India-China: LAC వద్ద గొడవకు భారత్ కారణం.. సింగపూర్‌ వేదికగా చైనా పిచ్చికూతలు..

ఉల్టా చోర్ కొత్వాల్ కో డేట్…ఈ సామెత చైనాకు అతికినట్లుగా సరిపోతుంది. ఎందుకంటే తూర్పు లడఖ్‌కు ఆనుకుని ఉన్న ఎల్‌ఏసీపై జరుగుతున్న వివాదానికి భారత్‌ కారణమని చైనా ఆరోపించింది. చైనా సరిహద్దుల్లోకి భారత సైనికులు చొరబడడం వల్ల ఎల్‌ఏసీలో ఉద్రిక్తత మొదలైందని చైనా రక్షణ మంత్రి ఆరోపించారు. ఆదివారం సింగపూర్‌లో జరిగిన షాంగ్రీ-లా-డైలాగ్‌లో చైనా రక్షణ మంత్రి వాయ్ ఫెంగ్ ప్రసంగించారు. అదే సమయంలో ఒక ప్రశ్నకు సమాధానంగా, LACలో భారతదేశం పెద్ద సంఖ్యలో ఆయుధాలను సేకరించిందని, భారతీయ సైనికులు చైనా సరిహద్దులోకి ప్రవేశించారని ఈ కారణంగా రెండు దేశాల మధ్య ఉద్రిక్తత ప్రారంభమైందని ఆరోపించారు. అయితే, LACపై శాంతి రెండు దేశాల ప్రయోజనాలకు సంబంధించినదని ఆయన అన్నారు.

నియంత్రణ రేఖ (LAC)లో ఉద్రిక్తతకు ముగింపు పలికేందుకు ఇరు దేశాల మిలటరీ కమాండర్లు 15 రౌండ్ల సమావేశాలు నిర్వహించినట్లు చైనా రక్షణ మంత్రి తెలిపారు. శాంతిభద్రతల పరిరక్షణకు ఇరు దేశాలు ప్రయత్నిస్తున్నాయని చెప్పారు.

మే 2020లో, చైనా చొరబాటుకు ప్రయత్నించింది..

మే 2020లో తూర్పు లడఖ్‌కు ఆనుకుని ఉన్న LACలో అనేక ప్రదేశాల్లో చైనా సైన్యం చొరబాటుకు ప్రయత్నించిందని మీకు తెలియజేద్దాం. ఇది కాకుండా, చైనా పెద్ద సంఖ్యలో సైనికులను (50-60 వేలు) అలాగే ట్యాంకులు, ఫిరంగులు, క్షిపణులను LAC పై సమీకరించింది. దీని తరువాత గాల్వన్ వ్యాలీలో హింస , రెండు దేశాల మధ్య ఉద్రిక్తత ప్రారంభమైంది. కానీ రెండేళ్ల తర్వాత, 15 రౌండ్ల సమావేశాల తర్వాత, రెండు దేశాల సైన్యాలు చాలా చోట్ల వెనక్కి తగ్గాయి, అయితే సరిహద్దులో ఉద్రిక్తత అలాగే ఉంది. చైనా తన LAC ప్రాంతంలో రక్షణ మౌలిక సదుపాయాలను సైనిక విస్తరణను బలోపేతం చేయడంలో నిమగ్నమై ఉంది.