Viral Video: వీరిని తిట్టడానికి పదాలు కూడా చాలవు.. పిల్లలు తినే వాటిపై కాలు వేసి ఎలా తొక్కుతున్నారో చూడండి.!

Viral Video: ఈ సమాజం రకరకాల వ్యక్తులు, వ్యక్తిత్వాలు కలిగిన వారి సమాహం. సమాజంలో మంచి వారు ఉన్నట్లే కొందరు చెడ్డవారు కూడా ఉంటారు. అయితే ఈ చెడు కొన్నిసార్లు హద్దులు దాటుతుంటుంది. ఎందుకు చేస్తున్నామో.? ఎవరిని ఇబ్బంది పెట్టడానికి చేస్తున్నామో కూడా తెలియకుండా కొందరు పైశాచిక ఆనందాన్ని పొందుతుంటారు. తాజాగా నెట్టింట వైరల్‌ అవుతోన్న ఓ వీడియోను చూస్తే మీరూ ఇదే మాట అంటారు. వీడియోలో ఉన్న కొందరు వ్యక్తుల అహంకారాన్ని తిట్టడానికి పదాలు కూడా సరిపోవనిపించడంలో ఎలాంటి అతిశయోక్తిలేదు. ఇంతకీ వారు చేసిన అంత పెద్ద తప్పు పని ఏంటనేగా.?

వివరాల్లోకి వెళితే.. ఓ బ్రెడ్‌ ఫ్యాక్టరీలో కొందరు వర్కర్లు టోస్ట్‌లను తయారు చేస్తున్నారు. మనలో చాలా మంది ఉదయం అయ్యిందంటే చాలు టీలో టోస్టులు వేసుకుని తినే అలవాటు ఉంటుంది. ముఖ్యంగా చిన్నారులు ఎంతో ఇష్టంగా వీటిని తింటుంటారు. ఇలాంటి ఆహార పదార్ధంపై ఇద్దరు నీచులు ఇష్టం వచ్చినట్లు కాళ్లతో తొక్కారు. తోసులను ప్యాకింగ్ చేసే సమయంలో కాళ్లతో తొక్కుతూ శునకానందం పొందారు. అంతటితో ఆగని దుర్మార్గులు ప్యాక్ చేసే ముందు తోసులను నాలికతో నాకుతూ, వాటిపై ఊంచారు. దీనిని అక్కడే ఉన్న కొందరు వీడియో తీసి సోషల్‌ మీడియాలో పోస్ట్‌ చేశారు.

దీంతో ఈ వీడియో ప్రస్తుతం నెట్టింట వైరల్‌గా మారింది. ఈ వీడియో చూసిన కొందరు నెటిజన్లు తిట్టని తిట్టు తిట్టకుండా తిడుతున్నారు. ఇక మరికొందరైతే వారిని వెంటనే అరెస్ట్ చేయాలని డిమాండ్‌ చేస్తున్నారు. మరి ఆ దుర్మార్గుల వికృత పనిపై మీరూ ఓ లుక్కేయండి..

View this post on Instagram

A post shared by GiDDa CoMpAnY -mEmE pAgE- (@giedde)

Also Read: Instagram: మరో అద్భుత ఫీచర్‌ను తీసుకొస్తున్న ఇన్‌స్టాగ్రామ్‌.. ఇకపై మీరు చూసే ఫీడ్‌ను మీరే కంట్రోల్‌ చేసుకోవచ్చు. 

Donations(Dana): దాన గుణంలో అభినవ కర్ణులే.. ధాతృత్వంలో ప్రపంచంలో మేటి ఏ దేశస్థులంటే?

AP Crime News: పశ్చిమగోదావరి జిల్లాలో ఓ వ్యక్తి దారుణ హత్య..వివాహేతర సంబంధమే కారణమని అనుమానిస్తున్న పోలీసులు