Donald Trump: 10 రోజులు టైమ్‌ ఇస్తున్నా.. ఆ దేశానికి డెడ్‌ లైన్‌ విధించిన డొనాల్డ్‌ ట్రంప్‌!

ఉక్రెయిన్‌తో శాంతి ఒప్పందానికి రష్యా ముందుకు రావాలని అందుకోసం ఒక డైడ్‌ లైన్‌ కూడా విధించారు అమెరికా ప్రెసిడెంట్‌ డొనాల్డ్ ట్రంప్. ఆయన మాట్లాడుతూ.. రష్యా అధ్యక్షుడు వ్లాదిమిర్ పుతిన్ ఒప్పందం కుదుర్చుకోవడానికి ఇప్పుడు కేవలం “10 లేదా 12 రోజులు” మాత్రమే ఉందని ట్రంప్ ప్రకటించారు. ఇది మునుపటి 50 రోజుల గడువు కంటే తక్కువ.

మేం ఎటువంటి పురోగతిని చూడడం లేదు అని ట్రంప్ అన్నారు. వేచి ఉండటానికి ఎటువంటి కారణం లేదు అని కూడా హెచ్చరించారు. స్కాట్లాండ్‌లో వారి సమావేశానికి ముందు బ్రిటిష్ ప్రధాన మంత్రి కీర్ స్టార్మర్‌తో కలిసి తన వ్యాఖ్యల సందర్భంగా ఈ ప్రకటన వచ్చింది. కొనసాగుతున్న సంఘర్షణ, కాల్పుల విరమణ దిశగా కదలిక లేకపోవడం పట్ల ట్రంప్ తన నిరాశను వ్యక్తం చేస్తూ.. “నేను అధ్యక్షుడు పుతిన్ పట్ల నిరాశ చెందాను. నేను అతనికి ఇచ్చిన 50 రోజులను తక్కువ సంఖ్యకు తగ్గిస్తున్నాను ఎందుకంటే ఏమి జరగబోతోందో నాకు ఇప్పటికే సమాధానం తెలుసునని నేను భావిస్తున్నాను” అని అన్నారు.

రెండు వారాల క్రితం యుద్ధాన్ని ముగించడానికి రష్యా, ఉక్రెయిన్‌లకు ఒప్పందం కుదుర్చుకోవడానికి 50 రోజుల సమయం ఇస్తానని ట్రంప్ పేర్కొన్నాడు. ఇప్పుడు పుతిన్ ఉద్దేశాలపై సందేహాన్ని ఉటంకిస్తూ, ఆ సమయాన్ని “తక్కువ సంఖ్యకు” తగ్గిస్తానని ఆయన చెబుతున్నారు. “ఏమి జరగబోతోందో నాకు ఇప్పటికే సమాధానం తెలుసునని నేను అనుకుంటున్నాను” అని ట్రంప్ అన్నారు. పుతిన్ శాంతి గురించి తీవ్రంగా ఆలోచిస్తున్నారని తాను అనుమానిస్తున్నానని సూచిస్తున్నారు. “పుతిన్ యుద్ధాన్ని ముగించడం గురించి మాట్లాడుతూనే ఉక్రెయిన్‌పై బాంబు దాడి చేస్తూనే ఉన్నాడు. అలా చేయడాన్ని నేను ఒప్పుకోను అని ట్రంప్ తీవ్రంగా స్పందించారు. మరి ట్రంప్‌ పెట్టిన డెడ్‌లైన్‌ లోపు రష్యా అధ్యక్షుడు పుతిన్‌ నుంచి ఎలాంటి సమాధానం వస్తుందో చూడాలి.

మరిన్ని అంతర్జాతీయ వార్తల కోసం ఇక్కడ క్లిక్‌ చేయండి