Viral Video: అరెరె.. రైల్వే స్టేషన్‌లో ప్యాసింజర్ చేసిన పనికి నవ్వులే నవ్వులు..!

థానే రైల్వే స్టేషన్‌లో ఒక వ్యక్తి చేసిన పని వైరల్‌గా మారింది. పైకి వెళ్తున్న ఎస్కలేటర్‌పై కిందికి దిగడానికి ప్రయత్నించిన ఆ వ్యక్తి, అతని ప్రయత్నం ఫలించకపోవడంతో వీడియో నెటిజన్లను బాగా నవ్విస్తోంది. ఈ వీడియో సోషల్ మీడియాలో విస్తృతంగా పంచుకుంటున్నారు.

Thane Railway Satation

SN Pasha |
Updated on: Mar 10, 2025 | 7:29 PM

కొన్ని వీడియోలు భలే ఫన్నీగా ఉంటాయి. పాపం కొంతమంది తెలియక చేస్తారో? లేక తెలిసే సరదాగా చేస్తారో తెలియదు కానీ, పబ్లిక్‌ ప్లేసుల్లో వాళ్లు చేసే కొన్ని పనులు మాత్రం కడుపుబ్బా నవ్విస్తాయి. ఇది కూడా అలాంటి వీడియోనే. తాజాగా ఓ వ్యక్తి ఎస్కలేటర్‌పై చేసిన విన్యాసం వైరల్‌గా మారింది. సాధారణంగా ఎవరైనా పైకి ఎక్కాలంటే పై వైపు వెళ్తున్న ఎస్కలేటర్‌, కిందికి వెళ్లాలంటే కింది వైపు వెళ్తున్న ఎస్కలేటర్‌ ఎక్కుతుంటాం. కానీ, ఈ వీడియోలో ఓ వ్యక్తి పై వైపు వెళ్తున్న ఎస్కలేటర్‌ ఎక్కి, కిందికి దిగేందుకు ప్రయత్నించాడు.

పాపం.. అతను ఎంత దిగుతున్నా.. ఉన్న చోటనే ఉన్నాడు. ట్రెడ్‌మిల్‌పై రన్నింగ్‌ చేస్తున్న వ్యక్తిలా, ఇతను ఎస్కలేటర్‌పై వాకింగ్‌ చేశాడు. ఈ దృశ్యాలను అక్కడున్న ఓ వ్యక్తి వీడియో తీసి సోషల్‌ మీడియాలో పోస్ట్‌ చేయడంతో అది కాస్త వైరల్‌గా మారింది. ఈ స్టంట్‌ థానే స్టేషన్‌లో చోటు చేసుకున్నట్లు వీడియోలో పేర్కొన్నారు. అయితే వీడియోకి చాలా ఫన్నీ ఫన్నీ కామెంట్స్‌ చేస్తున్నారు నెటిజన్లు. మరి ఆ వీడియోను మీరూ చూసేయండి.