ఆనందంగా పెళ్లి ఊరేగింపు..అంతలోనే ప్రమాదం వీడియో

 జిల్లాలోని శంకరపట్నం మండలం మెట్ పల్లి గ్రామానికి చెందిన నవ్య, అశోక్ ల వివాహాన్ని ఘనంగా జరిపించారు. అప్పగింతల తంతు ముగిసిన తరువాత వధూవరులను సాగనంపే కార్యక్రమంలో భాగంగా భరాత్ నిర్వహించారు. మేళతాళాల మధ్య వధూవరులు కూర్చున్న కారు ముందు బంధువులు, కుటుంబ సభ్యులు సంతోషంగా నృత్యాలు చేస్తున్నారు. ఊరేగింపు జరుగుతున్న సమయంలో కారులో డ్రైవర్ కాకుండా వేరే వ్యక్తి డ్రైవింగ్ సీట్లో కూర్చుని గేర్ వేసి ఉన్న కారును స్టార్ట్ చేశాడు. దీంతో ఒక్కసారిగా కారు అదుపు తప్పి ఊరేగింపులో పాల్గొన్న వారిమీదుగా దూసుకెళ్లింది. మార్చ్‌ 6న రాత్రి జరిగిన ఈ ఘటనలో 20 మంది గాయపడ్డారు. వారిని వెంటనే జమ్మికుంట, హుజురాబాద్ ఆసుపత్రులకు తరలించారు. వీరిలో ఉమ అనే మహిళ చికిత్స పొందుతూ మృతి చెందింది. మరో ఇద్దరి పరిస్థితి విషమంగా ఉన్నట్టు తెలుస్తోంది. ఈ ఘటనతో గ్రామంలో విషాద ఛాయలు అలముకున్నాయి. ఘటనపై శంకరపట్నం పోలీసులు కేసు దర్యాప్తు చేపట్టారు. ప్రమాదానికి కారణమైన వ్యక్తి కోసం పోలీసులు గాలిస్తున్నారు.

మరిన్ని వీడియోల కోసం :

ఒక్కసారిగా బోటులోకి వచ్చిపడ్డ పెద్ద డాల్ఫిన్‌ .. తర్వాత వీడియో

ఇదికదా తల్లి ప్రేమంటే.. పిల్లి తన బిడ్డ కోసం ఏం చేసిందంటే వీడియో

పెళ్లికి ఒక రోజు ముందు వరుడు జంప్‌.. వీడియో

యుద్ధ విమానాలు వద్దట..ట్రంప్ వెనక్కి తగ్గడం వెనుక కారణం ఏంటి?వీడియో