Donald Trump: ​ట్రంప్ ప్రయాణిస్తున్న విమానంలో ఇంజిన్ ఫెయిల్.. తృటిలో తప్పించుకున్న మాజీ అధ్యక్షుడు..

Donald Trump: అమెరికా మాజీ అధ్యక్షుడు డొనాల్డ్ ​ట్రంప్​కు త్రుటిలో ప్రమాదం తప్పింది. ఆయన ప్రయాణిస్తున్న విమానంలో సాంకేతిక(Technical Issue) లోపం తలెత్తడంతో అత్యవరసరంగా ఓర్లియాన్స్ అధికారులు దానిని ల్యాండ్ చేశారు. మెక్సికో గగనతలం మీదుగా ప్రయాణిస్తున్న సమయంలో ఇంజిన్​ పనిచేయటం ఆగిపోవటం వల్ల అత్యవసరంగా ల్యాండింగ్ చేసినట్లు తెలుస్తోంది. ఈ ఘటన గతవాతం జరిగినప్పటికీ విషయం తాజాగా బయటకు వచ్చింది.

ట్రంప్​ ప్రయాణిస్తున్న విమానం అత్యవసరంగా ల్యాండ్​ అయిన విషయాన్ని పొలిటికో అనే వార్తా సంస్థ ముందుగా ప్రచురించింది. ఈ విషయాన్ని సంబంధిత అధికారి సైతం ధ్రువీకరించినట్లు తెలుస్తోంది. అయితే దీనికి సంబంధించిన పూర్తి వివరాలను భద్రతా కారణాల రీత్యా వెల్లడించలేదు. న్యూ ఓర్లియాన్స్​లో గత శనివారం జరిగిన రిపబ్లికన్​ నేషనల్​ కమిటీ డోనార్​ రిట్రీట్​కు హాజరై.. తిరిగి ఫ్లోరిడా ఎస్టేట్​కు వస్తున్న క్రమంలో రాత్రి 11 గంటల ప్రాంతంలో ఇంజిన్​ఆగిపోయింది. న్యూ ఓర్లియన్స్​ లేక్​ఫ్రంట్​ ఎయిర్​పోర్ట్​ నుంచి బయలు దేరిన సుమారు 120 కిలోమీటర్లు గగనతంలో ప్రయాణించిన తరువాత విమానంలో సాంకేతిక లోపం తలెత్తి ఒక ఇంజిన్ మెురాయించింది. ఆ సమయంలో ట్రంప్ తో పాటు ఆయన సలహాదారులు, మరికొందరు నిఘా అధికారులు ఆ విమానంలో ఉన్నారు.

ఇవీ చదవండి..

Viral Photo: ఇన్‌స్టాగ్రామ్‌లో వైరల్ గా మారిన రతన్ టాటా పోస్ట్

Fixed Deposits: ఆ బ్యాంకు కస్టమర్లకు గుడ్‌న్యూస్‌.. ఫిక్స్‌డ్‌ డిపాజిట్లపై వడ్డీ రేట్ల పెంపు