మూడు రోజుల్లో 7 ఖండాలు చుట్టేసిన ఇద్దరు ఇండియన్స్.. గిన్నిస్ వరల్డ్ రికార్డ్‌ను బ్రేక్ చేశారు..

ఇద్దరు ఇండియన్స్ చేసిన సుదూర ప్రయాణం గిన్నిస్ వరల్డ్ రికార్డ్స్ లో స్థానం కల్పించింది. ప్రపంచ రికార్డును బద్దలు కొట్టడానికి ఇద్దరు భారతీయ వ్యక్తులు 4 రోజులల్లోనే మొత్తం ఏడు ఖండాలను సందర్శించారు. ఆ ఇద్దరు వ్యక్తుల 3 రోజుల, 1 గంట, 5 నిమిషాల 4 సెకన్లలో మొత్తం ఏడు ఖండాలను సందర్శించి గిన్నిస్ వరల్డ్ రికార్డ్‌ను బద్దలు కొట్టారు.

అలీ ఇరానీ, సుజోయ్ కుమార్ మిత్రా అంటార్కిటికా నుండి డిసెంబర్ 4 న బయలుదేరారు. డిసెంబర్ 7 న ఆస్ట్రేలియాలోని మెల్బోర్న్ చేరుకున్నప్పుడు వారి ప్రయాణాన్ని ముగించారు. 2020లో యునైటెడ్ అరబ్ ఎమిరేట్స్ మహిళ ఖవ్లా అల్ రొమైతి నెలకొల్పిన 3 రోజుల, 14 గంటల, 46 నిమిషాల 48 సెకన్ల రికార్డును ఈ ఇద్దరు వ్యక్తులు అధిగమించారు.

తమ టైటిల్ చిరస్థాయిగా ఉంటుందని తాము ఆశించడం లేదన్నారు. ఈ రోజు ఒక రికార్డును బద్దలు కొట్టడంలో విజయం సాధించవచ్చు, రేపు మా రికార్డును మరొకరు బ్రేక్ చేస్తారు..అని మిత్రా గిన్నిస్ వరల్డ్ రికార్డ్స్‌కి చెప్పారు .

మరిన్ని అంతర్జాతీయ వార్తల కోసం ఇక్కడ క్లిక్ చేయండి..