Watch Video: ఇలా ఉన్నావేంట్రా..! ‘ఐలవ్యూ’ చెప్పలేదని అమ్మాయిని కొట్టిన బుడ్డోడు.. నెటిజన్లు ఏమంటున్నారంటే..?
ప్రస్తుతం నెట్టింట ఓ చిన్ని ప్రేమికుడికి సంబంధించిన వీడియో వైరల్ అవుతోంది. అవును, అయితే ఆ బుడ్డోడు చేసిన పని కొందరికి కోపం తెప్పించేదిగా, మరి కొందరికి క్యూట్గా అనిపించింది. ఇక నెటిజన్లు వారి తొచిన..
Updated on: Mar 28, 2023 | 12:31 PM
సోషల్ మీడియాలో నిత్యం ఎన్నో రకాల వీడియోలు వైరల్ అవుతుంటాయి. అందులో చిన్నపిల్లలు, ప్రేమికులకు సంబంధించిన వీడియోలు కూడా ఉండడం సహజం. అయితే ప్రస్తుతం నెట్టింట ఓ చిన్ని ప్రేమికుడికి సంబంధించిన వీడియో వైరల్ అవుతోంది. అవును, అయితే ఆ బుడ్డోడు చేసిన పని కొందరికి కోపం తెప్పించేదిగా, మరి కొందరికి క్యూట్గా అనిపించింది. ఇక నెటిజన్లు వారి తొచిన విధంగా ఆ వీడియోపై స్పందిస్తున్నారు.
bad_boy_sujit_tiwari_098 అనే ఇన్స్టాగ్రామ్ ఖాతా నుంచి షేర్ అయిన వీడియోలో ఓ చిన్న పిల్లవాడు పక్కనే ఉన్న మరో చిన్నారికి చేతిపై ముద్దు పెట్టి ప్రపోజ్ చేస్తాడు. అనంతరం తన చేతిని ఆ చిన్నారికి అందించి, దానిపై ముద్దు పెట్టి ప్రపోజ్ చేయమని అడుగుతాడు. అయితే ఆ చిన్నారి మాత్రం ప్రపోజ్ చేయకుండా చేతిపై ముద్దు పెడుతూ ఉంటుంది. అందుకు ఆ బుడ్డోడు ముద్దు పెట్టి ఐ లవ్ యూ అని చెప్పమంటాడు. అయితే ఎంతకీ ఆ చిన్నారి పాప చెప్పకపోవడం కోపం తెచ్చుకుంటాడు బడ్డోడు. అంతటితో ఆగక ఆ చిన్నారిని చెంప మీద కొట్టి కిందకు నెట్టేస్తాడు. ఇక ఇందుకు సంబంధించిన దృశ్యాలను మీరు వీడియోలో చూడవచ్చు.
View this post on Instagram
ఇక దీనిపై నెటిజన్లలోని కొందరు కోపం తెచ్చుకుంటుండగా, మరి కొందరు నవ్వేసుకుంటున్నారు. ఇదే క్రమంలో విభిన్నాభిప్రాయాలతో కామెంట్ చేస్తున్నారు. ఈ క్రమంలో ఒక నెటిజన్ ‘వామ్మో వీడేంటి..? ఇప్పుడే ఇలా ఉన్నాడు.?’ అని రాసుకొచ్చారు. అలాగే మరో నెటిజన్ ‘వీడిని కాదు, ఆ బుడ్డోడి తల్లిదండ్రులను అనాలిలే. ఎంత చెప్పినా ఏం లాభం..?’ అని కామెంట్ చేశారు. ఇదే విధంగా ఇంకో నెటిజన్ ‘చెప్పేయవమ్మా.. బెట్టు చేస్తే, బెల్టు తీసేలా ఉన్నాడు’ అని సరదాగా రాసుకొచ్చాడు. ఇక ఈ వీడియోకు ఇప్పటివరకు 12.3 లక్షల వీక్షణలు, అలాగే 4 లక్షల 57వేలకు పైగా లైకులు వచ్చాయి.
