Mysterious village: ఇది అంధుల గ్రామం.. మనుషులే కాదు, పశువులు, పక్షులు కూడా చూపుకోల్పోతాయి..
ఇక్కడ నివసించే మనుషులు, జంతువులు అన్నీ అంధులే. వారికి ఏమీ కనిపించదు. ఇక్కడ ఒక బిడ్డ పుట్టినప్పుడు, అతని కళ్ళు బాగానే ఉంటాయి, కానీ క్రమంగా అతను కూడా అంధుడిగా మారతాడు. ఈ గ్రామంలో నివసించే కొందరు ప్రజలు మాత్రం తమ అంధత్వానికి శాపగ్రస్తమైన వృక్షమే కారణమని నమ్ముతారు.
Updated on: Jun 08, 2023 | 7:20 AM
ఈ ప్రపంచంలో అనేక అంతుచిక్కని రహస్యాలు ఉన్నాయి. నిగూఢమైన ఈ ప్రకృతిలో మనకు తెలియని ఎన్నో విషయాలు ఉన్నాయి. ఇంకా సమాధానం దొరకని ఇలాంటి వింత విషయాల గురించి గతంలో అనేకం వినే ఉంటారు. నమ్మడం కష్టంగా మారే అనేక ఇతర విషయాలు కూడా ఉన్నాయి. అలాంటి ఈ ప్రపంచంలో ఒక వింత గ్రామం ఉంది. ఇక్కడ పుట్టిన ప్రతి బిడ్డ అంధుడు అవుతాడు. ఈ ఊరిలో పుట్టిన మనుషులే కాదు జంతువులకు కూడా కంటి చూపు ఉండదు. ఇది వినడానికి షాకింగ్‌ విషయమే అయినప్పటికీ ఇది పరమ సత్యం. ఈ గ్రామంలో పుట్టిన ప్రతి చిన్నారి ఆ తర్వాత చూపు కోల్పోతుంది. ఈ అంశం నిజంగానే చాలా ఆశ్చర్యకరమైనది. అటువంటి మర్మమైన గ్రామం ఎక్కడుంది.. దాని వెనుక అసలు రహస్యం ఏంటీ..? ఇది ప్రపంచంలోని ఒక రహస్యమైన గ్రామం. ఇక్కడ ప్రతి జీవి కళ్లతో చూడలేని అంధులు.. అందువల్ల దీనిని అంధుల గ్రామం అని కూడా అంటారు. ఈ వింత కారణంగా ఈ గ్రామం ప్రపంచంలోనే ప్రసిద్ధి చెందింది. వినడానికి చాలా విచిత్రంగా ఉన్నా దీని వెనుక ఉన్న కథ తెలిస్తే షాక్‌ అవ్వాల్సిందే.
ఈ గ్రామం పేరు టిల్తెపాక్. ఇది మెక్సికోలో ఉంది. ఇక్కడ నివసించే మనుషులు, జంతువులు అన్నీ అంధులే. వారికి ఏమీ కనిపించదు. ఇక్కడ ఒక బిడ్డ పుట్టినప్పుడు, అతని కళ్ళు బాగానే ఉంటాయి, కానీ క్రమంగా అతను కూడా అంధుడిగా మారతాడు. ఈ గ్రామంలో నివసించే గిరిజనులు తమ అంధత్వానికి శాపగ్రస్తమైన వృక్షమే కారణమని నమ్ముతారు. లావాజులా అనే చెట్టు ఉందని, దానిని చూసిన తర్వాత మానవుల నుండి జంతువులు, పక్షుల వరకు అందరూ అంధులవుతున్నారని ఇక్కడి స్థానికులు చెబుతుంటారు. కొన్నేళ్లుగా ఈ చెట్టు ఈ గ్రామంలో ఉంది. ఈ చెట్టును చూసిన వారు అంధులవుతారని ఇక్కడి ప్రజలు చెబుతున్నమాట.
ఇదిలా ఉంటే, ఈ గ్రామం ఉన్న చోట విషపు ఈగలు కనిపిస్తాయని నిపుణులు అభిప్రాయపడుతున్నారు. ఈ ఈగలు కుట్టడం వల్ల ఆ వ్యక్తి అంధుడు అవుతాడు. దీని గురించి సమాచారం అందుకున్న మెక్సికో ప్రభుత్వం గ్రామస్థులకు సహాయం చేయడానికి ప్రయత్నించింది. కానీ ప్రభుత్వం కూడా విజయం సాధించలేదు. దాంతో ఇక్కడి ప్రజలను పునరావాసం చేయడానికి ప్రయత్నించింది. కానీ, ఈ తెగను మరో చోట సెటిల్ చేసేందుకు కూడా ప్రభుత్వం ప్రయత్నించింది. కానీ, ఇతర వాతావరణం వారి శరీరాలకు అనుకూలంగా లేదు. దాంతో ప్రభుత్వ ప్రయత్నాలన్నీ విఫలమయ్యాయి. ఇప్పుడు ఆ ప్రజలు తమను తాము రక్షించుకుంటూ అక్కడే మిగిలిపోయారు.
మరిన్ని అంతర్జాతీయ వార్తల కోసం..
