Viral Video: ఇలాంటి ఆక్టోపస్‌ని మీరెప్పుడూ చూసి ఉండరు..! వైరలవుతోన్న వీడియో

మనం సాధారణంగా చాలా రకాలైన ఆక్టోపస్‌లను చూసే ఉంటాం. కానీ, ఇలాంటి ఆక్టోపస్‌‌ను మాత్రం చూసి ఉండరు. అసలు గ్లాస్ ఆక్టోపస్‌ గురించి ఎప్పుడైనా విన్నారా? వినలేదు కదూ.

Glass Octopus

TV9 Telugu Digital Desk | Edited By: Venkata Chari|
Updated on: Jul 12, 2021 | 10:35 PM

Viral Video: మనం సాధారణంగా చాలా రకాలైన ఆక్టోపస్‌లను చూసే ఉంటాం. కానీ, ఇలాంటి ఆక్టోపస్‌‌ను మాత్రం చూసి ఉండరు. అసలు గ్లాస్ ఆక్టోపస్‌ గురించి ఎప్పుడైనా విన్నారా? వినలేదు కదూ. ఇప్పుడు అలాంటి ఓ వీడియోనే మీరు చూడబోతున్నారు. అసలు గ్లాస్ ఆక్టోపస్‌ ఉంటుందని నమ్మబుద్ధి కావడంలేదా. అయితే ఈ వీడియో చూడండి మరి. దీనిలో గ్లాస్ ఆక్టోపస్‌ మొత్తం పారదర్శకంగా కనిపించింది. ఫినిక్స్‌ ఐలాండ్‌ టీం రికార్డు చేసిన ఓ వీడియోలో దీని గురించి బయటకు తెలిసింది. వీరు 20 నిమిషాల పాటు గ్లాస్ ఆక్టోపస్‌‌ను వీడియో తీశారు. ఈమేరకు స్మిత్ ఓషన్ ఇనిస్టిట్యూట్ ఈ వీడియోను ఇన్‌స్టాగ్రామ్‌లో షేర్ చేయడంతో ప్రస్తుతం ఇది వైరల్‌గా మారింది. ఈ సముద్రజీవి పెలాజిక్ జాతికి చెందినది. ప్రపంచవ్యాప్తంగా ఉన్న ఉష్ణమండలాల్లోనే ఇలాంటివి అరుదుగా కనిపిస్తుంటాయంట.

నీటిలో కదులుతున్నప్పుడు ఈ ఆక్టోపస్‌ శరీరం లోపలి భాగాలు చాలా క్లియర్‌గా కనిపించాయి. వీటిలో కనుబొమ్మలు, ఆప్టిక్‌ నరం, జీర్ణవ్యవస్థలు వెండిరంగులో మధ్యలో కనిపించాయి. దీని శరీర నిర్మాణం ఇతర జంతువలు బారిన పడకుండా ఉండేందుకు ఇలా రూపొందినట్లు శాస్త్రవేత్తలు పేర్కొంటున్నారు. ఈ వీడియోపై మీరూ ఓ లుక్ వేయండి: