US Capitol: యూఎస్ క్యాపిటల్‌ భవనం వద్ద మళ్లీ అలజడి.. బారికేడ్లపై దూసుకెళ్లిన కారు.. ఓ అధికారి మృతి

United States Capitol complex: అమెరికా రాజధాని వాషింగ్టన్‌లో అలజడి నెలకొంది. అధ్యక్ష భవనం వైట్‌హౌస్ వద్దనున్న బారికేడ్లపై ఓ కారు దూసుకెళ్లింది. ఈ ఘటనలో ఒక పోలీసు అధికారి ప్రాణాలు కోల్పోగా.. మరొకరు తీవ్రంగా గాయపడ్డారు. ఈ సంఘటన శుక్రవారం మధ్యాహ్నం జరిగింది. అధ్యక్ష భవనం వైట్‌హౌస్‌కు సమీపంలో ఓ చెక్‌పోస్టు వద్ద పోలీసులు తనిఖీ చేస్తుండగా ఉన్నట్టుండి ఓ కారు పోలీసులపైకి దూసుకువచ్చిందని కాపిటల్ పోలీస్ యాక్టింగ్ చీఫ్ యోగానంద పిట్మాన్ మీడియాతో పేర్కొన్నారు. ఆ వెంటనే డ్రైవర్ కత్తితో దిగుతుండగా.. వెంటనే అప్రమత్తమైన పోలీసులు అనుమానితుడిపై కాల్పులు జరిపి అదుపులోకి తీసుకున్నట్లు ఆయన తెలిపారు.

గాయపడిన ఓ పోలీసుతో పాటు నిందితుడిని కూడా ఆసుపత్రికి తరలించినట్లు వివరించారు. అయితే.. నిందితుడు చికిత్స పొందుతూ చనిపోయాడని వెల్లడించారు. వెంటనే యూఎస్ క్యాపిటల్‌ చుట్టుపక్కల ప్రాంతాల్లో భారీ భద్రతను మోహరించారు. దారులన్నింటినీ మూసివేసి తనిఖీలు నిర్వహిస్తున్నారు. ఈ ఘటనపై దర్యాప్తు చేస్తున్నామని అధికారులు తెలిపారు. ఈ ఘటనకు పాల్పడింది ఎవరనేదీ వివరాలు సేకరిస్తున్నామన్నారు. అయితే శుక్రవారం ఈస్టర్ రోజున ఈ దాడి జరగడంపై పలు అనుమానాలు వ్యక్తమవుతున్నాయి.

కాగా.. ఈ ఏడాది ప్రారంభంలో.. బైడెన్‌కు పగ్గాలు చేపట్టేముందు కాపిటల్ భవనంపై దాడి జరిగిన సంగతి తెలిసిందే. ఈ దాడిలో ఓ పోలీసు అధికారితో సహా నలుగురు మరణించారు. బైడెన్ ఎన్నికను సవాలు చేస్తూ.. జనవరి 6న వందలాది మంది ట్రంప్ మద్దతుదారులు కాపిటల్ భవనంలో హింసాత్మక దాడులకు పాల్పడ్డారు. వారిని నిలువరించేందుకు పోలీసులు కాల్పులు సైతం జరిపారు.

Also Read:

Covid-19 Vaccine: ఆస్ట్రాజెనెకా టీకాపై అనుమానాలు.. గడ్డ కడుతున్న రక్తం.. బ్రిటన్‌లో వెలుగులోకి మరో 25 కేసులు

• Vaccines export: అది ప్రచారం మాత్రమే.. టీకాల ఎగుమతిపై ఎలాంటి నిషేధం లేదు.. క్లారిటీ ఇచ్చిన కేంద్రం