Viral Video: అడవిలో ఎలుగుబంటికి పులి తారసపడితే ఎట్లుంటదో తెలుసా? ఇక్కడ ఏం జరిగిందో మీరు ఊహించలేరు..
Viral Video: పెంపుడు జంతువులు, అడవి జంతువులకు సంబంధించిన వీడియోలు ఈ మధ్య నెట్టింట తెగ వైరల్ అవుతున్నాయి. తాజాగా అలాంటి వీడియో ఒకటి నెట్టింట హల్ చల్ చేస్తోంది.
Viral Video: పెంపుడు జంతువులు, అడవి జంతువులకు సంబంధించిన వీడియోలు ఈ మధ్య నెట్టింట తెగ వైరల్ అవుతున్నాయి. తాజాగా అలాంటి వీడియో ఒకటి నెట్టింట హల్ చల్ చేస్తోంది. ఈ వైరల్ వీడియోకి సంబంధించిన వివరాల్లోకి వెళ్తే.. అడవిలో పులి నడుచుకుంటూ వెళ్తుంటుంది. ఇంతలో దాని వెనుకవైపు నుంచి ఎలుగుబంటి సీన్‌లోకి ఎంట్రీ ఇస్తుంది. రెండూ దగ్గరగా వెళ్తాయి.. ఇక బలమైన ఆ రెండు అటవి జంతువులు హోరాహోరీగా తలపడుతాయని ఎవరైనా ఊహించుకుంటారు. అయితే అక్కడ ఏం జరిగిందో చూసి నెటిజన్లు ఆశ్చర్యపోతున్నారు. పులిని చూసి ఎలుగుబంటి రెండుకాళ్లపై లేచి నిలబడుతుంది. ఆ భారీ ఎలుగుబంటిని ఢీకొనే బలం తనకు లేదన్నట్లు పులి.. దాని ఎదుట మోకరిల్లుతుంది. బాక్సింగ్ రింగ్‌లో ఫోజు ఇచ్చినట్లుగా.. ఎలుగుబంటి రెండుసార్లు అలా రెండు కాళ్లపై లేచి నిలబడుతుంది. ఇంతలో ఆ ప్రాంతంలో జనసంచారాన్ని చూసిన ఎలుగుబంటి భయంతో గుబురు పొదళ్లలోకి పరుగులు తీస్తుంది. అయితే పులి మాత్రం.. మనుషులంటే తనకు లెక్కలేదన్నట్లు అక్కడే కూర్చుని గాంభీర్యాన్ని ప్రదర్శిస్తుంది.
ఈ వీడియోను ఐఎఫ్ఎస్ ఆఫీసర్ సందీప్ త్రిపాఠి తన ట్విట్టర్ అకౌంట్‌లో షేర్ చేశారు. అయితే ఈ వీడియో ఎక్కడ రికార్డు చేశారన్న వివరాలు వెల్లడించలేదు. ఈ వీడియోపై నెటిజన్లు తమదైన రీతిలో ఆసక్తికర కామెంట్స్ చేస్తున్నారు. పులి, ఎలుగుబంటి ఎదో చర్చలు జరుపుతున్నట్లు ఉందని ఓ నెటిజన్ కామెంట్ చేశాడు.
Close encounter!!! A close shave… For whom…even the tiger seems confused!!!! pic.twitter.com/HD268nTKbQ
— Sandeep Tripathi, IFS (@sandeepifs) October 14, 2021
మరో నెటిజన్.. ప్రకృతి సహజ సూత్రం ఉల్లంఘన జరిగిందంటూ కామెంట్ చేశాడు. పులిని చూసి ఏ మాత్రం భయపడని ఎలుగుబంటి.. మనుషులను చూసి పారిపోవడం విడ్డూరంగా ఉందని పేర్కొన్నాడు. పరస్పరం తలపడే శక్తిసామర్థ్యాలూ రెంటికీ ఉన్నా.. పరస్పర గౌరవంతో కలిసి జీవించడం అవి అలవాటు చేసుకున్నట్లు ఉందని మరో నెటిజన్ అభిప్రాయపడ్డాడు.
Also Read..
Viral Video: వినాయకుడే పుట్టాడంటూ..! ఊరిజనం పూజలు.. వీడియో
Viral Video: ఈ చిలుక చూడండి.. అప్పడే పుట్టిన తన పిల్లల్ని ఎలా పలకరిస్తుందో..! వీడియో
