డోనాల్డ్ ట్రంప్ అనుకున్నట్లే జరిగింది.. ఇరాక్‌లోని అమెరికన్ స్థావరంపై దాడి..!

ఇరాన్-ఇజ్రాయెల్ ఉద్రిక్తతల మధ్య, ఇరాక్‌లోని అమెరికా వైమానిక స్థావరంపై డ్రోన్ దాడి జరిగింది. స్థానిక కథనాల ప్రకారం, ఇరాక్‌లోని అమెరికా సైనిక స్థావరం ఐన్ అల్-అసద్‌పై మూడు డ్రోన్‌లను ప్రయోగించారు. అన్ని డ్రోన్‌లను విజయవంతంగా అడ్డగించి, నిష్క్రియం చేసినట్లు అమెరికా అధికారులు ధృవీకరించారు. ఈ దాడికి ముందే, ఈ ప్రాంతంలోని ఇరాన్ సైనిక స్థావరాలను లక్ష్యంగా చేసుకుంటే, పరిణామాలు చాలా దారుణంగా ఉంటాయని ట్రంప్ హెచ్చరించారు. అయితే, ఈ డ్రోన్ ఇరాన్ నుండి వచ్చిందా లేదా ఇరాక్‌లో ఉన్న మిలీషియా గ్రూపు ఈ దాడి చేసిందా అనేది ఇంకా స్పష్టంగా తెలియలేదు.

ఇరాక్‌లోని అమెరికన్ స్థావరాలను షియా మిలీషియా గ్రూపులు లక్ష్యంగా చేసుకోవడం ఇదే మొదటిసారి కాదు. కానీ ఇజ్రాయెల్-ఇరాన్ ఉద్రిక్తతల సమయంలో ఇటువంటి దాడి ఈ ప్రాంతంలో యుద్ధం వ్యాపించే ప్రమాదాన్ని పెంచుతుంది. “ఈ రాత్రి ఇరాన్‌పై జరిగిన దాడితో అమెరికాకు ఎలాంటి సంబంధం లేదు. ఇరాన్ మనపై ఏ విధంగానైనా దాడి చేస్తే, అమెరికా ఇంతకు ముందెన్నడూ చూడని సాయుధ దళాల పూర్తి శక్తితో దాడి చేస్తుంది” అని సోషల్‌ మీడియా ట్రూత్ లో అమెరికా అధ్యక్షుడు ట్రంప్ పోస్ట్ చేశారు. ఇరాన్ పాలన అణ్వాయుధ ప్రాజెక్టుకు సంబంధించిన టెహ్రాన్‌లోని లక్ష్యాలపై వరుస దాడులను పూర్తి చేసినట్లు ఇజ్రాయెల్ రక్షణ దళాలు (IDF) ఆదివారం చెప్పినట్లు IDF ప్రకటన తర్వాత ఈ పోస్ట్ వచ్చింది.

ఇంతకుముందు, ఇరాన్ ఈ ప్రాంతంలోని అమెరికన్ స్థావరాల సహాయం తీసుకుని దాడి చేస్తే, ఇజ్రాయెల్‌తో పాటు ఆ స్థావరాలను కూడా లక్ష్యంగా చేసుకుంటామని బెదిరించింది. ఆ తర్వాత ఈ యుద్ధం మొత్తం ప్రాంతానికి వ్యాపించే అవకాశాలు పెరిగాయి. అంతకుముందు శుక్రవారం(జూన్ 13) రాత్రి ఒకరి సైనిక స్థావరాలను లక్ష్యంగా చేసుకుని క్షిపణుల దాడి జరిగింది. ఇరాన్ సుప్రీం నాయకుడు అయతుల్లా అలీ ఖమేనీ నివాసం, ఆ దేశ అధ్యక్ష కార్యాలయం సమీపంలోని టెహ్రాన్‌లోని మోనిరియేలో తీవ్రమైన వైమానిక దాడి జరిగినట్లు, రక్షణ కార్యకలాపాలు స్థానిక మీడియా ప్రచురించిన వీడియోలో కనిపించాయి.

జూన్ 12న, ఇజ్రాయెల్ ‘ఆపరేషన్ రైజింగ్ లయన్’ను ప్రారంభించి ఇరాన్‌లోని అణు, సైనిక లక్ష్యాలను ధ్వంసం చేసింది. ఈ దాడులలో అగ్రశ్రేణి సైనిక కమాండర్లు, అణు శాస్త్రవేత్తలు మరణించారు. కీలకమైన యురేనియం శుద్ధి కేంద్రానికి భారీ నష్టం వాటిల్లింది. ఇజ్రాయెల్ చర్యకు ప్రతీకారం తీర్చుకుంటానని ఖమేనీ ప్రతిజ్ఞ చేసి, మరుసటి రాత్రి టెల్ అవీవ్‌పై బాలిస్టిక్ క్షిపణులను ప్రయోగించి ‘ట్రూ ప్రామిస్ 3 ఆపరేషన్’ను ప్రారంభించారు.

మరిన్ని అంతర్జాతీయ వార్తల కోసం  ఇక్కడ క్లిక్ చేయండి..