Viral Video: డిస్నీ వరల్డ్‌లో 2 కుటుంబాల మధ్య భారీ ఘర్షణ.. నెట్టింట్లో షాకింగ్ వీడియో వైరల్
ఇరుకుటుంబాల గొడవ గందరగోళం ఉందని వీడియో చూస్తుంటే తెలుస్తోంది. పిల్లలు ఏడుస్తున్నారు. పెద్దలు అరుస్తూ.. ఒకరితో ఒకరు గొడవపడుతున్నారు.
Updated on: Jul 23, 2022 | 1:45 PM
Viral Video: కొంతమంది ఇరుగుపొరుగువారు సొంత కుటుంబ సభ్యుల్లా కలిసి మెలసి ఉంటే.. మరికొందరు.. చిన్న చిన్న విషయాలకు కూడా ఓ రేంజ్ లో కొట్టుకుంటారు. తాజాగా ఓ రెండు కుటుంబ మధ్య జరిగిన ఘర్షణ వీడియో సోషల్ మీడియాలో వైరల్ అయింది. ఈ ఘటన అమెరికా ఫ్లోరిడాలో చోటు చేసుకున్నట్లు తెలుస్తోంది. ఓర్లాండోలోని డిస్నీ వరల్డ్‌లో రెండు కుటుంబాల మధ్య భారీ ఘర్షణ జరిగింది. ఈ షాకింగ్ ఫైట్‌ను వీక్షకులు కెమెరాలో బంధించగా సోషల్ మీడియాలో వైరల్‌గా మారింది. టిక్‌టాక్ నుండి వీడియో డిలీట్ చేశారు.. అయినప్పటికీ సోషల్ మీడియా ప్లాట్ ఫామ్స్ అయిన ట్విట్టర్ , ఫేస్‌బుక్‌లో మాత్రం తెగ చక్కర్లు కొడుతోంది.
ఈ వీడియోలో ఓ పది మంది వ్యక్తులు ఒకరిపై ఒకరు అరుస్తూ తిట్టుకుంటూ భౌతికంగా దాడులు చేసుకున్నారు. మొత్తానికి ఇరుకుటుంబాల గొడవ గందరగోళం ఉందని వీడియో చూస్తుంటే తెలుస్తోంది. పిల్లలు ఏడుస్తున్నారు. పెద్దలు అరుస్తూ.. ఒకరితో ఒకరు గొడవపడుతున్నారు. ఒకరు చెప్పులు లేకుండా నడుచుకుంటూ వెళుతుండగా, మరో వ్యక్తి టీ-షర్టు పూర్తిగా చిరిగిపోయింది.
రెండు కుటుంబాల సభ్యులు గుంపులుగా ఏర్పడి.. ఓ రేంజ్ లో కొట్టుకున్నారు. ఈ వివాదంలో గాయపడిన ఓ వ్యక్తిని ఆస్పత్రికి తరలించినట్లు తెలుస్తోంది.
Massive brawl at Disney world In Orlando Florida ? pic.twitter.com/vgKIRE0csq
— Shannon sharpes burner (@shannonsharpeee) July 21, 2022
నివేదికల ప్రకారం.. ఓర్లాండోలోని మ్యాజిక్ కింగ్డమ్ థీమ్ పార్క్ వద్ద గొడవ ప్రారంభమైంది. మిక్కీస్ ఫిల్‌హార్ మ్యాజిక్ థియేటర్‌లో ప్రదర్శన కోసం రెండు కుటుంబాలు క్యూలో నిలబడి ఉన్నాయి. ఒక కుటుంబ సభ్యుడు ఫోన్ మాట్లాడడానికి క్యూ విడిచి పెట్టి వెళ్ళాడు.. మళ్ళీ కొంచెం సేపటి తర్వాత తిరిగి లైన్ లో నిల్చుకోవడానికి ప్రయత్నీమ్చినా సమయంలో మరొక కుటుంబం ఆమెను క్యూలోకి రాకుండా అడ్డుకున్నారు. దీంతో రెండు కుటుంబాలు థియేటర్ ఎగ్జిట్ ప్రాంతంలో ఒకరికొకరు ఎదురుపడ్డారు. అమ్మాయి కుటుంబ సభ్యుడు మరో కుటుంబ సభ్యులతో వాగ్వాదానికి దిగాడు. తన చెల్లిని క్యూలోకి రానివ్వకుండా నెట్టడం సరికాదంటూ వ్యాఖ్యానించాడు. అలా మొదలైన గొడవ.. చివరికి ఒకరినొకరు దూషించుకోవడం.. కొట్టుకుని బట్టలు చింపుకోవడం వరకూ చేరుకుంది. ప్రస్తుతం ఈ వీడియో నెట్టింట్లో ఓ రేంజ్లో చక్కర్లు కొడుతోంది.
మరిన్ని ట్రెండింగ్ వార్తలను చదవడానికి క్లిక్ చేయండి
