Watch: సముద్రంలో పడవనడుపుతున్న మహిళ.. నీళ్లలో ఏదో కదులుతూ వచ్చింది..! ఇంతలో ఆమె ఒకటే ఏడుపు..
సముద్రపు లోతుల్లో ఎన్నో రహస్యాలు దాగి ఉన్నాయి. సముద్రంలోకి వెళ్ళే ధైర్యం ఉన్నవారే సముద్రగర్భ రహస్యాలను బాగా తెలుసుకోగలరు. ఇటీవల, ఒక అమ్మాయి సముద్రంలో పెడల్‌బోర్డింగ్ చేస్తోంది. అప్పుడు ఆమె సమీపంలో నీటిలోపల ఒక కదలికను గమనించింది. ఆమె జాగ్రత్తగా చూసినప్పుడు, ఆమెను తీవ్రంగా ఏడిపించే ఒక జీవిని చూసింది. అదేంటే తెలిస్తే మీరు కూడా షాక్‌ అవుతారు..
Updated on: Aug 22, 2025 | 12:24 PM
ఫ్లోరిడా నివాసి అయిన బ్రిడ్జెట్ అనస్తాసియాకు తనకు జీవితంలో మరపురాని అనుభవం ఎదురైంది. ఒకరోజు ఆమె పాడిల్‌బోర్డింగ్‌ను ఆస్వాదిస్తున్నప్పుడు నీటిలో తేలుతున్న వింతైన వస్తువు కనిపించింది. మొదట ఆమెకు అది ఏమిటో అర్థం కాలేదు. ఆమె గట్టిగా అరుస్తూ.. అది ఏమిటి అంటూ అడిగింది. తర్వాత ఆమె ఉత్సుకతతో తెడ్డు వేస్తూ…సముద్రంలో మరింత ముందుకు సాగింది. నెమ్మదిగా ఆమె ఆ జీవిని సమీపించడం ప్రారంభించింది. దగ్గరికి వెళ్ళగానే ఆమె అకస్మాత్తుగా దీర్ఘా స్వాసతీసుకుంటూ…ఓరి దేవుడో ఇది మనాటీ! అని చెప్పింది. మనాటీ ఒక పెద్ద సముద్ర జీవి. దీనిని సముద్ర ఆవు అని కూడా పిలుస్తారు. దీనికి కారణం ఆవు భూమిపై గడ్డిని తినే విధం, ఈ మనాటీ నీటి కింద పెరిగే మొక్కలను తింటుంది.
మనాటీలను సముద్రంలో అత్యంత సున్నితమైన జీవులలో ఒకటిగా పరిగణిస్తారు. అవి మానవులను, పడవలను భయం లేకుండా సమీపిస్తాయి. వాటి శరీర నిర్మాణ శాస్త్రం, దంతాలు మొక్కలను నమలడానికి రూపొందించబడ్డాయి. కాబట్టి, అవి పూర్తిగా శాకాహారులు, ఎలాంటి హానిచేయనివి. అవి చాలా నెమ్మదిగా జీవితాన్ని గడుపుతాయి. తినడం, విశ్రాంతి తీసుకోవడం, వలస వెళ్లడం. అవి శ్వాస తీసుకోవడానికి తరచుగా ఉపరితలంపైకి రావాలి. అయితే, వాటి జాతులు అంతరించిపోతున్నాయని భావిస్తారు. ఆవాస నష్టం, పడవలు ఢీకొనడం, కాలుష్యం కారణంగా వాటి సంఖ్య తగ్గుతోంది.
View this post on Instagram
బ్రిడ్జెట్ భావోద్వేగ క్షణం:
బ్రిడ్జెట్ తన ముందు నీటిలో ఈత కొడుతున్న నిజమైన మనాటీని చూసినప్పుడు, ఆమె తన భావోద్వేగాలను నియంత్రించుకోలేకపోయింది. ఆమె వెంటనే తన కెమెరాను తీసి ఆ క్షణాన్ని రికార్డ్ చేయడం ప్రారంభించింది. మనాటీ తన ప్యాడిల్‌బోర్డ్ దగ్గరకు వచ్చి ఈత కొట్టడం ప్రారంభించింది. దాని అమాయక చర్యలను చూసి, బ్రిడ్జెట్ భావోద్వేగానికి గురై ఏడవడం ప్రారంభించింది. ఆమె చాలా భావోద్వేగానికి గురైందని, ఆమె శరీరం మొత్తం వణుకుతున్నట్లు చెప్పింది. తరువాత, ఆమె వీడియోను ఇన్‌స్టాగ్రామ్‌లో షేర్ చేసి, “ఇది నాకు చాలా ప్రత్యేకమైన అనుభవం. అని రాసింది.
మరిన్ని ట్రెండింగ్ న్యూస్ కోసం క్లిక్ చేయండి..
