Bleeding Tree: భూమిపై ఇలాంటి చెట్లు కూడా ఉన్నాయా.. చెట్టుని నరికితే రక్తం.. షాకింగ్ వీడియో వైరల్
శరీరంలో ఎక్కడైనా కోత పడినా, గాయపడినా రక్తం రావడం మానవులకు ఎలా జరుగుతుందో.. అదే విధంగా జంతువులకు కూడా జరుగుతుంది. అయితే చెట్టును నరికితే మనుషుల మాదిరిగా ఎర్రగా రక్తస్రావం అవుతుందని ఎప్పుడైనా ఊహించారా..! చెట్ల నుంచి రక్తం రావడం ప్రారంభిస్తే ఒక్కసారి ఊహించండి.. ప్రస్తుతం అలాంటి వీడియో ఒకటి సోషల్ మీడియాలో వైరల్ అవుతోంది. అందులో అలాంటి దృశ్యం కనిపిస్తుంది.
Updated on: Apr 08, 2024 | 11:19 AM
మానవ శరీరంలో రక్తం ఎంత ముఖ్యమైనదో ప్రతి ఒక్కరికీ తెలుసు. రక్తం లేకుండా మానవుడు జీవించలేడు. మనుషులే కాదు వివిధ రకాల జంతువుల విషయంలో కూడా ఇదే జరుగుతుంది. పక్షులు, జంతువుల శరీరంలో రక్తం కూడా ఉంటుంది. శరీరంలో ఎక్కడైనా కోత పడినా, గాయపడినా రక్తం రావడం మానవులకు ఎలా జరుగుతుందో.. అదే విధంగా జంతువులకు కూడా జరుగుతుంది. అయితే చెట్టును నరికితే మనుషుల మాదిరిగా ఎర్రగా రక్తస్రావం అవుతుందని ఎప్పుడైనా ఊహించారా..! చెట్ల నుంచి రక్తం రావడం ప్రారంభిస్తే ఒక్కసారి ఊహించండి.. ప్రస్తుతం అలాంటి వీడియో ఒకటి సోషల్ మీడియాలో వైరల్ అవుతోంది. అందులో అలాంటి దృశ్యం కనిపిస్తుంది.
నిజానికి చెట్టును నరికిన వెంటనే అది మానవుల్లా రక్తం స్రవించడం ప్రారంభిస్తుంది. ఒక వ్యక్తి చెట్టును పెద్ద కత్తితో నరికితే ఎర్రటి రక్తం రావడాన్ని మీరు వీడియోలో చూడవచ్చు. అదేవిధంగా అతను మరొక ప్రదేశంలో కత్తితో గాటు పెట్టగా అక్కడ నుంచి కూడా రక్తం రావడం కనిపిస్తుంది. ఇది ఏ చెట్టు అని ఇప్పుడు చూసి అని ఆశ్చర్యపోతున్నారు. ఈ చెట్టు లోపల మనుషుల మాదిరిగా రక్తం నిండి ఉందని అంటున్నారు.
వీడియో చూడండి
Some trees have high tannin content which can taste unappetising to herbivorous, the tannins affect the colour of its sap, making it red pic.twitter.com/fAOyiQblPX
— Science girl (@gunsnrosesgirl3) April 6, 2024
నిజానికి ఇది ‘బ్లడ్ వుడ్ ట్రీ’. బ్లడ్వుడ్ చెట్లలో కనిపించే ఎర్రటి ద్రవం.. వాస్తవానికి ఇది రక్తంలా కనిపించే ముదురు ఎరుపు రసం. దీనిని శాస్త్రీయంగా ‘కినో’ అని పిలుస్తారు. ఈ రసంలో టానిన్ అనే సమ్మేళనం పుష్కలంగా ఉంటుంది. దీంతో ఇది రక్తం లాంటి రంగును ఇస్తుంది.
ఈ షాకింగ్ వీడియో @gunsnrosesgirl3 అనే IDతో సోషల్ మీడియా ప్లాట్ఫారమ్ ట్విట్టర్లో షేర్ చేశారు. కేవలం 17 సెకన్ల ఈ వీడియోను ఇప్పటివరకు 8 మిలియన్లకు పైగా వీక్షించగా, 17 వేల మందికి పైగా వీడియోను లైక్ చేసారు. వివిధ రకాల రియాక్షన్లు ఇచ్చారు. ఒకరు ‘చెట్టును నరికి రక్తం వస్తున్నట్లు అరుస్తున్నాడు’ అని రాశాడు. మరొక వినియోగదారు ‘చెట్టు నుండి రక్తం వస్తోంది.. అంటే అది సజీవంగా ఉంది’ అని కామెంట్ చేశాడు.
మరిన్ని ట్రెండింగ్ వీడియో వార్తల కోసం ఇక్కడ క్లిక్ చేయండి..
