Viral: రైతా.. మజాకా..! కారు రూ.10 కాదంటూ అవమానించిన సేల్స్​మ్యాన్​.. గంటలో దిమ్మతిరిగే షాక్

చిరంజీవి నటించిన ‘స్నేహం కోసం’ మూవీ మీలో ఎంతమంది చూశారు. మెగాస్టార్ సినిమా కాబట్టి అందరూ మాగ్జిమమ్ కవర్ చేసే ఉంటారు. అందులో ఓ క్రేజీ సీన్ ఉంటుంది. మిత్రులైన చిరంజీవి, విజయ్​ కుమార్​ కలిసి కారు కొనేందుకు ఓ షోరూమ్​కు వెళ్లగా.. వారి వేషధారణ, మాట తీరు చూసి అక్కడి సిబ్బంది అవమానిస్తారు. ఆ తర్వాత.. గోనె సంచిలో నుంచి డబ్బుల కట్టలు కిందపోయగా.. ఒకింత షాకై.. తప్పు తెలుసుకుని కారును విక్రయిస్తారు. సేమ్ ఇలాంటి సీనే రియల్ లైఫ్ లోనూ జరిగింది. కర్ణాటకలోని తుముకూర్​లో గల మహీంద్రా షోరూమ్​ ఇందుకు వేదికైంది. మహీంద్రా బొలెరో కొనేందుకు ఓ రైతు షోరూమ్​కు వెళ్లగా.. అక్కడి సేల్స్​మ్యాన్​ కాస్త అతిగా ప్రవర్తించాడు.

కెంపెగౌడ అనే రైతు తన మిత్రులతో కలిసి బొలెరో పికప్​ ట్రక్కు కొనేందుకు వెళ్లారు. లోపలకు వెళ్లిన క్రమంలో వారి వేషధారణపై సెటైర్ వేస్తూ అక్కడి సేల్స్​మ్యాన్​ అవమానకరంగా మాట్లాడాడు. అంతేకాదు.. కారు ధర 10 రూపాయలు అనుకుని వచ్చినట్లు ఉన్నారు.. ఇక బయలుదేరండి అంటూ మాట తూలాడు. కారు కొనేందుకు ఇంత మంది రారని ఆ రైతు స్నేహితులను ఉద్దేశించి హేళనగా మాట్లాడాడు. ఈ సంఘటన మొత్తం అక్కడే ఉన్న ఒకరు రికార్డు చేశారు. ఆ సేల్స్​మ్యాన్ ఒకరి కింద నౌకరి చేస్తున్నాడు కానీ.. రైతు తన పొలంతో తాను సాగు చేసుకుంటూ జమిందారీలా బ్రతకుతాడు. అందుకే రైతులకు ఆత్మాభిమానం ఎక్కువ. ఈ క్రమంలో సేల్స్​మ్యాన్  అన్న మాటలకు రైతు కెంపెగౌడకు పట్టలేని కోపం వచ్చింది. గంటలో రూ.10 లక్షలు తీసుకొచ్చి వెంటనే కారు డెలివరీ చేయాలని షోరూమ్ సిబ్బందిని డిమాండ్​ చేశారు. రైతు నుంచి ఊహించని విధంగా వచ్చిన ఈ రిప్లైకి షాకైన సిబ్బంది.. మూడు రోజుల్లో కారు డెలివరీ చేస్తామని రైతుకు, ఆయన స్నేహితులకు తెలిపారు.

అనంతరం అక్కడి నుంచి వెళ్లిన రైతు.. తుముకూర్​లోని తిలక్​నగర్​ పోలీస్​ స్టేషన్​లో షోరూమ్​ సిబ్బందిపై కంప్లైంట్ చేశారు. దీంతో  సేల్స్​మ్యాన్​, ఇతర ఉద్యోగులు తమ తప్పు తెలుసుకున్నారు. కెంపెగౌడకు బహిరంగా క్షమాపణలు చెప్పారు. అంతేకాదు రాతపూర్వక క్షమాపణ పత్రాన్ని అందించారు. అనంతరం ఇరువర్గాలతో మాట్లాడిన పోలీసులు.. వివాదానికి ముగింపు పలికారు. రైతా.. మజాకా..!

Also Read: హెల్మెట్‌ పెట్టుకోలేదని సీఐ కొడుకు బైక్ ఆపిన కానిస్టేబుల్‌.. అతగాడి ఓవరాక్షన్ చూడండి