Viral Video: వినాయక విగ్రహాన్ని తయారు చేస్తుండగా.. వినిపించిన వింత శబ్దాలు.. సీన్ కట్ చేస్తే!

మరికొన్ని గంటల్లో వినాయక చవితి వేడుకలు మొదలు కానున్నాయి. ఈ క్రమంలోనే ప్రతీ చోటా గణేషుడ్ని ప్రతిష్టించి పూజలు చేసేందుకు ప్రజలందరూ సన్నద్ధం అవుతున్నారు. నవరాత్రులు సందర్భంగా ఓ ప్రాంతంలో వినాయకుడి మట్టి విగ్రహాన్ని తయారు చేస్తుండగా.. అరుదైన సంఘటన ఒకటి చోటు చేసుకుంది. అక్కడున్న కొందరు వ్యక్తులు విగ్రహం కింద నుంచి వింత శబ్దాలు రావడాన్ని గుర్తించారు. ఏమై ఉంటుందా అని చూడగా.. వారంతా ఒక్కసారిగా ఖంగుతిన్నారు. ఇంతకీ ఆ కథేంటంటే..

వివరాల్లోకి వెళ్తే.. ఒడిశాలోని ఓ గ్రామంలో కొందరు వ్యక్తులు గణేషుడి విగ్రహాన్ని తయారు చేస్తుండగా.. వారికి వింత శబ్దాలు వినిపించాయి. అవేంటని చూడగా.. విగ్రహం కింద రెండు భారీ సైజ్ పాములు నక్కి ఉండటాన్ని గమనించారు. అందులో ఓ పాము బుసలు కొడుతూ.. కాటేయడానికి మీద మీదకు వస్తుండగా.. మరొకటి కూడా దడ పుట్టేంచేలా చుట్టూ ఉన్నవారిని భయపెట్టింది. వెంటనే స్థానికలు సమాచారాన్ని స్నేక్ క్యాచర్‌కు అందించడంతో.. అతడు స్పాట్‌కు చేరుకున్నాడు. ఆ రెండు పాములను తగ్గేదేలే అన్నట్లుగా.. చాకచక్యంగా పట్టుకుని బంధించాడు. అనంతరం తీసుకెళ్లి అటవీ ప్రాంతంలో విడిచిపెట్టాడు.

కాగా, ఈ వీడియోను స్నేక్ క్యాచర్ మురళీవలే హౌస్లా తన యూట్యూబ్ ఛానెల్‌లో అప్‌లోడ్ చేయగా.. ఇప్పటిదాకా దీనికి 26 లక్షలకు పైగా వ్యూస్, 62 వేల లైకులు వచ్చాయి. దీనిపై నెటిజన్లు వరుసపెట్టి కామెంట్స్‌తో హోరెత్తిస్తున్నారు.