హెల్మెట్ ధరిస్తే జుట్టు రాలిపోతుందా? నిపుణులు ఏం చెప్పారు?
Updated on: Jul 28, 2025 | 7:40 PM
రోడ్డుపై బైక్ నడిపేటప్పుడు తప్పకుండా హెల్మెట్ ధరించాలి. భద్రతా కారణాల దృష్ట్యా ద్విచక్ర వాహనదారులు వాహనం నడుపుతున్నప్పుడు హెల్మెట్ ధరించాలని ట్రాఫిక్ నిబంధనలు చెబుతున్నాయి. కానీ కొంతమంది హెల్మెట్ ధరించడం వల్ల జుట్టు రాలుతుందని భావించి దానిని ధరించడానికి వెనుకాడుతుంటారు. కొంతమంది అసలు పూర్తిగా హెల్మెట్ ధరించడమే మానేస్తారు.
కానీ హెల్మెట్ నిజంగా జుట్టు రాలడానికి కారణమవుతుందా? హెల్మెట్ ధరించడం వల్ల జుట్టు రాలుతుందని చాలా మంది భావిస్తారు. చర్మవ్యాధి నిపుణులు ప్రకారం హెల్మెట్లు నేరుగా జుట్టు రాలడానికి కారణం కావు. కానీ మురికిగా లేదా బిగుతుగా ఉండే హెల్మెట్ వల్ల చుండ్రు పెరగడం, జుట్టుపై ఒత్తిడి పెరగడం ద్వారా జుట్టు దెబ్బతింటుంది. ఇది జుట్టు రాలడానికి దారితీస్తుంది. అలాగే బిగుతుగా ఉండే హెల్మెట్ ధరించడం వల్ల నెత్తిమీద ఎక్కువ చెమట ఉత్పత్తి అవుతుంది. ఇది జుట్టు మూలాలను బలహీనపరుస్తుంది. కాబట్టి, సరైన హెల్మెట్ను ఎంచుకుని, తరచూ దానిని శుభ్రం చేసుకోవడం ద్వారా ఈ సమస్యను నివారించవచ్చు. మురికిగా ఉన్న హెల్మెట్, చెమట వల్ల అది బ్యాక్టీరియాకు నిలయంగా మారుతుంది. ఇది నెత్తిమీద చుండ్రు పెరగడానికి దారితీస్తుంది. చుండ్రు నెత్తిమీద చికాకు కలిగిస్తుంది. జుట్టు కుదుళ్లను బలహీనపరుస్తుంది. కాబట్టి హెల్మెట్ను క్రమం తప్పకుండా శుభ్రం చేసుకోవడం, హెల్మెట్ ధరించే ముందు తల చుట్టూ స్కార్ఫ్ కట్టుకోవడం మంచిది. టైట్ గా ఉన్న హెల్మెట్ ధరించడం వల్ల తలపై ఒత్తిడి పడుతుంది. దీనివల్ల జుట్టు కుదుళ్లపై ఒత్తిడి పడుతుంది. ఈ ఒత్తిడి జుట్టు మూలాలను బలహీనపరుస్తుంది. జుట్టు రాలడానికి దారితీస్తుంది. సరైన పరిమాణంలో సౌకర్యవంతంగా ఉండే హెల్మెట్ను ఎల్లప్పుడూ ధరించడం ముఖ్యం. హెల్మెట్ల కారణంగా జుట్టు రాలకుండా ఉండాలంటే.. జుట్టు, నెత్తిని శుభ్రంగా ఉంచుకోవడం చాలా ముఖ్యం. జుట్టులో చెమట, ధూళి పేరుకుపోకుండా ఉండటానికి తరచూ తల స్నానం చేస్తుండాలి. దీనితో పాటు జుట్టుకు నూనె రాయడం మర్చిపోకూడదు. ప్రతి వారం రెండు నుంచి మూడు సార్లు స్నానం చేసే ముందు తలకు నూనె రాయడం వల్ల జుట్టుకు పోషణ లభిస్తుంది. ఇది హెల్మెట్ ప్రభావాల నుంచి జుట్టును రక్షించడంలో సహాయపడుతుంది. తడిజుట్టుపై హెల్మెట్ ధరించకూడదు. సరైన సైజు హెల్మెట్ ధరించడం కూడా ముఖ్యం. మీరు ఎల్లప్పుడూ తలకు సౌకర్యవంతంగా సరిపోయే హెల్మెట్ను ధరించాలి. మరో ముఖ్యమైన విషయం ఏమిటంటే ఎట్టిపరిస్థితుల్లోనూ ఇతరుల హెల్మెట్లను ధరించకూడదు. ఎందుకంటే ఇది తలపై ఇన్ఫెక్షన్లు, చుండ్రు, జుట్టు రాలడం వంటి ప్రమాదాన్ని మరింత పెంచుతుంది.
మరిన్ని వీడియోల కోసం ఇక్కడ క్లిక్ చేయండి
Also Watch:
పుట్పాత్లపై పడుకుంటే సైకో కిల్లర్ చేతిలో ఖతమే! వెన్నులో వణుకుపుట్టించే.. మస్ట్ వాచ్ సిరీస్ ఇదే!
బాబీ డియోల్కు ముందు ఆ హీరోనే ఔరంగజేబ్.. కానీ ఏం చేస్తాం ఆ స్టార్ బ్యాడ్ లక్
పవన్ కళ్యాణ్ క్రేజ్ ను వాడేందుకు.. పెద్ద ప్లానే వేశారుగా
‘మా బావ ఎన్నో కష్టాలు పడ్డాడు..’ నమ్రత సిస్టర్ ఎమోషనల్ కామెంట్స్
లక్కీ డ్రా తీయండి.. కూరగాయలు ఉచితంగా పొందండి
రోడ్డు ప్రమాదంలో గాయపడ్డ వ్యక్తికి.. కుట్లేసిన మున్నాభాయ్
నా చీర లాగాడు !! నాసిక్ టీసీఎస్ ఉద్యోగిని ఆవేదన
లంచం తీసుకుంటూ పట్టుబడిన స్టేట్ టాపర్
సర్ప్రైజ్ గిఫ్ట్ అని పిలిచింది.. కుర్చీకి కట్టేసి మరీ.. అలా ఎలా ?
విచారణకు వచ్చి.. నగలు కొట్టేసిన పోలీసులు
పది రూపాయల స్నాక్.. పది కోట్ల వ్యూస్
