Viral: ఫ్యామిలీ ఎమర్జెన్సీ సాకుతో ఆఫీస్‌కు డుమ్మా.. కట్ చేస్తే.. ఐపీఎల్ మ్యాచ్‌లో ఆమెను చూడగా.!

తనకొక ఫ్యామిలీ ఎమర్జెన్సీ ఉందని.. అర్జెంట్‌గా సెలవు కావాలంటూ బాస్‌ను అడిగిన ఓ యువతి.. చివరికి అడ్డంగా దొరికిపోయింది. ఆ తర్వాత ఏం జరిగిందో ఆమె సోషల్ మీడియా వేదికగా నెటిజన్లతో పంచుకుంటూ ఓ పోస్ట్ పెట్టగా.. అది చూసి గొల్లుమని నవ్వేశారు. ఇంతకీ అదేంటో చూసేద్దామా..

ప్రస్తుతం దేశమంతా ఐపీఎల్ ఫీవర్ కొనసాగుతోంది. క్రికెట్ ప్రేమికులందరూ మ్యాచ్ వచ్చిందంటే చాలు.. టీవీలకు అతుక్కుపోతున్నారు. ఇంకొందరైతే తమ ఫేవరెట్ టీంను ఎంకరేజ్ చేసేందుకు స్టేడియాలకు కూడా వెళ్తున్నారు. సరిగ్గా ఇలాగే రాయల్ ఛాలెంజర్స్ బెంగళూరు ఫ్యాన్ అయిన ఓ యువతి.. స్టేడియంలో తన ఫేవరెట్ టీం ఆడే మ్యాచ్ చూసేందుకు స్టేడియానికి వెళ్లింది. అందుకోసం ఫ్యామిలీ ఎమర్జెన్సీ అంటూ బాస్‌ను సెలవు ఇమ్మని అడిగింది. స్టేడియంకు చేరుకొని మ్యాచ్‌ను ఆసాంతం ఎంజాయ్ చేసింది. అయితే ఇక్కడే ఓ ట్విస్ట్ చోటు చేసుకుంది.

స్టేడియంలోని ఓ కెమెరా ఆమెపై ఫోకస్ పెట్టింది. ఆమె కనిపించింది టీవీలో కొన్ని క్షణాలే అయినా.. బాస్ యువతి విజువల్స్ చూడగానే.. ఆమెను గుర్తుపట్టేశాడు. దీంతో సదరు యువతి లీవ్ ఎందుకు తీసుకుందో ఇట్టే అర్ధం చేసుకున్నాడు బాస్. ఇలా చూశాడో.. లేదో.. అలా ఆ యువతి మొబైల్‌కి మెసేజ్‌లతో హోరెత్తించాడు. ‘నువ్వు ఆర్సీబీ ఫ్యాన్ ఆ’ అంటూ మెసేజ్ బాస్ నుంచి రావడాన్ని చూసి సదరు యువతి షాక్ అయ్యింది. నిన్న 16.3 ఓవర్లో నువ్వు టీవీలో కనిపించావు. సో సెలవు పెట్టింది ఇందుకేనా.. అంటూ ఓ స్మైలీ ఎమోజీ పెట్టాడు. బాస్‌కి తన గురించి తెలిసి కూడా.. ఈ విషయాన్ని లైట్ తీసుకోవడాన్ని అర్ధం చేసుకుని.. ఊపిరి పీల్చుకుంది యువతి. ఇక ఈ ఉదంతాన్ని ఇంటర్నెట్‌లో నెటిజన్లతో పంచుకుంది సదరు యువతి. దీంతో ఆమె పోస్ట్‌పై నెటిజన్లు కామెంట్స్‌తో హోరెత్తించారు.

View this post on Instagram

A post shared by Neha Dwivedi (@mishraji_ki_bitiya)