Viral Video: తల్లి చిన్ననాటి కలను నెరవేర్చిన కొడుకు.. ఇది కదా నిజమైన భావోద్వేగభరిత క్షణం!

హృదయాన్ని హత్తుకునే వీడియోలు తరచుగా సోషల్ మీడియాలో వైరల్ అవుతుంటాయి. చూసేవారు తరచుగా భావోద్వేగానికి గురవుతారు. అలాంటి ఒక భావోద్వేగభరితమైన వీడియో ప్రస్తుతం నెట్టింట వేగంగా వైరల్ అవుతోంది. ఇందులో ఒక కొడుకు తన తల్లి చిరకాల స్వప్నాన్ని నెరవేర్చాడు. ఆ వీడియోలో, కొడుకు తన తల్లికి ఆమెకు ఇష్టమైన క్రికెటర్‌ను పరిచయం చేసి, అశ్చర్చపరిచాడు. తనకు ఇష్టమైన క్రికెటర్‌ను కలిసిన ఆ తల్లి ఎంతగానో భావోద్వేగానికి గురై, ఆనంద భాష్పాలు రాలుస్తుంది. ఈ వీడియో ప్రస్తుతం సోషల్ మీడియాలో నెట్టిజన్లను సైతం భావోద్వేగానికి గురిచేస్తోంది.

ఈ వైరల్ వీడియో ఇన్‌స్టాగ్రామ్‌లో షేర్ చేయడం జరిగింది. ఈ వైరల్ వీడియోలో, ఒక అబ్బాయి తన తల్లికి సర్ప్రైజ్ ఇవ్వడానికి ఆమెను జిమ్‌కు తీసుకువెళ్లాడు. అక్కడ తన కోసం ఒక ప్రత్యేకమైన వ్యక్తి ఎదురుచూస్తున్నాడని ఆ తల్లికి తెలియదు. వారు జిమ్‌లోకి ప్రవేశించిన వెంటనే, అకస్మాత్తుగా ఆమె చిన్ననాటి అభిమాన క్రికెటర్ జోంటీ రోడ్స్ వారి ముందు ప్రత్యక్షమయ్యాడు. అతన్ని చూసి ఆ మహిళ ఒక్క క్షణం ఉపిరి ఆగినత పనైంది. అప్పుడు ఆమె ఆనందానికి హద్దులు లేకుండాపోయాయి. ఆమె వెంటనే తన కొడుకు వైపు తిరిగి ‘నా హీరో’ అని చెబుతూ భావోద్వేగానికి లోనైంది. ఈ వీడియోలో జోంటీ రోడ్స్ ఆ మహిళను హత్తుకోవడం ఆమె ఆనందానికి అవధుల లేకుండాపోయాయి.

ఈ సంభాషణ సమయంలో, ఆ మహిళ కళ్లలో కన్నీళ్లు స్పష్టంగా కనిపించాయి. తాను 15 ఏళ్ల వయస్సు నుంచే అతనికి అభిమానినని ఆమె వివరించింది. ఇన్ని సంవత్సరాల తర్వాత తన హీరోని కలవడం ఆమెకు ఒక కల నిజమైనట్లుగా ఉందని తెలిపింది. ఈ ప్రత్యేక సందర్భంలో, జోంటీ రోడ్స్ తన జెర్సీపై ఆటోగ్రాఫ్ కూడా ఇచ్చారు. దానిని ఆమె ఒక జ్ఞాపికగా తనతో పాటు ఉంచుకుంది. ఈ వీడియోను షేర్ చేసిన కొడుకు, ఇది తన తల్లి కోరికల జాబితాలో ఒక భాగమని వివరించాడు. అతను ఈ ఆశ్చర్యకరమైన విషయాన్ని పూర్తిగా రహస్యంగా ఉంచి, చివరి క్షణం వరకు ఆమెకు చెప్పలేదు. ఈ ఆశ్చర్యకరమైన విషయం ఆమెకు తెలిసిన వెంటనే, ఆమె తల్లి ఆనందం స్పష్టంగా కనిపించింది.

ఈ వీడియో వైరల్ అయిన వెంటనే, సోషల్ మీడియాలో భావోద్వేగభరితమైన స్పందనలు వెల్లువెత్తాయి. “ఇది చాలా అందమైన క్షణం” అని ఒక వినియోగదారుడు వ్యాఖ్యానించాడు. మరొకరు, “ప్రతి ఒక్కరూ తమ తల్లి కలలను నెరవేర్చలేరు. మీరు నిజంగా గెలిచారు” అని వ్యాఖ్యానించారు. ఇంకొక వినియోగదారుడు, “మీరందరూ ఇదంతా ఎలా నిర్వహించారు? ఇది ఒక అద్భుతమైన ఆశ్చర్యకర క్షణం” అని వ్యాఖ్యానించారు.

ఈ వీడియోను ఇక్కడ చూడండి..:

View this post on Instagram

A post shared by Harshit Chajjed (@harshitchajjed)

మరిన్ని ట్రెండింగ్ వార్తల కోసం ఇక్కడ క్లిక్ చేయండి..