కేవలం రూ.100కే ఇల్లు.. ఎక్కడో తెలుసా?

ఫ్రాన్స్‌లోని పుయ్-డి-డోమ్ ప్రాంతంలోని ప్రశాంతమైన పట్టణం అంబర్ట్‌లో రోజురోజుకు తగ్గిపోతున్న జనాభాను పునరుద్ధరించేందుకు ఈ వినూత్న ప్రయత్నం చేస్తున్నట్లు సమాచారం. మెరుగైన మౌలిక సదుపాయాల కోసం ప్రజలు నగరాల వైపు తరలివెళ్లడంతో 19వ శతాబ్దం నుంచి ఈ ప్రాంతంలో జనాభా తగ్గుతూ వస్తోందట. ప్రస్తుతం ఈ పట్టణంలో 6,500 మంది నివసిస్తున్నారు. జనాభాను మరింత పెంచడానికి అక్కడి అధికారులు ఐదేళ్ల ప్రణాళికను రూపొందించారు. ఇందులో భాగంగానే ప్రజలకు 100 రూపాయలకే ఇళ్లు కొనుగోలు చేసే బంపర్‌ ఆఫర్‌ ఇస్తున్నారు. జనాభా సంఖ్యను పెంచడం, స్థానిక పాఠశాలలు, వ్యాపారాలు వంటి వాటిని అభివృద్ధి చేయడం.. ఇలాంటి లక్ష్యాలతో ఈ ఆలోచన చేసినట్లు తెలుస్తోంది. ఇళ్ల కొనుగోలుకు కేవలం వంద రూపాయలు మాత్రమే అవుతున్నప్పటికీ.. శతాబ్దాల నాటి అక్కడి భవనాలను పునరుద్ధరించడానికి దాదాపు 20 నుంచి రూ.50 లక్షలు ఖర్చయ్యే అవకాశం ఉన్నట్లు అధికారులు అంచనా వేస్తున్నారు. ఇంటిని కొనుగోలు చేసే సమయంలోనే కొనుగోలుదారులు ఆ ఇంటి పునరుద్ధరణకు కట్టుబడి ఉంటామని తెలియజేస్తూ.. హామీ ఇవ్వాల్సి ఉంటుంది. ఫ్రాన్స్‌ ప్రజలతో పాటు, విదేశీయులు కూడా అంబర్ట్‌లో ఇళ్లను కొనుగోలు చేయవచ్చు. భవనాల పునరుద్ధరణకు డబ్బు కావాలనుకుంటే అక్కడి ప్రభుత్వం తక్కువ వడ్డీకి రుణాలు, పునరుద్ధరణ గ్రాంట్లు వంటి రూపంలో ఆర్థిక సహాయం అందిస్తుంది. ఇంటిని కొన్నాక కనీసం మూడేళ్ల పాటు అక్కడే నివసించాల్సి ఉంటుంది. ఫ్రెంచ్‌ భాష తెలిసి ఉండడం తప్పనిసరి కానప్పటికీ అక్కడి స్థానికులు, వ్యాపారులతో కమ్యూనికేట్‌ చేయగలిగితే బాగుంటుందంటున్నారు అధికారులు.

మరిన్ని వీడియోల కోసం ఇక్కడ క్లిక్ చేయండి

Also Watch:

మధ్యప్రదేశ్‌లో యువకుడి ప్రాణం తీసిన చెప్పు..

హెల్మెట్ ధరిస్తే జుట్టు రాలిపోతుందా? నిపుణులు ఏం చెప్పారు?