3 నిమిషాల్లోనే 15 వేల అడుగుల కింద‌కు దిగిన విమానం.. భయాందోళనలో ప్రయాణికులు.. అస‌లేం జ‌రిగిందంటే..?
మార్గ‌మ‌ధ్య‌లో 29 వేల అడుగుల ఎత్తులో ఉండ‌గా విమానంలో పీడ‌న స‌మ‌స్య త‌లెత్తింది. దీన్ని గుర్తించిన సిబ్బంది చకచక్యంగా వ్యవహరించారు. వెంట‌నే మాస్కుల ద్వారా ప్రయాణికులకు ఆక్సిజ‌న్ అంద‌జేశారు. విమానాన్ని వీలైనంత త్వ‌ర‌గా కింద‌కు దించి, త‌క్కువ ఎత్తులో న‌డ‌పాల‌ని పైల‌ట్లు నిర్ణ‌యించారు. ఈ క్ర‌మంలో విమానాన్ని కేవ‌లం 6 నిమిషాల్లోపే 18,600 అడుగుల కింద‌కు దించారు.
Updated on: Aug 14, 2023 | 10:08 PM
ఆకాశంలో ఎగురుతున్న.. విమానం మూడు నిమిషాల్లో 15 వేల అడుగుల కిందికి దిగిన షాకింగ్ ఘటన అమెరికాలో చోటుచేసుకుంది. అమెరికన్ ఎయిర్‌లైన్స్ విమానం కేవ‌లం 3 నిమిషాల వ్య‌వ‌ధిలోనే 15 వేల అడుగులు కింద‌కు దిగింది. దీంతో విమానంలోని ప్రయాణికులు తీవ్ర భ‌యాందోళ‌న‌కు గుర‌య్యారు. అమెరికన్ ఎయిర్‌లైన్స్ ఫ్లైట్ 5916 షార్లెట్, నార్త్ కరోలినా, USA నుండి ఫ్లోరిడాలోని గైనెస్‌విల్లేకు బయలుదేరింది. అంతలోనే ఎవరూ ఊహించని విధంగా ఈ భయానక సంఘటన చోటు చేసుకుంది. విమానంలో ఉన్న ప్రయాణికులకు ఏం జ‌రుగుతుందో తెలియ‌ని అయోమయంలో… ఊపిరి బిగ‌ప‌ట్టుకుని బిక్కుబిక్కు మంటూ గడిపారు. చివ‌ర‌కు విమానం సుర‌క్షితంగా ల్యాండ్ కావ‌డంతో ప్రయాణికులు, సిబ్బంది ఊపిరి పీల్చుకున్నారు. విమానం ఎత్తుకు ఎగిరిన తర్వాత విమానంలో పీడ‌నానికి సంబంధించిన స‌మ‌స్య త‌లెత్త‌డ‌మే దీనికి కార‌ణ‌మ‌ని విమాన‌యాన సంస్థ స్ప‌ష్టం చేసింది.
అమెరికన్ ఎయిర్‌లైన్స్ ఫ్లైట్ 5916 ఉత్త‌ర క‌రోలినాలోని షార్లెట్ నుంచి ఫ్లోరిడాలోని గెయిన్జ్‌ విల్‌కు టేకాఫ్ తీసుకుంది. కానీ, మార్గ‌మ‌ధ్య‌లో 29 వేల అడుగుల ఎత్తులో ఉండ‌గా విమానంలో పీడ‌న స‌మ‌స్య త‌లెత్తింది. దీన్ని గుర్తించిన సిబ్బంది చకచక్యంగా వ్యవహరించారు. వెంట‌నే మాస్కుల ద్వారా ప్రయాణికులకు ఆక్సిజ‌న్ అంద‌జేశారు. విమానాన్ని వీలైనంత త్వ‌ర‌గా కింద‌కు దించి, త‌క్కువ ఎత్తులో న‌డ‌పాల‌ని పైల‌ట్లు నిర్ణ‌యించారు. ఈ క్ర‌మంలో విమానాన్ని కేవ‌లం 6 నిమిషాల్లోపే 18,600 అడుగుల కింద‌కు దించారు.
ఈ సంద‌ర్భంగా విమానంలో ప్ర‌యాణించిన ఫ్లోరిడా యూనివ‌ర్సిటీకి చెందిన ప్రొఫెస‌ర్ హ‌రిస‌న్ హోవ్ త‌న అనుభ‌వాన్ని ట్విట్ట‌ర్ వేదిక‌గా పంచుకుకున్నారు. తాను చాలా సార్లు విమానంలో ప్ర‌యాణించానని చెప్పారు. కానీ, ఇలాంటి భయానక అనుభ‌వాన్ని ఎదుర్కొవటం ఇదే తొలిసారి అని ఆయన పేర్కొన్నారు.
I’ve flown a lot. This was scary. Kudos to our amazing flight crew- cabin staff and pilots on @AmericanAir 5916. The photos cannot capture the burning smell, loud bang or ear pops. Good to be on the ground. #AA5916 #CLT #GNV pic.twitter.com/P8pPrvOQDQ
— Harrison Hove (@HarrisonHove) August 10, 2023
విమాన ప్రయాణికులు ఏదైనా అసౌకర్యానికి గురైనట్టయితే,..మా కస్టమర్లకు మేము క్షమాపణలు కోరింది అమెరికన్ ఎయిర్‌లెన్స్‌. తమ సిబ్బంది వృత్తి నైపుణ్యానికి మా బృందానికి ధన్యవాదాలు తెలిపారు.
మరిన్ని ట్రెండింగ్ న్యూస్ కోసం క్లిక్ చేయండి..
