్కలేదని సెనేట్ దృష్టికి తీసుకువచ్చారు. ప్రత్యేక సవరణ తీసుకువచ్చి అతని గ్రీన్ కార్డు అవకాశం కల్పించాలని కోరారు. ఇలా ఎందరో భారతీయులు ఇబ్బందులకు గురవుతూనే ఉన్నారు.

సెనెటర్ డిక్ డర్బిన్ ప్రవేశపెట్టిన తీర్మానంపై లీ మాట్లాడుతూ.. ఇమ్మిగ్రెంట్ వర్కర్లు, వారి పిల్లలు గ్రీన్ కార్డ్ బ్యాక్ లాగ్ కాకుండా రక్షణ కల్పించాలన్నారు. టెంపరరీ వర్క్ వీసాలపై ఇక్కడ పనిచేస్తున్న వారికి గ్రీన్ కార్డులు చాలా కీలకమని, బ్యాక్ లాగ్స్ వల్ల చాలా ఫ్యామిలీలు ఇమ్మిగ్రెంట్ స్టేటస్ ను కోల్పోయే ప్రమాదముందన్నారు. వారు ఇమ్మిగ్రెంట్ స్టేటస్ కొల్పోకుండానే జాబ్స్ మారేందుకు, వేరే చోటుకు వెళ్లే అవకాశం కల్పించాలన్నారు. ఫెయిర్నెస్ ఫర్ హై స్కిల్డ్ ఇమ్మిగ్రెంట్ యాక్ట్ కు 3 మార్పులు చేయాలని లీ–డర్బిన్ ప్రతిపాదించారు. 2019లో దాదాపు 9,008 మంది భారతీయులు కేటగిరీ 1(ఈబీ-1) గ్రీన్ కార్డులు పొందారు. కేటగిరీ 2(ఈబీ-2) కింద 2,908 మంది, కేటగిరి 3(ఈబీ-3) కింద 5,083 మంది ఇండియన్లు గ్రీన్ కార్డులు పొందారు. ఈ సవరణ ను అమెరికన్ కాంగ్రెస్ ఆమోదం తెలిపితే ఎందరో భారతీయులు ఊరట లభించనుంది.