Viral: లక్ అంటే ఇదేనేమో.. సుడి తిరిగింది.. ఒక్క చేపతో కోట్లు వచ్చిపడ్డాయ్.!

చేపలలో ఎన్నో రకాల జాతులున్నాయ్. వాటి వల్ల కలిగే ప్రయోజనాలు కూడా చాలానే ఉన్నాయి. ఇక కొన్ని అరుదైన చేపలు భారీ ధరను పలుకుతాయి. వందల్లో లేదా వేలల్లో ఈ ధర ఉంటుందని అనుకుంటే పొరపాటే. అట్లాంటిక్ సముద్రంలో దొరికిన ఓ చేప.. జాలరిని రాత్రికి రాత్రే కోటీశ్వరుడును చేసింది. ఇంతకీ ఆ చేప ఎంత ధర పలికిందో తెలిస్తే షాక్ అవ్వాల్సిందే.. చేపల వేటకు వెళ్లిన ఓ జాలరికి బ్లూఫిన్ టూనా అనే అరుదైన జాతికి చెందిన చేప చిక్కింది. ఇక దాని విలువ అక్షరాలా రూ. 2 కోట్లు.

జపాన్‌ రాజధాని టోక్యోలోని టోయోసు చేపల మార్కెట్‌లో సదరు జాలరి ఈ చేపను వేలం వేయగా రూ. 2 కోట్లు పలికింది. సుమారు 212 కేజీలు బరువున్న ఈ చేప చాలా మొండిది. ఇతర చేపలపై ఇవి ఆధిపత్యం చెలాయిస్తాయి. గంటకు 70 కిమీ వేగంతో ప్రయాణించగలవు. ఈ బ్లూఫిన్ టూనా చేపలు 3 మీటర్ల పొడవు, 250 కేజీల బరువు ఉంటాయి. ఇతర చిన్న చేపలను ఇవి ఆహారంగా తింటాయి. ఈ చేపలోని ప్రోటీన్లు, ఒమేగా-3 ఫ్యాటీ యాసిడ్స్ గుండెకు మేలు చేస్తాయి. పలు ఔషధాల తయారీలో ఈ చెప్పాను ఉపయోగిస్తారు. ఈ బ్లూఫిన్ టూనా చేపలు సుమారు 40 సంవత్సరాలు బతుకుతాయి. ప్రస్తుతం వీటిని అక్కడ వేటాడటం నిషేధం.. కానీ అనూహ్యంగా వలకు చిక్కింది.