Viral Video: టైం బ్యాడ్ అయితే ఇంతే.. పురుగును వేటాడబోయి అరటి చెట్టులో ఇరుక్కుపోయిన పిట్ట.. చివరకు..

ఈ భూమిపై జీవించే ప్రతి జీవి పరాన్న జీవే. ఆహారం కోసం ఇతర జీవులపై ఆధార పడాల్సిందే. మనుషులు మొక్కలు, చిన్న జంతువులను తింటే.. జంతులు మొక్కలు, ఇతర చిన్న జంతువులను తిని బతుకుతాయి. ఇది ఒక జీవన చక్రం. మనందరికీ తెలిసిందే ఈ ముచ్చట.

Bird

Shiva Prajapati |

Updated on: Apr 02, 2023 | 5:30 PM

ఈ భూమిపై జీవించే ప్రతి జీవి పరాన్న జీవే. ఆహారం కోసం ఇతర జీవులపై ఆధార పడాల్సిందే. మనుషులు మొక్కలు, చిన్న జంతువులను తింటే.. జంతులు మొక్కలు, ఇతర చిన్న జంతువులను తిని బతుకుతాయి. ఇది ఒక జీవన చక్రం. మనందరికీ తెలిసిందే ఈ ముచ్చట. అయితే, ఇప్పుడిదంతా ఎందుకు చెప్పాల్సి వస్తుందంటే.. ఓ పక్షికి సంబంధించిన ఇంట్రస్టింగ్ వీడియో వైరల్ అవుతోంది. అందుకు కారణం ఈ పరాన్న తత్వమే.

అవును, ఓ పక్షి ఆకలితో ఓ కీటకాన్ని తినేందుకు ప్రయత్నించింది. ఓ చెట్టుపై కీటక ఉండగా.. దాన్ని లటుక్కున మింగేద్దామని పెద్దగా, మొనతేలినట్లుగా ముక్కు ఉన్న పక్షి గట్టి ప్రయత్నమే చేసింది. అయితే, ఆ ప్రయత్నం విఫలయత్నం అయ్యింది. కీటకం తప్పించుకుంది. దాని ముక్కు షార్ప్‌గా ఉండటంతో.. అది మొక్కలోకి కూరుకుపోయింది. ఎంత ప్రయత్నించినా ఆ ముక్కు బయటకు రాకపోవడంతో గిలగిలా గింజుకుంది. ఇంతలో ఓ వ్యక్తి దాని అవస్థను గమనించాడు. అయితే, తన ప్రాణాలకు ప్రమాదం పొంచి ఉందని భావించిన పిట్ట.. జీవం లేనట్లుగా నటించింది. అతను పట్టుకుని అటూ ఇటూ తిప్పినా.. ఒక రబ్బర్ మాదిరిగా, ప్రాణం పోయినట్లుగా నటించింది. కాసేపటికి ఆ వ్యక్తి చెట్టులో ఇరుక్కుపోయిన ముక్కును బయటకు తీసి పిట్టను తన చేతిలో పెట్టుకోగా.. అలర్ట్ అయిన ఆ పక్షి తుర్రున ఎగిరిపోయింది.

ఇవి కూడా చదవండి

ఇందుకు సంబంధించిన వీడియోను సోషల్ మీడియాలో పోస్ట్ చేయగా అదికాస్తా వైరల్ అయ్యింది. పిట్ట కొంచెం కూత ఘనం అన్నట్లుగా.. దాని తెలివి కూడా ఘనమే అంటూ కామెంట్స్ చేస్తున్నారు నెటిజన్లు.

వైరల్ అవుతున్న ఈ వీడియోను కింద చూడొచ్చు..