Viral Video: నాన్నకు కూతురు మరో అమ్మే.. మనసుని కదిలించే తండ్రిపై చిన్నారి ప్రేమ.. వీడియో వైరల్

ముంబైలోని లోకల్ ట్రైన్‌లో చిత్రీకరించబడిన ఒక వీడియో తండ్రి ,అతని కుమార్తె మధ్య పంచుకున్న విలువైన క్షణాలను కనుల ముందుకు తీసుకొచ్చింది. ఈ వీడియో చూపరుల మనసుకు ప్రశాంతత ఇస్తుంది.

Daughter Love

Surya Kala |
Updated on: Jul 26, 2022 | 1:08 PM

Viral Video: తండ్రి కూతురు ప్రేమ గురించి ఎంత చెప్పినా తక్కువే.. నాన్నకు తన కూతురు మరో అమ్మ.. ఆ కూతురికి నాన్న అంటే ఆకాశమంత ప్రేమ. ఇంటిలో కూతురు మహారాణి.. లక్ష్మీదేవి తన ఇంట్లో నడయాడుతుందని నాన్న తన కూతురిని ఎంతో గారంగా పెంచుకుంటాడు. తండ్రి కూతురి బంధాన్ని మరోసారి వెల్లడిస్తోంది ఓ వీడియో.. ప్రస్తుతం సోషల్ మీడియా(Social Media)లో వైరల్ అవుతున్న ఈ వీడియో చూసిన ఏవైనా ఆ కూతురికి తండ్రి మీద ఉన్న ప్రేమ మనసుని తాకుతుంది. మీరు కూడా కూతురి ప్రేమకు ఫిదా అవుతారు. అవును ప్రస్తుతం నెట్టింట్లో ముంబైలోని లోకల్ ట్రైన్‌లో తండ్రీకూతుళ్లకు సంబంధించిన వీడియో వైరల్‌గా మారింది. ఈ వీడియో ఓ రేంజ్ లో చక్కర్లు కొడుతోంది.

ఒక తండ్రి .. అతని కుమార్తె మధ్య బంధం వివరించలేని అందమైన బంధం. కూతురు ఎంత పెద్దదయినా.. నాన్నకి ఎప్పుడూ చిన్నపిల్లనే. ముంబైలోని లోకల్ ట్రైన్‌లో చిత్రీకరించబడిన ఒక వీడియో తండ్రి ,అతని కుమార్తె మధ్య పంచుకున్న విలువైన క్షణాలను కనుల ముందుకు తీసుకొచ్చింది. ఈ వీడియో చూపరుల మనసుకు ప్రశాంతత ఇస్తుంది. ఈ క్లిప్ 59 వేల లైక్స్ ను సొంతం చేసుకుంది. ఈ వీడియో “ఇది నా హృదయాన్ని తాకింది” .. చివరికి కౌగిలింత నన్ను కరిగించింది” అని రకరకాల కామెంట్స్ చేస్తున్నారు. మరొకరు.. నేను మా నాన్న కౌగిలింతలను కోల్పోయాను అంటూ తన తండ్రిని గుర్తుకు తెచ్చుకున్నారు ఒకరు..

ఇవి కూడా చదవండి

ఈ వీడియో పై మీరు కూడా ఓ లుక్ వేయండి..

View this post on Instagram

A post shared by Sakshi Mehrotra (@sankisakshi)

సాక్షి మెహ్రోత్రా ఇన్‌స్టాగ్రామ్‌లో షేర్ చేసిన వీడియోలో లోకల్ రైలులో ఒక చిన్న అమ్మాయి తన తండ్రికి కొన్ని పండ్లు తినిపిస్తున్నట్లు కనిపిస్తోంది. వీరిద్దరి మధురమైన అనుబంధం హృదయాలను కదిలిస్తోంది. చిన్నారి ఒక పండును తండ్రికి కొసరి కొసరి తినిపిస్తోంది. తన కూతురు ప్రేమకు ఆ తండ్రి మనసుని తాకినట్లు ఉంది.. కూతురు తలని ప్రేమతో నిమురుతున్నాడు. ఈ వీడియో “ఇలాంటి క్షణాల కోసం జీవించాలనుకుంటున్నారా!” అనే క్యాప్షన్ తో షేర్ చేశారు.